Fréttablaðið - 14.12.2004, Blaðsíða 8
8 14. desember 2004 ÞRIÐJUDAGUR
GENGIÐ Á FLÓÐASVÆÐUM
Verstu flóð í Malasíu í áratug hafa valdið
sjö dauðsföllum og gríðarlegum skemmd-
um í Kelantanfylki í austurhluta landsins.
Fimmtán þúsund manns hafa misst heim-
ili sitt af völdum flóðanna.
HEILBRIGÐISMÁL Ríkislögmanni
hefur verið send bótakrafa vegna
andláts barns sem tekið var með
bráðakeisaraskurði á Heilbrigðis-
stofnun Suðurnesja í september
2002. Það er lögmaður foreldr-
anna, Dögg Pálsdóttir, sem sendi
kröfuna og er ríkislögmaður nú
með hana til meðferðar.
Forsaga þessa máls er að móð-
irin kom á Heilbrigðisstofnun til
að fæða barn sitt í lok september
2002. Fæðingin gekk með eðlileg-
um hætti en þegar líða tók á hana
bað móðirin um að fá mænudeyf-
ingu. Henni var þá tjáð að svæf-
ingalæknirinn væri ekki á staðn-
um. Síðan var henni boðin leg-
hálsdeyfing, sem hún samþykkti.
Hún var ekki upplýst um hvaða
áhættu slík deyfing gæti haft í
för með sér, svo sem fall í
hjartslætti. Samkvæmt fyrir-
liggjandi hjartalínuriti datt hjart-
sláttur barnsins niður fimm til sjö
mínútum eftir að deyfingin var
sett upp og kom ekki upp aftur.
Hálftíma til 35 mínútum síðan var
gerður bráðakeisaraskurður á
konunni. Barnið var flutt með
sjúkrabíl á Landspítala - háskóla-
sjúkrahús, þar sem það lést
skömmu síðar.
- jss
PALESTÍNA, AFP/AP Mahmoud Abbas,
leiðtogi Frelsissamtaka Palestínu
(PLO) og fyrrum forsætisráðherra
heimastjórnar Palestínu, þykir
næsta öruggur með sigur í forseta-
kosningum Palestínu eftir tæpan
mánuð.
Helsti keppinautur Abbas,
Marwan Barghuti sem hafði mælst
með álíka mikið fylgi og Abbas í
skoðanakönnunum, hefur dregið
framboð sitt til baka og eftir það
þykir enginn frambjóðendanna
sem eftir eru líklegur til að hafa
sigur gegn Abbas. Barghuti og
Abbas mældust með um það bil 40
prósenta fylgi í skoðanakönnun-
um, margfalt meira en næstu
menn.
Mikill munur er á afstöðu Barg-
huti og Abbas til þess hvernig á að
berjast fyrir sjálfstæði Palestínu.
Barghuti hefur verið einn af
helstu hvatamönnunum að fjög-
urra ára vopnaðri baráttu Palest-
ínumanna gegn ísraelskum yfir-
ráðum á Vesturbakkanum og í
Gaza. Hann hefur áunnið sér virð-
ingu og fylgi fyrir einarða afstöðu
sína gegn því að gefa nokkuð eftir
af palestínsku landsvæði í samn-
ingum við Ísraela.
Abbas hefur talað fyrir því að
beita friðsamlegum aðgerðum og
beitt sér gegn ofbeldisverkum, að
mestu þó án árangurs eins og sjá
mátti í skammvinnri forsætisráð-
herratíð hans. Ólíkt Barghuti hef-
ur Abbas áunnið sér traust út fyrir
raðir Palestínumanna, þó á kostnað
trausts síns meðal Palestínumanna
sem álíta margir að hann sé alltof
linur í samskiptum við Ísraela.
Abbas var útnefndur eftirmað-
ur Jassers Arafat sem formaður
Frelsissamtaka Palestínu daginn
eftir að Arafat andaðist. Hann var
einn af höfundum Oslóarsam-
komulagsins og varð fyrsti forsæt-
isráðherra Palestínu. Því embætti
sagði hann lausu eftir aðeins fjóra
mánuði vegna deilna við Arafat um
stjórn á öryggissveitum. Abbas
þykir hófsamur og lagði sig fram
um að stöðva árásir herskárra
hreyfinga á ísraelska borgara.
Hann nýtur meiri virðingar á al-
þjóðavísu en heima við. Ísraelar og
Bandaríkjamenn geta hugsað sér
að eiga samstarf við hann en sum-
ir Palestínumenn vantreysta hon-
um. ■
Eldsneytisverð:
Búast má við
lækkun
BENSÍNVERÐ Heimsmarkaðsverð á
eldsneyti lækkaði um 16 prósent í
nóvembermánuði og fram í byrj-
un desember, að viðbættu sigi
dollara. Svolítill afturkippur kom
í þá þróun nú á síðari dögum, að
sögn Runólfs Ólafssonar hjá FÍB.
Hann kvaðst ekki gera ráð
fyrir að bensínverð hér á landi
lækkaði á næstu dögum. Það hefði
verið að ganga aðeins niður og
væri komið undir hundrað krónur
á ódýrari sjálfsafgreiðslustöðum.
„Ég á kannski von á því að
menn haldi aðeins í sér núna, en
annars ættum við að geta búist við
verðlækkun á næstu dögum.“ ■
jólagjöf
Hugmynd að
fyrir hana
Smáralind
Sími 545 1550
Glæsibæ
Sími 545 1500
Kringlunni
Sími 575 5100
www.utilif.is
The North Face
flíspeysa
Verð kr.7.990
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
U
TI
2
66
32
12
/2
00
4
BARNASMIÐJAN
Grafarvogi
Mikið úrval
leikfanga
barnasmidjan.is Opið til kl.21:00 til jóla
HEILBRIGÐISSTOFNUN SUÐURNESJA
Barnið var tekið með bráðakeisaraskurði á
Heilbrigðisstofnuninni en lést síðan á
Landspítalanum.
Lögmaður foreldra sendir ríkislögmanni bréf:
Bóta krafist vegna
barnsláts í fæðingu
GAZA, AP Fimm ísraelskir hermenn
lágu í valnum eftir árás palest-
ínskra vígamanna á ísraelska her-
stöð í fyrrinótt.
Vígamennirnir grófu göng
undir herstöðina, sprengdu öfluga
sprengju og réðust síðan á her-
mennina vopnaðir hríðskotariffl-
um. Fimm ísraelskir hermenn
særðust til viðbótar þeim sem lét-
ust og tveir vígamenn létu lífið í
árásinni.
Ísraelar hefndu árásarinnar
með því að skjóta flugskeytum á
verkstæði í Gaza sem þeir segja
Hamassamtökin hafa notað til að
útbúa sprengjur. Hamas lýsti
ábyrgð á árásinni á hendur sér
ásamt samtökum sem tengjast
Fatah. ■
ÁRÁSARMENN Í GÖNGUNUM
Hamas-samtökin sendu frá sér myndband
sem sýndi árásarmennina leggja af stað
inn í göngin.
Sjö féllu í árás í Gaza:
Réðust inn í herstöð
ABBAS MEÐ KÚVEISKUM RÁÐAMÖNNUM
Mahmoud Abbas fór til Kúveit um helgina og baðst afsökunar á stuðningsyfirlýsingu PLO
við innrás Íraka í Kúveit. Hér er hann ásamt Mohammed Abul Hassan, upplýsingaráðherra
Kúveit, til hægri og Ahmed Qureia, forsætisráðherra Palestínu, til vinstri.
1935 Mahmoud Abbas fæddist þetta
ár, tók síðar viðurnefnið Abu
Mazen eftir syni sínum sem
fæddist andvana.
1969 Varð framkvæmdastjóri PLO og
gegndi því embætti í 35 ár.
1976 Hóf fyrstur framámanna í PLO
viðræður við vinstrisinnaða
Ísraela.
2003 Varð fyrsti forsætisráðherra
Palestínu, sagði af sér eftir fjóra
mánuði vegna deilna við Jasser
Arafat.
Abbas þykir næsta
öruggur um sigur
Eftirmaður Jassers Arafat, sem leiðtogi PLO, þykir næsta öruggur um að
verða forseti palestínsku heimastjórnarinnar. Helsti keppinautur hans hefur
dregið framboð sitt til baka.
SJÓNVARPSDAGSKRÁ
VIKUNNAR »