Fréttablaðið - 05.08.2005, Side 62

42 5. ágúst 2005 FÖSTUDAGUR
Það hefur að vonum vakið athygliað samkvæmt nýrri Gallup-könnun
telja 37% Reykvíkinga Gísla Martein
Baldursson líklegastan til að
leiða lista sjálfstæðismanna
til sigurs í næstu borgar-
stjórnarkosningum. Gísli
Marteinn hefur svarið
könnunina af sér þótt hún
virðist runnin undan rifj-
um stuðningsmanna
hans en talsmaður að-
standenda könnunarinnar, Einar Örn
Ólafsson, er nágranni Gísla Marteins
á Melhaganum. Þeir sem könnunin
var gerð fyrir hafa upplýst hvernig
fylgi borgarfulltrúa Sjálfstæðisflokksins
skiptist eftir aldri og kyni aðspurðra.
Þeir sem lentu í úrtaki Gallup voru þó
ekki aðeins spurðir um viðhorf sín til
borgarfulltrúa Sjálfstæðisflokksins
heldur einnig hvernig
þeir hygðust verja at-
kvæði sínu í næstu
borgarstjórnarkosning-
um. Það vekur því óneit-
anlega forvitni að að-
standendur könnunnarinn-
ar hafa ekki gefið neitt uppi
um það hvernig fylgið skiptist á milli
frambjóðenda Sjálfstæðisflokksins eft-
ir því hvernig hinir spurðu hugðust
kjósa í næstu kosningum og því er
ekki úr vegi að ætla að sú niðurstaða
sé aðstandendum könnunnarinnar
ekki að skapi og hún því látin liggja
milli hluta. Þar til annað kemur í ljós
má því ætla að sá maður sem næst-
flestir borgarbúar telji að geti sigrað
R-listann, Vilhjálmur Þ. Vilhjálmsson,
eigi jafnvel frekar upp á pallborðið
hjá kjósendum Sjálfstæðisflokksins en
Gísli Marteinn.
Indverska söngprinsessan Leonciehefur lengi haft í hyggju að yfirgefa
Ísland en nú segist hún vera byrjuð
að pakka niður. Hún segist vera búin
að fá sig fullsadda af spilltu kerfinu á
Íslandi og ráðherrum sem þekki ekki
muninn á réttu og röngu.
Leoncie hefur margsinnis
kvartað undan ofsóknum
og kynþáttafordómum
samborgara sinna á Ís-
landi og segist hafa
vakið athygli erlendra fjölmiðla á
hrakförum sínum á Íslandi. Leoncie er
að sögn mjög ánægð með þá ákvörð-
un sína að yfirgefa klakann enda selj-
ist nýja platan hennar, Invisible Girl,
vel á erlendri grundu. Hún er orðin
svo langþreytt á Íslendingum að hún
segist ekki einu sinni munu heim-
sækja landið aftur eftir að hún flytur á
brott. Hún hafi meira að segja sagt
Viktori, íslenskum eiginmanni sínum,
að hún muni skilja við hann reyni
hann að draga sig aftur til landsins.
Humar
1.290,-kr.kg
Ótrúlegt verð á fínum humri.
„Mér fannst yndislegt að vakna í
morgun og vera kóngur Íslands,“
segir hinn nýkrýndi dragkóngur
Íslands ársins 2005, Halla Frí-
mannsdóttir. Hún vann hug og
hjörtu viðstaddra á Gauki á Stöng
á miðvikudagskvöld þegar Drag-
keppni Íslands fór þar fram. Halla
kom fram í gervinu Tino the
latino lover, daðrara af guðs náð,
sem talaði ensku með spænskum
hreim og dansaði tangó yfir
sviðið.
„Ég átti ekki von á þessu en ég
keppti þó að sjálfsögðu til sigurs.
Ég var búin að undirbúa mig í
tvær vikur og inni í því var ströng
fimm daga tangókennsla.“ Að-
spurð hvers vegna hún hefði valið
persónu spænska daðrarans segir
hún: „Þetta er spurning um per-
sónusköpun. Drottningarnar eru
svo oft tíkarlegar og orðhvassar
og ég vildi frekar vera daðrari
dauðans. Mér finnst latínógæjar
vera sérstaklega góðir í því. Tino
talar ensku með spænskum hreim
og það vill svo skemmtilega til að
það býr maður hjá mér í mánuð
sem er frá Ítalíu. Við tölum saman
á ensku og ég náði þessum hreim
snögglega.“
Halla hafði áður farið á leiklist-
arnámskeið hjá Maríu Pálsdóttur
og lærði ýmislegt gagnlegt þar.
„Ég lærði þar að vera kóngur í
einn dag, búa til gervið og sjá
hvað það er sem menn gera öðru-
vísi en við. Þeir hafa til dæmis
öðruvísi augnaráð, standa öðru-
vísi, eru með minni mýkt í líkam-
anum og gera bara einn hlut í einu
en ekki marga eins og konur,“ seg-
ir hún og skellir upp úr. „Úps,
þetta var hart skot á karlkynið.“
Aðspurð hvort titillinn sé henni
mikilvægur segir Halla að hann
sé ekki beinlínis mikilvægur fyrir
hana sjálfa. „Frekar finnst mér
það skipta miklu máli fyrir drag-
keppnir almennt að það sé búið að
brjóta blað í sögunni hér á Íslandi
og stelpur fái loksins að taka þátt.
Það er æðislegt og ég vona að
þetta sé hvatning til fleiri stelpna
að skrá sig. Það skiptir ekki máli
hvort þú ert sam-, tví- eða gagn-
kynhneigður því þetta snýst um
persónusköpun, er leikur og
ákveðin tegund af leikhúsi. Ég
fékk að minnsta kosti mjög mikið
kikk út úr þessu,“ segir Halla,
sem vinnur dags daglega sem ráð-
gjafi hjá Hinu húsinu. Hún verður
að sjálfsögðu mjög sýnileg á Gay
Pride hátíðinni sem nú stendur
yfir og sérstaklega í skrúðgöng-
unni á laugardaginn.
hilda@frettabladid.is
TINO THE TANGO LOVER Halla Frímannsdóttir brá sér í gervi spænska daðrarans í Dragkeppni Íslands á miðvikudagskvöld. Hún heill-
aði viðstadda upp úr skónum og vann að sjálfsögðu keppnina.
HALLA FRÍMANNSDÓTTIR: DANSAÐI TIL SIGURS Í DRAGKEPPNI ÍSLANDS 2005
Latínódaðrari af guðs náð
FRÉTTIR AF FÓLKI
... fá Róbert Douglas og aðrir að-
standendur kvikmyndarinnar
Strákarnir okkar fyrir að fá hana
inn á kvikmyndahátíðina í
Toronto í Kanada.
HRÓSIÐ
Einhvern veginn upplifir maður öll sín verstu augnablik
þegar það má alls ekki gerast. Að því er virðist er eitt-
hvert æðra máttarvald sem ákveður það fyrir okkur. Svo
eru örugglega einhver efni í líkamanum sem koma fram
um leið og stress sem hjálpar til við að setja mann í
þessar ömurlegu aðstæður.
Mér svelgist til dæmis aldrei á nema þegar ég er á mikil-
vægum fundi, í leikhúsi eða á deiti. Þá byrjar það þannig
að mér tekst ekki að kyngja munnvatninu rétt og ég fæ
svakalegt hóstakast. Hóstakastið verður að einhverju sem
líkist því þegar maður er að kafna, ég svitna og verð
eldrauð í framan. Þá er alveg á tæru að allir þeir sem eru
staddir í 3ja kílómetra radíus eru búnir að taka eftir
panikkinu og farnir að glápa. Þá verð ég vandræðaleg og
roðna enn meira. Því næst spyr mig einhver hvort það sé
í lagi með mig um leið og mér er klappað á bakið.
Klappið er hins vegar meira eins og rýtingur í bakið því
eftir svona kast er röddin í mér gersamlega lömuð og ég
þarf að vandræðast við að segja „já“ svo allir heyri. Þegar
þessi ömurlegu atvik mín hafa komið fyrir á deiti hafa
þau þó aldrei haft neinar alvarlegri afleiðingar en brjál-
æðisleg hlátursköst hjá okkur báðum.
Ein kunningjakona mín fór öllu verr út úr svona atviki.
Hún var loksins búin að fara á stefnumót með gæjanum
sem hana var búið að dreyma um í lengri tíma. Stefnu-
mótið fór svakalega vel og þau ákváðu að fara saman í
sund daginn eftir. Staðráðin í því að heilla manninn þegar
hún labbaði eftir bakkanum á leiðinni ofan í keypti hún
sér svakalega pæjulegan sundbol. Hún er rosalega mikill
kroppur og passaði sig að hann sæi sig vel á sundboln-
um. Einhverra hluta vegna virtist hann henni afhuga og
þau stoppuðu stutt í lauginni. Hann hringdi aldrei aftur!
Nokkrum vikum seinna fór hún í sund með vinkonu
sinni. Rétt áður en þær fóru út í laug fékk vinkonan
móðursýkislegt hláturskast og benti á rassinn á henni því
orðin stóðu á sér af hlátri. Þá
var risastór saumspretta á
rassinum á sundbolnum
og það glampaði í beran
bossann!
Nú skildi hún af hverju mað-
urinn hafði aldrei hringt aftur
og íhugaði að fara í mál við
íþróttavörubúðina sem seldi
henni bolinn. Hún komst þó að
þeirri niðurstöðu að hún hefði
frekar átt að senda þeim blóm fyrir
að sýna sér fram á hversu grunnhygginn
maðurinn væri. Sannkallað lán í
óláni því það er nauðsynlegt að
geta hlegið að vitleysunni í hvort
öðru. Sumir hafa einfaldlega ekki
húmor, aumingja þeir!
REYKJAVÍKURNÆTUR
HARPA PÉTURSDÓTTIR HEFUR SAMÚÐ MEÐ ÞEIM HÚMORSLAUSU.
Lán í óláni
Þeir sem vilja heyra nýjustu
plötu Sigur Rósar, Takk, sem
kemur út 13. september geta
stimplað sig inn á heimasíðuna
oink.me.uk en þangað var henni
nýlega lekið.
Þessi tíðindi hljóta að koma
sér illa fyrir sveitina og útgáfu-
fyrirtæki hennar, rúmum mánuði
áður en platan kemur út. Jónsi,
söngvari Sigur Rósar, var stadd-
ur í Ástralíu með hljómsveit
sinni þegar Fréttablaðið náði í
hann. Hann segist hafa verið bú-
inn að heyra af þessu en kippti
sér lítið upp við tíðindin.
„Ég held að þetta skipti ekki
neinu máli og er bara fínt. Netið
er búið að gera okkur svo gott.
Margt fólk hefur kynnst tónlist-
inni okkar í gegnum netið þannig
að ég held að þetta sé til góða, þó
að þetta sé dálítið leiðinlegt. Þetta
eyðileggur smá spennu fyrir
fólki. En þetta er búið að gerast
og þá gerist það og menn verða að
sjá það góða í því,“ segir hann.
Jónsi býst ekki við að útgáfu-
degi plötunnar verði flýtt eins og
oft er gert með plötur sem er
lekið svo snemma á netið. Að-
spurður segir Jónsi að tónleika-
ferð Sigur Rósar um heiminn hafi
gengið rosalega vel og í raun
framar öllum vonum. Hljóm-
sveitin sé nýbyrjuð að spila nýju
lögin á tónleikum og þau hafi
komið vel út. ■
Lálárétt: 1 lagleg, 6 tæki, 7 stórfljót, 8
kveinstafir, 9 herma eftir, 10 reið, 12
skordýr, 14 óveður, 15 átt, 16 keyrði, 17
félaga, 18 sýniglugga.
Lóðrétt: 1 megn, 2 askur, 3 leikar, 4
kunngjöri, 5 kyrra, 9 herðandi forskeyti,
11 hársveip, 13 jarðveg, 14 blóm, 17
hætta.
Lausn.
1
6 7
98
10
12 13
1514
16
18
17
11
2 3 4 5
Lárétt:1snotur, 6tól,7pó,8æi,9apa,
10ill,12lýs,14rok,15sa,16ók,17vin,
18skjá.
Lóðrétt:1stæk,2nói,3ol,4upplýsi,5
róa,9all,11lokk,13sand,14rós,17vá.
SKÓLAVÖRÐUSTIG 2
Plata Sigur Rósar komin á neti›
SIGUR RÓS Platan Takk með Sigur Rós er
komin á netið, rúmum mánuði fyrir áætl-
aðan útgáfudag.
SJÓNVARPSDAGSKRÁ
VIKUNNAR »