Tíminn - 17.05.1975, Page 5

Laugardagur 17. ma'l 1975.
tíminn
5
4
Páskahret koma
víðar en á íslandi
Frá Þýzkalandi fréttist um jól,
aB þar væri litið jólalegt vegna
snjóleysis, en snjórinn lét held-
ur betur sjá sig um páskana i
Su&ur-Þýzkalandi og suður um
Alpahéruðin. t Miinchen varð
alhvitt af snjó, og mörg fjalla-
skörð lokuðust fyrir allri
umferð. A fjallinu Zugspitze,
sem er 2964 metra hátt var
óhemjumikill snjór, eða eins og
mest gerist að vetrarlagi og
þessar april-nætur voru þær
köldustu, sem þar hafa mælzt
siðan árið 1873!
Þessi gamla fjallakirkja á
fjallinu Wendelstein (i 1800 m
hæð) var snjóbarin á páskum og
likust mynd á jólakorti. I
Norður-Þýzkalandi voru stór-
rigningar um þetta leyti.
★
Nýtt eitilhart efni
Sovézkir visindamenn haf búið
til nýtt eitilhart gerviefni, á
grundvelli bornitrid. Þetta nýja
efni, sem hlotið hefur heitið
elbor, er ekki aðeins nálega eins
hart og demantur, heldur er það
I mörgum tilfellum betra til
tæknilegra nota. Það hefur t.d.
ekki efnaverkanir á járn og þol-
ir allt að 1200 stiga hita. Slitflet-
ir úr elbor endast 50 til 80 sinn-
um lengur en demantsskifur,
sem notaðar eru til að klæða
stállegur.
Nýjar gerðir
af Moskvich
1 Moskvitch-verksmiðjunum
er nú verið að leggja siðustu
hönd á undirbúning að fram-
leiðslu tveggja nýrra gerða:
„M-2138” og „M-2140”, sem
hafa ýmsa kosti fram yfir
núverandi gerðir „408” og
„412”, er þó hafa hlotið margar
alþjóölegar viðurkenningar. 1
hinum nýju gerðum er aflmeiri
vél, sem gefur möguleika á allt
að 150 km hámarkshraða á
klukkustund, en þrátt fyrir að
hinnýja vél er 82 hestöfl, verður
meðalbensineyðsla áfram 7 litr-
ar á hverja 100 km. Mikið hefur
verið „nostrað” við innri
frágang, og bilið milli afturhjól-
anna hefur verið aukið, en það
eykur aksturshæfni bifreiðar-
innar.
★
Fornminja
leiðangur
að vetralagi
Fornminjaleiðangur hefur nú
yfir vetrarmánuðina verið að
störfum langt inni i Siberiu.
Maður gæti ætlað, að veturinn
væri reyndar versti árstiminn
til slikra athafna, en skýringin
er einfaldlega sú að leiðangur-
inn rannsakar forsögulegar
klettamyndir og hellaristur við
Uda-fljót. Þessar myndir eru
ýmist á klettaveggjum, sem að-
eins er hægt að komast að, þeg-
ar áin er Isi lögð, eða i hellum,
sem eru óaðgengilegir að sumr-
inu, þegar vatnsborð árinnar er
svo hátt að hellismunnarnir eru
langt undir yfirborði vatnsins.
★
★
★
Grace er flutt til Parísar
Nú er svo komið, að Grace
furstafrú af Monako er flutt til
Parisar, og hún er farin frá
Rainier, þó kannski ekki fyrir
fullt og allt, þótt illar tungur
haldi þvi fram. Raunveruleg
ástæða fyrir flutningi frúarinn-
ar er sú, að hún vill vera I Paris
til þess að hugsa um tvær dætur
sinar, sem þar ganga i skóla. Á
hverju sunnudagskvöldi flýgur
hún frá Monako til Parísar, og á
mánudagsmorgnum fylgir hún
hinni 10 ára gömlu Stephanie i
skólann, Les Dames de Saint
Maures, eins og hann er nefnd-
ur. Skólinn er rétt utan við Paris
og þar dvelst telpan yfir vikuna.
Stephanie hefur enn ekki vanizt
nýju og breyttu umhverfi, og
þarfnast þvi nærveru móður
sinnar meira en annars. Hún
fær meira að segja stundum að
fara heim til móður sinnar á
kvöldin, en Grace býr með
Caroline dóttur sinni, sem nú er
18 ára. Það er mest vegna eldri
dótturinnar, sem Grace er kom-
in til Parisar. Caroline fær
nefnilega svo mörg ástarbréf á
hverjum einasta degi, að hún
þarf á ráðum og aöstoð móður
sinnar að halda til þess að ráða
rétt fram úr þvi, sem i þeim
stendur. Við allt þetta bætist
svo, að tengdamóðir Grace,
Charlotte sem senn verður ni-
ræð býr einsömul og veik i höll
nokkurri i Paris. Hún er óskap-
lega glöð yfir að hafa fengið
tengdadóttur sina til borgarinn-
ar, svo hún fái tækifæri til þess
að hitta hana annaö slagið. Á
hverju föstudagskvöldi flýgur
furstafrúin svo aftur til Monakó
og eyðir helgunum með manni
sinum og yngri börnum. Það er
þvi engin ástæða til þess að
imynda sér, að hjónaband
furstahjónanna i Mónakó sé i
þann veginn að fara út um þúf-
ur. önnur myndin er af Grace á
göngu með dætrum sinum
tveimur i Paris, en hin er af
henni og Caroline að kvöldlagi.
Þær eru að fara á skemmtistað
með óþekktum herramanni.
Arabar fjdrfesta í kvikmyndum
Anthony Quinn fær 1 millj.
dollara i laun fyrir kvikmynda-
leik f Libýu
Oliuauðævin i Austurlöndum
hrúgast upp, og Arabar eru að
komast upp á lagið með að fjár-
festa I ýmsum hlutum, sem
fyrir nokkrum árum hefði þótt
ótrúlegt i þeirra augum. Td.
hefur Kaddafi, forseti Libýu
snúið sér að kvikmyndafram-
leiðslu. Hann er afar strang-
trúaður Múhammeðstrúar-
maður, og hann ætlar ekki að
fara að framleiða einhverja
léttúðarfulla og hégómlega
kvikmynd, heldur snýr hann
sér að þvi, sem efst er I huga
hans og honum finnst mikilvæg-
ast — hann ætlar sem sagt að
láta gera stórkostlega
kvikmynd um upphaf
Múhammeðstrúar, og á hún að
vera söguieg og miklu til hennar
kostað. Margs konar sér-
fræðingar verða til aðstoðar og
Kaddafi hefur fengið Anthony
Quinn til að leika aðlhlutverkið,
en það er Hamza, sem var
bróðursonur spámannsins
Muhammeðs. Myndin á að heita
„Múhammeð — sendiboði
guðs”. Einnig leikur griska
leikkonan Irene Papas i þessari
kvikmynd, en annars eru
leikararnir allir Arabar.
Kaddafi hefur þegar ráöstafað
um 10 milljónum dollara til
kvikmyndagerðarinnar, og
búizt er við að annað eins þurfi
til aö fullgera myndina, — en
sem sagt ekkert er til sparað.
Leikarar og aðstoðarleikarar
skipta þúsundum, sérstaklega
þarf mikinn mannfjölda til þess
að leika bardagaatriði, sem
tekið er upp nálægt fæðingar-
staö Kaddafis, þar sem heitir
Sebha. Kaddafi vill ekki að
Muhammeð sjáist i myndinni,
en rödd hans heyrist.
Við sjáum hér á meðfylgjandi
mynd,hvar Kaddafi og Younes,
sem er háttsettur i libýska
hemum og einn aðal-aðstoðar-
maður Kaddafis, hafa dregið
skó sina af fótum sér og snúa sér
til Mekka og biðja bænir sinar,
eins og vera ber á vissum tim-
um sólarhringsins, samkvæmt
Múhammeðstrú. Á annarri
myndinni er Anthony Quinn að
leika Hamza, er hann flytur
boðskap Múhammeðs, og siðan
er mynd af Irene Papas i ein-
hverjum mjög skrautlegum
búningi, en hvaða persónu hún
leikur þarna er okkur ekki
kunnugt um. Sá sem stjórnar
þessari kvikmyndagerð er
Mustafa Akkad, en hann er frá
Sýrlandi. Heyrzt hefur að annar
oliugróða-pótintáti ætli að feta i
fótspor Kaddafis. Sagt er að
sjálfur keisarinn i íran hafi hug
á að láta gera mikla sögulega
mynd um þjóðhetjuna
persnesku, Cyrus hinn mikla, en
keisarinn hefur alla tið dáð hana
mjög. Fréttir herma, að
Roberto Rossellini hafi verið
fenginn til þess að stjórna
upptöku þeirrar myndar.