Fréttablaðið - 01.06.2005, Side 80

SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
DREIFING: dreifing@posthusid.is Auglýsingadeild: auglysingar@frettabladid.is Veffang: visir.is
VIÐ SEGJUM FRÉTTIR SMÁAUGLÝSINGASÍMINN ER 550 5000
Fréttir af
fólki
Fréttir snúast um fólk. Fréttir semeingöngu greina frá þurrum stað-
reyndum eru, sannast sagna, oft
hundleiðinlegar. Fólkið bak við frétt-
irnar gefur þeim líf og gildi. Sumar
fréttir eru þó þess eðlis að farsælast
getur verið að halda sig við beinharð-
ar staðreyndir og tölur og leyfa fólk-
inu sem þær snúast um að liggja milli
hluta, fá bara að vera án nafns og
andlits.
ÞAÐ er tvímælalaust frétt að maður
veikist af hermannaveiki og sömu-
leiðis hversu margir hafi fengið veik-
ina á þessu ári eða því síðasta, jafnvel
þróunin í fjölda greininga í einhver
ár, að ekki sé minnst á batahorfur
sjúklinganna. Það er hins vegar ekki
frétt hvaða einstaklingar veikjast af
þessum sjúkdómi, nema þeir séu á
einhvern hátt opinberar persónur.
OG hver er þá opinber persóna? Ráð-
herra? Já. Þingmaður? Ætli það ekki?
Leikari? Tja, ef hann er mjög frægur
– eða mjög fjölmiðlafíkinn (sem sagt
æstur í að vera í fjölmiðlum hvenær
sem færi gefst). Kaupsýslumaður?
Sama og með leikarann. Þetta er auð-
vitað hárfín lína og alls ekki óumdeil-
anleg en flestir eru líklega sammála
um að óbreyttur starfsmaður á
sjúkrahúsi geti varla talist opinber
persóna.
REGLULEGA eru okkur fluttar
fréttir af því hversu margir greinast
með krabbamein og ekki síður um
batahorfur þessara sjúklinga, sem
góðu heilli verða stöðugt betri. Lík-
lega dytti samt fáum í hug að birta
myndir af fólki sem greinist með
krabbamein og ekki heldur öllum
þeim sem læknast af því.
ÝMSIR sem veikst hafa af alls konar
sjúkdómum hafa hins vegar valið að
miðla af reynslu sinni í fjölmiðlum,
eins og fólk hefur gert sem orðið
hefur fyrir slysum og alls konar
annarri reynslu. Slíkar frásagnir eru
iðulega áhrifaríkar og einnig gagnleg-
ar, ekki síst þeim sem deila reynslu
með fólkinu. Þeir sem hafa greinst
með sjúkdóm, orðið fyrir slysi eða
skilið við maka sinn, ef út í það er
farið, og óska ekki eftir að deila
reynslu sinni með öðrum hljóta samt
að eiga fullan rétt á að eig þetta einka-
líf sitt í friði. Að ekki sé minnst á þá
sem eru of veikir til þess einu sinni að
taka afstöðu til þess hvort þeir vilja
koma fram í fjölmiðlum eða ekki. ■
BAKÞANKAR
STEINUNNAR
STEFÁNSDÓTTUR