Fréttablaðið - 29.01.2005, Blaðsíða 8

29. janúar 2005 LAUGARDAGUR
Bæjarstjóri Garðabæjar segir sérsamninga tækifæri til framþróunar:
Hyggst semja á ný við kennara
SVEITARSTJÓRNARMÁL Garðabær ætl-
ar að sérsníða kjarasamning fyrir
grunnskólakennara sem koma til
með að vinna í Sjálandsskóla.
Ásdís Halla Bragadóttir bæjar-
stjóri segir nýtt ákvæði í kjara-
samningi Kennarasambandsins og
sveitarfélaga gefa ráðrúm til breyt-
inganna. Sérsamningurinn sé til-
raun til að fara nýjar leiðir í kjara-
málum starfsfólks Garðabæjar.
„Sú reynsla verður að hjálpa
okkur í að meta hvaða framtíðar-
skref við tökum,“ segir Ásdís.
Hvort gefa eigi öðru starfsfólki
Garðabæjar tækifæri til að leggja
sitt mat á sérsamninga og hvort
það hafi áhuga á að fara í tilrauna-
samstarf með sveitarfélaginu.
Ásdís segir ekki hafa komið til tals
hjá bæjarstjórninni að enda sam-
starf við launanefnd sveitarfélag-
anna, sem semur um kjör starfs-
manna þeirra. Garðabær hafi stutt
þá kjarasamninga sem launa-
nefndin hafi gert.
„En okkur finnst hins vegar
spennandi að prófa nýjar leiðir.
Sérstaklega í þessum skóla sem
leggur áherslu á einstaklingsmiðað
nám og mikinn sveigjanleika,“
segir Ásdís. - gag
Alþingi og heimilisofbeldi:
Mikið rætt en lítið gert
HEIMILISOFBELDI Allar líkur eru á því
að frumvarp Kolbrúnar Halldórs-
dóttur, þingmanns Vinstri grænna,
um að auka valdheimildir lögreglu
til að fjarlægja ofbeldismenn af
heimilum sínum dagi upp í allsherj-
arnefnd í annað sinn, þrátt fyrir að
um þennan málaflokk virðist ríkja
þverpólitísk sátt.
Fréttablaðið ræddi við fimm
stjórnarþingmenn sem fæstir
mundu eftir málinu eða efnis-
atriðum þess, meðal annars þeir
sem sátu í allsherjarnefnd sem
hafði málið til umfjöllunar
og treysti enginn sér til þess
að taka efnislega afstöðu
gagnvart þessu frumvarpi
sem slíku. Flestir sögðust þó
hlynntir því að bæta réttar-stöðu
fórnarlamba heimilisofbeldis.
Kolbrún Halldórsdóttir segir að
meðferð þessa máls sé einkennandi
fyrir það áhugaleysi sem gæti gagn-
vart frumvörpum þingmanna
stjórnarandstöð-unnar, þrátt fyrir
að um þau ríki þverpólitísk sátt og
séu þau frekar látin daga uppi í
nefndum.
Ágúst Ólafur Ágústsson, þing-
maður Samfylkingarinnar, tekur
undir þetta og segir áhugaleysi
stjórnarþingmanna á þessum mála-
flokki undarlegt. - bs
Deilt um túlkun
Halldórs á 1441
Stjórnarandstæðingar telja Halldór Ásgrímsson rangtúlka lykilályktun
öryggisráðsins með því að segja að hún snúist um að velta Saddam.
Aðstoðarmaður Halldórs segir orð hans mistúlkuð.
STJÓRNMÁL Halldór Ásgrímsson
forsætisráðherra gerði harða hríð
að Össuri Skarphéðinssyni, for-
manni Samfylkingarinnar, á Al-
þingi á dögunum og sakaði hann
um vanþekkingu:
„Man háttvirtur þingmaður
það ekki að ályktun 1441 var sam-
þykkt í öryggisráðinu í nóvember
2002? Man hann ekki eftir því að
byggður var upp mikill þrýsting-
ur á Saddam Hussein að hann færi
frá völdum sem allar þjóðir stóðu
að, meðal annars Þjóðverjar?....
Það var verið að byggja upp mik-
inn þrýsting þessa mánuði og það
voru allir að vonast eftir því að sá
þrýstingur yrði til þess að
Saddam Hussein færi frá völd-
um.“
Þórunn Sveinbjarnardóttir,
þingmaður Samfylkingarinnar,
segir ekki hægt að skilja þessi orð
Halldórs á annan veg en hann telji
að ályktun 1441 fjalli um að koma
Saddam frá völdum. „Eins og allir
vita laut 1441 að því að leita af sér
allan grun um tilvist gereyðingar-
vopna í Írak. Til þess að hefja inn-
rás með samþykki Sameinuðu
þjóðanna hefði þurft að sam-
þykkja aðra ályktun í öryggisráð-
inu.“
Ekki náðist í Halldór Ásgríms-
son vegna málsins en aðstoðar-
maður hans, Björn Ingi Hrafns-
son, segir að Halldór hafi alls ekki
verið að vísa til álykt-unar 1441
þegar hann hafi
nefnt þrýsting um að „Saddam
Hussein færi frá völdum“. Hins
vegar stendur eftir að hugsun ráð-
herrans hvað þetta varðar er
mjög óljós og vandséð er að það
fáist staðist að Þjóðverjar hafi
tekið þátt í að mynda þrýsting á
að Saddam léti af völdum.
Eitt er þó víst, að engin gereyð-
ingarvopn hafa fundist í Írak. Þá
girðir stofnsáttmáli Sameinuðu
þjóðanna fyrir að aðildarríki reki
ríkisstjórn annars ríkis frá völd-
um í umboði samtakanna enda
væri þar með fullveldi ríkis rofið.
Í ályktun 1441, sem samþykkt
var í nóvember 2002, var Írökum
hótað „alvarlegum afleiðingum“
ef þeir leyfðu ekki aðgang vopna-
eftirlitsmanna og er ályktunin eitt
helsta þrætueplið í alþjóðastjórn-
málum samtímans.
a.snaevarr@frettabladid.is
ÁSDÍS HALLA BRAGADÓTTIR
Bæjarstjóri Garðabæjar segir sérsniðna
kjarasamninga kennara Sjálandsskóla, leið til
að leyfa sérstöðu starfa að njóta sín betur.
FR
ÉT
TA
B
LA
Ð
IÐ
/S
TE
FÁ
N
MINNISVARÐI UM HEIMILISOFBELDI
Kolbrún Halldórsdóttir segir áhugaleysi
ríkja gagnvart þessum málaflokki þrátt
fyrir þverpólitíska sátt.
ÖSSUR OG HALLDÓR
Halldór vændi Össur um vanþekkingu í utanríkismálum og túlkaði ályktun 1441
á frumlegan hátt.
FR
ÉT
TA
B
LA
Ð
IÐ
/G
VA