Fréttablaðið - 05.08.2005, Qupperneq 48

5. ágúst 2005 FÖSTUDAGUR
> Við hlökkum til ...
... að sjá úrslitaleik Vals og Fram
í bikarkeppninni en þessi
fornu stórveldi munu
mætast í síðasta leik
tímabilsins þar sem allt
verður undir. Staða liðanna í
deildinni er þó mjög ólík þar
sem Valsmenn eru þeir einu
sem eiga raunhæfa
möguleika á titlinum fyrir
utan FH en Fram berst við
botn deildarinnar.
Fylgst með Bjarna
Útsendarar frá norska úrvalsdeildarliðinu
Odd Grenland voru viðstaddir leik Vals og
Fylkis í gær en þeir voru þangað komnir
til að fylgjast með Bjarna Ólafi Eiríkssyni,
bakverði hjá Val, sem hefur verið með
betri mönnum mótsins í sumar. Hann
hefur einnig verið valinn í landsliðið í
tvígang og kemur áhuginn því ekki á
óvart.
sport@frettabladid.is
28
> Við hrósum ...
.... Garðari Gunnlaugssyni sem í gær
skoraði sitt áttunda mark í
bikarkeppninni í fjórum
leikjum fyrir Valsmenn.
Garðar hefur verið með
eindæmum markheppinn
en hann skoraði tvö mörk í
gær, rétt eins og í síðustu
viku er Valur mætti Fylki í
Landsbankadeildinni.
Gar›ar Gunnlaugsson var hetja Valsmanna er hann skora›i bæ›i mörk li›sins gegn Fylki í gær í
undanúrslitum Visa-bikarkeppninnar. Hann hefur nú skora› átta mörk í keppninni.
Garðar skaut Valsmönnum áfram
VALUR–FYLKIR 2–0
1–0 Garðar Gunnlagusson 3.
2–0 Garðar Gunnlaugsson 80.
FÓTBOLTI Garðar Gunnlaugsson
skaut Valsmönnum í bikarúrslita-
leikinn með því að skora bæði
mörkin í 2-0 sigri á Fylkismönn-
um. Garðar hefur svo sannarlega
verið á skotskónum í keppninni.
„Þetta virðist vera mín keppni.
Það hefur alltaf gengið vel hjá
mér að skora í bikarleikjum
undanfarin ár. Með Skaganum var
það yfirleitt bara í bikarleikjum
sem ég skoraði. Nú er það bara að
skora líka í úrslitaleiknum, það
þýðir ekkert annað en að skora í
hverri umferð,“ sagði Garðar
Gunnlaugsson, hetja Valsmanna,
eftir 2-0 sigurinn á Fylki í undan-
úrslitum VISA-bikarsins í gær.
Garðar hefur svo sannarlega
verið á skotskónum í bikarkeppn-
inni þetta sumarið og skorað í öll-
um leikjum Vals í keppninni.
Hann er kominn með átta bikar-
mörk en auk þeirra hefur hann
skorað fimm mörk í Landsbanka-
deildinni. Leikurinn í gær var
aðeins þriggja mínútna gamall
þegar Valsmenn tóku forystuna á
Laugardalsvelli en þá var Garðar
réttur maður á réttum stað og
skoraði eftir sendingu Bjarna
Ólafs Eiríkssonar. Fylkismenn
komust nálægt því að jafna þegar
skot frá Björgólfi Takefusa úr
aukaspyrnu rétt fyrir utan teig
hafnaði í stönginni á 26. mínútu.
Þeir sýndu fína spilamennsku á
köflum en gekk ekki að skapa sér
opin marktækifæri og Valsmenn
fóru með forystu í leikhléinu.
Eftir því sem mínúturnar liðu
urðu Fylkismenn meira og meira
pirraðir. Þeim fannst dómgæsla
Garðars Hinrikssonar halla á sig
og bekkurinn hjá þeim fékk að líta
gult spjald. Daninn Christian
Christiansen kom inn á 55.mínútu
og það tók hann aðeins tíu mínút-
ur að fá tvö gul spjöld og verða
sendur í sturtu og því ljóst að
lokakaflinn yrði erfiður fyrir
Fylki. Eyjólfur Héðinsson átti frá-
bært langskot á 70. mínútu sem
fór hárfínt framhjá en lengra
komst Fylkir ekki. Valsmenn léku
vel, með Sigurbjörn Hreiðarsson
og Garðar sem bestu menn. Sá
síðarnefndi átti skot í stöngina
rétt áður en hann bætti öðru
marki við tíu mínútum fyrir leiks-
lok. „Mér fannst Fylkismenn vera
yfirspenntir í leiknum, þetta er í
þriðja sinn sem við vinnum þá í
sumar og það fór illa í þá. Það er
frábært að vera kominn í bikar-
úrslitin, það er stærsti leikur árs-
ins og frábært að taka þátt í
honum,“ sagði Garðar, sem er
ákveðinn í að skora í sjálfum úr-
slitaleiknum gegn Fram, sem
verður lokaleikur sumarsins.
Valur Fannar Gíslason, fyrirliði
Fylkis, neitaði blaðmanni Frétta-
blaðsins um viðtal eftir leikinn og
strunsaði inn í búningsklefa.
Maður leiksins: Garðar
Gunnlaugsson, Val.
elvar@frettabladid.is
HVAÐ? HVENÆR? HVAR?
2 3 4 5 6 7 8
Föstudagur
ÁGÚST
■ ■ LEIKIR

19.00 Haukar taka á móti Fjölni á
Ásvöllum í Hafnarfirði í 1. deild karla.
■ ■ SJÓNVARP

16.50 HM íslenska hestsins á
RÚV.

19.00 Gillette-sportpakkinn á Sýn.

19.30 Mótorsport 2005 á Sýn.

20.00 Motorworld á Sýn.

20.30 World Supercross á Sýn.

21.30 World Poker Tour 2 á Sýn.

23.00 K-1 á Sýn.

23.05 HM íslenska hestsins á
RÚV.
Guðjón Þórðarson undirbýr lið Notts
County nú af kappi fyrir átökin í annarri
deildinni ensku í knattspyrnu, en liðinu
hefur gengið vel í æfingaleikjunum. „Ég
er sáttur með frammistöðu okkar til
þessa. Auðvitað er alltaf hægt að
gera betur en ég get ekki gert kröfu
um betri spilamennsku en þá sem
við höfum sýnt til þessa.“
Vörnin hefur verið sterk í leikj-
unum og segir Guðjón það
vera mikilvægast af öllu að
halda hreinu í leikjunum. „Ég
myndi vilja vinna 1-0 í hverri
viku ef það væri hægt. Það
gefur liðinu mikið sjálfs-
traust að fá ekki á sig
mark og ég lít á það
sem grundvöll fyrir
stöðugri frammistöðu að halda markinu
hreinu. Ég er ekki í nokkrum vafa um
að við munum berjast um að komast
upp um deild, ef leikmenn halda áfram
að leggja sig fram eins og þeir hafa gert
á æfingum að undanförnu.“
Kevin Pilkington, fyrrverandi mark-
vörður Manchester United sem gekk
til liðs við Notts County fyrir
skömmu, verður örugglega
einn af lykilmönnum liðsins,
en Guðjón segir hann vera
virkilega góðan markmann
sem efli sjálfstraust varnar-
manna liðsins. „Pilkington
er markmaður sem hefur
mikla reynslu og getu til
þess að standa sig vel á
komandi tímabili. Hann
hefur verið frábær á undirbúningstíma-
bilinu og ég efast ekki um hann verði
einn af lykilmönnum liðsins á leiktíðinni
sem hefst von bráðar.“
Emmet Friars, norður-írski U-21 lands-
liðsmaðurinn sem gekk til liðs við Notts
County á síðustu leiktíð, segir Guðjón
vera virkilega góðan stjórnanda sem
eigi eftir ná góðum árangri með liðið.
„Undirbúningstímabilið hefur verið
rosalega erfitt. Við erum búnir að vera
mikið í líkamlegum æfingum og það er
nauðsynlegt til þess að geta þolað
leikjaálagið á tímabilinu betur.“
Guðjón skipaði nýlega Frakkann Julien
Baudet fyrirliða Notts County en hann
hefur verið einn besti leikmaður liðsins
í æfingaleikjunum.
KEPPNISTÍMABILIÐ AÐ HEFJAST HJÁ NOTTS COUNTY: GUÐJÓN ÞÓRÐARSON BJARTSÝNN
A›alatri›i› a› halda markinu hreinu
SKÓLAVÖRÐUSTIG 2
Íslenska U-16 landsliðið:
Tap fyrir
Slóvenum
KÖRFUBOLTI Íslenska körfubolta-
landsliðið skipað leikmönnum 16
ára og yngri tapaði í gær fyrir
Slóvenum í síðasta leik milliriðla-
keppninnar. Leikar stóðu jafnir í
hálfleik en íslenska liðið skoraði
svo aðeins þrjú stig gegn 25
stigum Slóvena í þriðja leikhluta
sem reyndist of dýrkeypt. Loka-
tölur voru 68–50. Liðið mætir á
morgun Belgum í hreinum
úrslitaleik um hvort liðið haldi
sæti sínu í A-deild Evrópukeppn-
innar. - esá
HETJA VALSMANNA Garðar Gunnlaugsson skoraði bæði mörk Vals í gær og var hetja
liðsins er það tryggði sér sæti í úrslitum bikarkeppninnar. FRÉTTABLAÐIÐ/STEFÁN