Fréttablaðið - 14.12.2004, Blaðsíða 12

12 14. desember 2004 ÞRIÐJUDAGUR
Í VANDA STADDUR
Írski golfarinn Padraig Harrington mátti
hafa sig allan við þegar kúla hans lenti úti
í skógi í lokaumferðinni á Target World
golfmótinu sem fram fór í Kaliforníu.
Bílsprengjuárás og bardagar ollu mannfalli í Írak:
Á þriðja tug lést á einum sólarhring
ÍRAK, AP Þrettán Írakar létust
þegar bílsprengjuárás var gerð í
Bagdad í gær og þrír þjóðvarð-
liðar féllu í bardögum við upp-
reisnarmenn, þá var eitt ár liðið
frá handtöku Saddams Husseins.
Sjö bandarískir hermenn féllu í
bardögum við andspyrnumenn í
vesturhluta Íraks.
Hryðjuverkamaður sprengdi
sprengjum hlaðinn bíl sinn í loft
upp nærri einu hliðanna að
græna svæðinu í Bagdad, þar
sem helstu stjórnarstofnanir og
aðsetur fjölþjóðahersins í Írak er
að finna. Læknir á Yarmouk-
sjúkrahúsinu sagði að þrettán
hefðu látist í sprengingunni og í
það minnsta fimmtán særst.
Uppreisnarmenn réðust á íraska
þjóðvarðliða í Mishahda, norður
af Bagdad. Þrír þjóðvarðliðar
féllu í þeim átökum.
Í gær var greint frá því að sjö
bandarískir hermenn hefðu fall-
ið í tveimur bardögum í Anbar-
héraði í vesturhluta landsins.
Ekki var greint frá því hvar bar-
dagarnir voru háðir en sprengj-
um var varpað að búðum upp-
reisnarmanna í Falluja. Yfir-
menn Bandaríkjahers lýstu því
yfir í síðasta mánuði að herinn
hefði náð tökum á Falluja en upp-
reisnarmenn og Bandaríkjaher
berjast þar enn. ■
Útflutningur á kjöti
eykst um 30 prósent
Markaðssetning íslensks lambakjöts í Bandaríkjunum virðist vera að bera ávöxt. Útflutningur hefur
aukist um 30 prósent milli áranna 2003 og 2004. Reiknað er með svipaðri aukningu á næsta ári.
VIÐSKIPTI Alls verða flutt út um 230
brúttó tonn af fersku íslensku
lambakjöti til Bandaríkjanna á
þessu ári og er það 30 prósenta
aukning miðað við árið 2003. Bald-
vin Jónsson, framkvæmdastjóri
Áforms, sem hefur unnið að mark-
aðssetningu lambakjöts í Banda-
ríkjunum, segist búast við enn
meiri aukningu á næsta ári.
Í s l e n s k a
lambakjötið hef-
ur verið mark-
aðssett sem lúx-
usvara í Banda-
ríkjunum undan-
farin ár. Baldvin
segir að áralangt
markaðsstarf sé
nú að bera ávöxt.
Hann segist ekki
geta sagt hversu miklar tekjur fá-
ist af sölunni í ár en tekur fram að
mikil lækkun dollars undanfarin
misseri hafi sett strik í reikning-
inn. Hins vegar hafi það að nokkru
leyti verið vegið upp með því að
flytja kjötið með gámum í skipum í
stað þess að senda það með flugvél.
Við það hafi kostnaðurinn við út-
flutninginn minnkað.
Baldvin segir samstarfið við
bandarísku verslunarkeðjuna
Whole Foods Markets gríðarlega
mikilvægt. Verslunin reki 180
verslanir í Bandaríkjunum og
stefni að því að fjölga þeim um 50 á
næstu tveimur árum. Íslenska
lambakjötið sé selt í 111 verslunum
Whole Foods Markets og stefnt sé
að því að selja það í 180 á næsta ári.
Baldvin segir að verslanirnar
séu dýrar en hafi mikla sérstöðu.
Fyrirtækið leggi mikla áherslu á
vist- og dýravernd. Verslanir þess
selji til að mynda ekki kjöt af dýr-
um sem hafi sætt illri meðferð.
Hann segir Whole Foods Markets
vera á móti verksmiðjubúskap og
því hafi það styrkt bændur til að
hætta slíkum búskap og taka upp
blandaðan búskap. Baldvin segir að
þessi sjónarmið verslunarkeðjunn-
ar henti íslenskum búskap vel.
Auk þess að selja ferskt lamba-
kjöt til verslana Whole Foods
Markets segir Baldvin að kjötið
hafi verið selt í auknum mæli til
fimm stjörnu veitingahúsa. Til að
mynda hafi nýlega verið samið við
nokkur slík í Washington og New
York. trausti@frettabladid.is
REFUR
Minna kemur til sveitarstjórna úr ríkiskass-
anum vegna veiða á mink og ref.
Refa- og minkaveiðar:
Ekki næg
fjárveiting
SVEITARSTJÓRNARMÁL Sveitarfélög
taka á sig aukinn kostnað vegna
skipulegrar vinnu til að fækka ref
og mink.
Áki Ármann Jónsson, forstöðu-
maður veiðistjórnunarsviðs Um-
hverfisstofnunar, segir málið
einfalt: „Við fengum ekki nægilega
fjárveitingu á fjárlögum og urðum
að minnka hlutfallið úr 50 prósent-
um í 30 prósent.“
Alþingi samþykkti við af-
greiðslu fjárlaga fyrir árið að 20,2
milljónir skyldu renna til mála-
flokksins. Útreikningar Umhverf-
isstofnunar sýndu að 32 milljóna
væri þörf til að halda áfram að
greiða helming kostnaðarins. - gag
– hefur þú séð DV í dag?
HINN LÁTNI VAR
NÝKOMINN ÚR
SÍÐBÚINNI
BRÚÐKAUPSFERÐ
Fékk banahöggið fyrir framan
fjölskylduna sem vonar að þetta
verði öðrum víti til varnaðar
LANDBÚNAÐUR Allar líkur eru á því
að íslenska lambakjötið fái á
næsta ári sérstaka vottun frá
verslunarkeðjunni Whole Foods
Markets um góða meðferð sauð-
fjár að sögn Baldvins Jónssonar,
framkvæmdastjóra Áforms.
Baldvin segir þetta afar mikil-
vægt þar sem verslunarkeðjan
sé með mjög kröfuharða gæða-
stýringu sem njóti mikillar virð-
ingar á markaðinum.
„Fyrirtækið hefur sett upp
sínar eigin reglugerðir um með-
ferð dýra,“ segir Baldvin. „Til
dæmis er til reglugerð um með-
ferð anda á andabúgörðum. Sam-
kvæmt henni eiga endur sem
fæðast með sundfit að fá að
synda á líftímanum. Það er hin
siðferðislega skylda mannsins
gagnvart öndunum. Þetta lýsir
ágætlega hugsanaganginum inn-
an fyrirtækisins.“
Baldvin segir að bændur frá
að Nýja-Sjálandi, Bandaríkjun-
um og Íslandi hafi verið að vinna
með Whole Foods Markets að
reglugerð um meðferð sauðfjár.
„Það er von á hópi manna
hingað til lands í janúar til að
skoða meðferð dýra hér. Við
erum að mörgu leyti að stunda
búskap með gamla laginu og það
er einmitt það sem þeim finnst
jákvætt. Það má því segja að það
sé að koma okkur vel núna að
vera ekki komnir lengra á veg í
verksmiðjuþróuninni en raun
ber vitni.“ - th
ÍSLENSKT LAMBAKJÖT
Verslunarkeðjan Whole Foods Markets selur íslenskt lambakjöt í 111 verslunum víðs vegar
um Bandaríkin.
Útlendingar skoða meðferð sauðfjár:
Líkur á að íslenskt lamba-
kjöt fái sérstaka vottun
FORSETAFRÚIN Á ÍSLANDSKYNNINGU
Ólafur Ragnar Grímsson, forseti Íslands, og Dorrit Moussaieff forsetafrú voru gestir á Ís-
landsdegi í Bandaríkjunum í byrjun nóvember. Dorrit tók sig til og gaf nokkrum ungum
viðskiptavinum verslunarinnar Whole Foods Markets lambakjöt að smakka.
BALDVIN
JÓNSSON
KONA VIÐ SJÚKRABEÐ FÖÐUR SÍNS
Eshraq Salih stóð við sjúkrarúm föður síns á Yarmouk-sjúkrahúsinu í gær. Faðir hennar
særðist í bílsprengjuárás sem kostaði þrettán manns lífið.