Tíminn - 10.02.1974, Blaðsíða 26

26
TÍMINN
Sunnudagur 1U. febrúar 1974.
Metnaður og skylda gagnvart
íslenzkri knattspyrnu að selja
heimaleikina ekki úr landi
Ellert Schram, núverandi formaður KSt, ásamt fyrirrennurum sinum i starfinu, Albert Guðmundssyni
og Björgvini Schram.
Með hækkandi sól fara
knattspyrnumenn að hugsa
sér til hreyfings. Það er
þvi ekki óeðlilegt að leita
svara hjá hinum nýja for-
manni KSÍ, Ellert B.
Schram, um verkefni þau,
sem framundan eru hjá ís-
lenzkum knattspyrnu-
mönnum.
Við hittum Ellert i siðustu viki
og lögðum þá fyrir hann nokkrar
spurninga.
— Ýmsum þykir, að hin nýja
stjórn KSt sé furðu róleg i tiöinni,
Ellert. Ilvað hefur hún aðhafst að
undanförnu?
— Ég læt það liggja milli hluta,
hvort einum eða öðrum finnist
KSI stórnin róleg i tiðinni. Við
verðum vonandi dæmdir af verk-
um okkar, en ekki blaðaskrifum.
Þegar núverandi stjórn tók við i
nóvember s.l., var i mörg horn að
lita: skipa i allar fastanefndir
sambandsins, ráða starfsmann,
taka ákvörðun um landsleiki á ár-
inu, undirbúa unglingalandsliðið
fyrir lokaátökin i Evrópukeppn-
inni i vor, ráða fram úr húsbygg-
ingarmálunum, huga að boðs-
miðamálinu o.s.frv. o.s.frv.
Niðurröðun
vandasöm
Nú eru allar nefndir fullskipað-
ar, og við höfum fengið duglega
og áhugasama menn til nefnda-
starfa, en á nefndarmönnum hvil-
ir meginþungi allrar daglegrar
vinnu á vegum KSÍ. Þeim til að-
stoðar er hinn nýi framkvæmdar-
stjóri, Hans Herbertsson, ungur
og efnilegur maður.
Vandasamasta verkið er niður-
röðun leikja, sem mótanefnd ann-
ast. Hún hefur þegar haldið fundi
með I. og II. deildar félögunum og
ráðgerir fund með III. deild siðar
i vetur. Meistarakeppni KSt og
skólamótið munu brátt hef jast, en
fyrsta mótið undir beinni stjórn
okkar verður Islandsmótið innan-
húss um páskana.
Breyting á
innanhússmótum
æskileg
Stjórn KSI og mótanefnd kom
saman um, að það mót skyldi
haldið mun fyrr um veturinn, en
það reyndist ekki mögulegt i
þetta skipti, vegna þess hve
Laugardalshöllin er ásetin. En
við höfum þegar gert ráðstafanir
til að breyta hér um i framtiðinni.
Félögin vilja, sem eðlilegt er,
nýta páskafriið til æfinga og
undirbúnings fyrir sumarið, sér-
staklega þegar páskarnir eru
seintá ferðinni. Ég tel eðlilegt, að
Reykjavikurmót innanhúss fari
fram fyrir áramót, en Islands-
mótið fljótlega þar á eftir, enda er
sá timi fyrst og fremst notaður til
innanhússknattspyrnu hjá
félögunum.
Nýjungar á
Reykjavíkurmóti?
Þá hef ég kvatt mótanefnd og
KRR til að hugleiða, hvort ekki
mætti gera einhverjar tilraunir til
nýjunga i leikreglum á Reykja-
vikurmóti eða þeim leikjum, sem
teljast nú meira til æfingaleikja
fyrir deildarkeppnina. A ég þá við
tilraunir með breyttar rangstöðu-
reglur, stig fyrir hornspyrnur,
innköst, skoruð mörk o.s.frv.
Þetta hefur verið reynt erlendis
og vakið slika athygli, að aðsókn
hefur stóraukizt.
Heimaleikir ekki
seldir úr landi
Þegar núverandi stjórn tók við i
nóv. s.l., var aðeinseinnlandsleik-
ur ákveðinn, við Finna, þann 19.
ágúst. Stjórn KSl hefur nú tekið
þá ákvörðun að taka þált i Evr-
ópukeppni landsliða, og er það i
fyrsta skipti, sem Islendingar eru
með i þeirri keppni. Eins og kunn-
ugt er, höfum við dregizt i riðil
með Frökkum, Belgum og A-
Þjóðverjum. Leikið skal heima og
heiman og riðlakeppninni lokið
eigi siðar en sumarið 1976.
Hér er um að ræða 6 leiki sam-
tals fyrir okkur Islendinga. I
þessari viku munum við Bjarni
Felixson mæta á fundi i Brussel,
þar sem leikdagar verða ákveðn-
ir, og stefnum við að þvi að leika
tvo —þrjá leiki i sumar. Að þvi er
stefnt, að ísland leiki sina heima-
leiki hér i Laugardalnum. Ég tel
það metnað okkar og skyldu
gagnvart isl. knattspyrnu áhang-
endum að selja ekki alla heima-
leiki úr landi. Sjálfsagt er að þvi
fjárhagslegur áyinningur, en ef
slikt er óhjákvæmilegt vegna á-
hugaleysis og litillar aðsóknar
hér heima, þá eigum við heldur
ekki að taka þátt i slikri keppni.
Einstök félög geta leyft sér það i
Evrópukeppni, en það er skylda
Knattspyrnusambandsins að sjá
svo um, að erlend úrvalslið komi
hingað til keppni, bæði vegna fsl.
knattspyrnumanna og isl. knatt-
spyrnuáhugamanna yfirleitt.
Munurinn á þvi að leika heima
eða heiman er orðinn slikur, að
það þýðir fyrirfram uppgjöf að
leika eingöngu að heiman. Knatt-
spyrnusambandið verður að afla
sér tekna með öðrum hætti en
þeim, að selja alla sina heima-
leiki úr landi.
Þegar talað er um landsleiki, er
augljóst, að þá verður að ákveða
með mun meiri fyrirvara en gert
hefur verið. Bæði er erfitt að fá
leiki með svo stuttum fyrirvara,
þvi aðrar þjóðir ákveða sitt ,,pró-
gramm” með meiri fyrirvara, og
eins hitt, að það veldur móta-
nefnd miklum erfiðleikum við
niðurröðun, þegar landsleikir eru
óákveðnir langt fram eftir árinu.
— Hver er afstaða þin til þjálf-
unarmála landsliðsins almennt?
A t.d. að leggja aukna áherzlu á
samæfingar leikmanna um lengri
tima, eða eiga leikmenn fyrst og
fremst að hljóta sina þjálfun hjá
félagsliðunum?
Þær vetraræfingar eða vetrar-
leikir „landsliðsins”, sem teknar
voru upp fyrir nokkrum árum,
hleyptu nýju blóði i knattspyrnu-
hreyfinguna og áttu stærsta þátt-
inn i þvi að mynda sterkan og
samstæðan kjarna i landsliðinu.
Það hefur hins vegar komið i
ljós, að þannig er ekki hægt að
keyra áfram ár eftir ár. Leik-
mennirnir verða þreyttir og leið-
ir, nýjabrumið hverfur og félögin
kvarta.
Þessi nýbreytni hefur þó haft
þau áhrif, að einstök félög byrja
nú mun fyrr sinar útiæfingar, og
vetraræfingar eru teknar miklu
fastari tökum.
Nú, þegar gera má ráð fyrir að
landsleikir verði fyrst leiknir sið-
ari hluta sumars, þá tel ég ekki
knýjandi nauðsyn að hefja mjög
snemma undirbúning landsliðs.
Skapa félagsanda
Félögin, sem flest öll hafa ráðið
til sin dýra erlenda þjálfara, eiga
að halda sinum mönnum sem
mest fram að keppnistimabilinu
og sjá um að koma þeim i æfingu.
Til þess þarf ekki sérstakar
landsliðsæfingar.
Þegar kemur fram á vorið,
verður að fylgjast vel með getu
þeirra leikmanna, sem til greina
koma i landsliðshópinn, kalla
þann hóp saman og hafa með
þeim æfingar og fundi, sem
Veruleg
stefnu-
breyting
hjá
stjórn
KSÍ
Eitt af þvl, sem Ellert B. Schram telur framtlöarverkefni KSI er aö efla menntun þjálfara. Þessi mynd er af þátttakendum á námskeiði
fyrir þjálfara, sem KSI efndi til á siðasta ári. Leiðbeinandi var Henning Enoksen frá Danmörku, sem sést fremst fyrir miðju á þessari mynd.