Fréttablaðið - 07.06.2005, Síða 20
4 7. júní 2005 ÞRIÐJUDAGUR
Stendur og fellur með sjálfum þér
Jónas hefur kennt tennis í sautján ár og er ekki á leiðinni að hætta.
Í húsi Sporthússins í Kópavogi er tennis-
kennsla á vegum Tennisfélags Kópavogs.
Jónas Páll Björnsson, sem rekur tennisaðstöð-
una og kennir tennis, segir íþróttina aldrei
hafa verið vinsælli á Íslandi en einmitt núna.
„Erlendis er talað um golf og tennis í sömu andrá þar
sem þessar tvær íþróttir eru jafn vinsælar á Vestur-
löndum. Sums staðar er tennis jafnvel vinsælli. Tenn-
is er tiltölulega ný íþrótt hér á landi og mér finnst hún
eiga mikið inni. Fólk virðist vera farið að uppgötva
tennis meira og meira núna,“ segir Jónas, en engar
sérstakar fatareglur eru í tennis eins og golfi. „Áður
fyrr áttu allir að vera í hvítum fötum á völlunum en í
dag er það ekki eins formlegt. Við erum mjög frjálsleg
hérna á Íslandi og skyldum fólk ekki til að vera í nein-
um sérstökum fötum. Bara léttum íþróttafötum.“
„Við rekum mjög öfluga starfsemi hér í Sporthús-
inu. Við erum með tvo innivelli og þrjá útivelli og bjóð-
um upp á tenniskennslu fyrir alla aldurshópa. Við
erum með tennis- og leikjaskóla fyrir fimm til þrettán
ára á sumrin, byrjendanámskeið fyrir fullorðna allan
ársins hring og námskeið allt árið fyrir krakka alveg
niður í fimm ára. Síðan eru opnir tímar vikulega á
sumrin sem henta vel fyrir fólk sem hefur sótt einhver
námskeið en er samt ekki búið að æfa tennis lengi. Öll
tennisfélög landsins æfa líka hér þannig að það er
alltaf nóg að gera á völlunum,“ segir Jónas, sem fer
ekki varhluta af vinsældum tennisíþróttarinnar. „Það
er mjög góð aðsókn í námskeiðin okkar. Margir vilja
koma sér í form en endast kannski ekki í líkamsrækt-
arstöðvum. Tennis er líkamsrækt sem er eins og
skemmtilegur leikur og þeir sem falla fyrir íþróttinni
á annað borð eru í henni það sem eftir er. Það er fólk
allt upp í áttrætt að spila hér til dæmis. Þetta er
skemmtileg hreyfing og maður hlakkar til að fara að
spila. Á byrjendanámskeiðunum okkar reynum við
líka að hafa gaman. Við förum í grunnatriðin og höfum
síðan „action“ og förum í alls kyns leiki sem reyna á
hæfnina. Við hjálpum líka fólki að taka fyrstu skrefin
og finna spilara sem er svipaður.“
Jónas hefur verið að æfa tennis síðan hann var tólf
ára og kenna í sautján ár þótt hann sé aðeins 33 ára.
„Það er algjör lúxus að fá að vinna við áhugamálið.
Tennis er líka rosalega góð alhliða hreyfing. Hún reyn-
ir mikið á fæturna og er vissulega mjög tæknileg
íþrótt. Til dæmis er mun léttara að skjóta fast en laust
og stjórna boltanum inni á vellinum. Það er ekki eins
auðvelt og það virðist í sjónvarpinu. Tennis er einnig
talsvert hugarspil. Eins og í öðrum einstaklingsíþrótt-
um er enginn sem hjálpar þér. Þú stendur og fellur
með sjálfum þér, sem er mjög gaman.“
lilja@frettabladid.is
Undirbúningshópur fyrir 10 kílómetra
hlaup í Íslandsbanka Reykjavíkur-mara-
þoni hefur æfingar í dag og er öllum
áhugasömum boðin þátttaka. Mark-
miðið með þátttöku í hópnum er að
koma sér í form fyrir 20. ágúst næst-
komandi en þá verður Íslandsbanka
Reykjavíkur-maraþonið haldið. Tveir
hópar hefja undirbúninginn, annars
vegar byrjendur og hinsvegar lengra
komnir. Alltaf verður þó hægt að skipta
um hóp, og hægt er að fá ráðleggingar
frá hlaupaþjálfurum um hvaða hópur
hentar.
Svipaður hópur var settur á laggirnar í
fyrra og það tókst frábærlega, um 100
manns mættu á fyrstu æfinguna. Æft
er á þriðjudögum og fimmtudögum kl.
17.30 í Laugardalnum og er mæting
við tjaldstæðið. Þáttaka er ókeypis og
allir sem skrá sig fá meðal annars
Hlaupahandbók Gunnars Páls Jóakims-
sonar. Skráning fer fram á vefsíðunni
www.marathon.is.
Undirbúningur fyrir maraþon
ÆFINGAR HEFJAST Í KVÖLD HJÁ UNDIRBÚNINGSHÓPI ÍSLANDSBANKA REYKJAVÍK-
UR-MARAÞONS.
Góð þátttaka var í undirbúningshópnum í
fyrra.
Full búð af nýjum umgjörðum.
Þekkt tískumerki á góðu verði.
Gleraugnasalan Geisli er akureyrskt fyrirtæki.
Höfðum þjónað Akureyri
og nágrenni í yfir 35 ár.
Höldum því áfram um
ókomna tíð.
Verið velkomin.
Mýkir liðina
og byggir upp brjósk
LIÐAMÓTIN
í lag
Fæst í apótekum, heilsubúðum
og matvöruverslunum
H
Á
G
Æ
Ð
A
A
M
E
R
ÍS
K
F
Æ
Ð
U
B
Ó
T
A
R
E
F
N
I
Sico gæðasmokkar,
öruggir, ódýrir, handhægir. Finndu þann sem hentar þér:
Fást í helstu lyfja-
verslunum um land
allt, fæst einnig í
Amor, Videoheimar
Faxafeni, Allt í Einu
Jafnaseli, Söluturn-
inn Miðvangi, Bæj-
arvideo, Foldaskál-
inn og Bío Grill.
-Grip
-Extra strong
-Ribbed
-Pearl
-Safety
-Sensitive
-Color
3 og 9 stykkja
pakkningar
100% hreinn fyrir þig
SMOOTHIE
ávaxtadrykkur
Arka • Sími 899 2363
Ótrúlega öflugur
kvefbani. Bólgueyðandi
og styrkir ónæmiskerfið
SÓLHATTUR
+ C-vítamín
Fæst í apótekum, heilsubúðum
og matvöruverslunum
H
Á
G
Æ
Ð
A
A
M
E
R
ÍS
K
F
Æ
Ð
U
B
Ó
T
A
R
E
F
N
I