Fréttablaðið - 25.09.2005, Blaðsíða 59
27SUNNUDAGUR 25. september 2005
Ásthildur er líklega sú besta frá upphafi
Þóra B. Helgadóttir – „Einfaldlega besti
markvörðurinn sem ég hef spilað með.“
Katrín Jónsdóttir – „Sú duglegasta sem ég
hef leikið með. Leggur sig alltaf hundrað prósent
fram.“
Guðrún Sóley Gunnarsdóttir – „.Hennar
helsti kostur er hraði. Gott að spila með henni í
miðri vörninni.“
Rósa Júlía Steinþórsdóttir – „Les leikinn
mjög vel. Alltaf hægt að treysta á hana.“
Guðlaug Jónsdóttir – „Fjölhæf, sterk í vörn og
sókn. Með mjög góðar sendingar“
Ásthildur Helgadóttir – „Góður samherji,
mikill leiðtogi. Líklega besti leikmaður sem Ísland
hefur átt.“
Laufey Ólafsdóttir – „Með mikla hæfileika,
góðar sendingar. Alhliða leikmaður sem getur
leyst allar stöður á miðjunni.“
Margrét Ólafsdóttir – „Mjög teknísk, heldur
vel bota. Einn af þessum leikmönnum sem getur
unnið leiki upp á sitt eindæmi.“
Olga Færseth – „Markaskorari af Guðs náð.
Segir allt sem segja þarf um hana.“
Ásta B. Gunnlaugsdóttir – „Það var mjög
gaman að spila með Ástu. Fjölhæfur framherji sem
gat einnig farið á miðjuna.“
„Annars var mjög erfitt að gera upp á milli
alls þess hóps sem ég hef spilað með í gegnum
tíðina.“
Þóra Björg
Laufey
4-4-2
LIÐIÐ MITT > BESTU SAMHERJAR ERLU HENDRIKSDÓTTUR Á FERLINUM
Katrín Guðrún Sóley Erla Rósa Júlia
Ásthildur
Olga
Guðlaug Margrét
Ásta
Eftir 517 daga í eyðimörkinni gekk Jonathan Woodgate loks hnarreistur
í hvítum kyrtli Madrídinga inn á Bernabeau á fimmtudagskvöldið. Þurfti
enga greiningardeild til að reikna út að gengi þar á völl ungur maður
með mikla byrði á herðum. En almættið létti ekki byrðinni því eftir
rúmar 20 mínútur var hann búinn að skora sjálfsmark og þegar sam-
herjar hans voru loks signir framúr Bilbæingum lét hann reka sig útaf.
Áhorfendur fundu svo til með pilti að þeir klöppuðu fyrir honum er
hann gekk beygður af velli. Og þótt sumir fengju aumingjahroll yfir
þessum gjörningi varð öðrum tilefni spekúlasjóna að þyrfti nú býsna
mikið til að bræða hjörtu hinna kaldhæðnu og krítísku aðdáenda kon-
ungsliðsins. Ný költhetja fæddist þetta kvöld í Madrídarborg.
Æðruleysisleg viðbrögð Woodgates heilluðu spænsku pressuna. „F**k
me! What a debut,“ stundi hann við enskan blaðamann og sló síðan í
gegn hjá spænskum blaðamönnum með því að svara á giska góðri
spænsku á skýran og einfaldan hátt öllum þeim andstyggilegu spurn-
ingum sem að honum var varpað.
Stúderað á sjúkrabeði
„Komm on strákar, ef einhver af okkur ensku guttunum átti að hafa
tíma til að læra málið var það ég, alltaf að spjalla við hjúkkurnar,“ svar-
aði Woodgate og vísaði til góðra stunda á sjúkrabeði syðra og stam-
andi talanda Beckham og Owen. „Með viðkynningu sinni hefur hann
eignast hjörtu aðdáenda Madríd þótt ekki hafi hann enn náð virðingu
þeirra sem leikmaður,“ sagði blaðamaður óopinbers málgagns félags-
ins, dagblaðsins AS.
Anarkistahetjan Blissett
Hverju sem framvindur hjá Woodgate hefur frumraun hans komist á
spjöld sögunnar sem einhver lygilegasta endurkoma allra tíma. Skyrta
númer 18 með nafni hans á bakinu flýgur út og sýnir hvernig gæfa og
gjörvileiki kallast ekki alltaf á. Minnir saga Woodgates að þessu leyti á
Luther Blissett sem ótrúlegt en satt er vinsælasti enski leikmaður sem
leikið hefur á Ítalíu. Blissett var aðalstjarna spútnikliðs Watford ásamt
John Barnes á öndverðum áttunda áratugnum er liðið styrkt af aurum
Elton John skreið um stund í hásæng enskrar knattspyrnu. Hann var
seldur til AC Milan 1982 fyrir milljón pund en skoraði aðeins fimm
mörk og var seldur til heimahúsa fyrir 55 þúsund pund tveimur árum
síðar. Sú tala samsvaraði kostnaðinum við að flytja fjölskyldu hans og
hafurtask heim. Blissett varð frægur í annað sinn að endemum 1997
er fjórir ungir anarkistar voru ákærðir fyrir dómi í Rómaborg fyrir að
hafa svindlað sér um borð í lest. Þeir sögð-
ust vera með einn miða og þar sem „Við
erum allir Luther Blisset“ þá dygði sameig-
inlegt nafn þeirra til sameignar á
lestarmiðanum. „Við völdum Bliss-
ett af því að hann var svona gæi
eins og við sem vissi ekki hvað í
helvítinu hann var að gera
hérna á Ítalíu,“ var svar Bliss-
ettanna aðspurðra að nafn-
giftinni. Síðan hafa sprottið
upp þúsundir vefsíðna
kenndra við Blissett og
vinsæll spennusagnahöf-
undur tekið sér þetta
leyninafn. Hvort
Woody nær viðlíka
vinsældum er óljóst
en byrjunin er lygi-
lega lofandi.
Vi› erum allir Luther Blissett
EINAR LOGI VIGNISSON: JONATHAN WOODGATE ORÐINN KÖLTHETJA
Kunnir kappar kvaddir:
Ólafur valinn í
heimsli›i›
HANDBOLTI Ólafur Stefánsson
hefur verið valinn í heimsliðið
sem leikur á móti Rússum í
Moskvu 28. desember næstkom-
andi. Hér á ferðinni kveðjuleikur
fyrir marga af kunnustu hand-
boltamönnum Rússa, þar á meðal
markvörðinn Andrei Lavrov og
skytturnar Alexander Tutsjkin og
Vladimir Kudinov. Ólafur er einn
af 35 leikmönnum sem voru vald-
ir í liðið hvaðan að úr heiminum
en flestir voru valdir frá Króatíu,
alls fimm leikmenn eða í allar
stöður á vellinum nema vinstri
horn og hægri skyttu þar sem
okkar maður er einn af fimm örv-
hentum skyttum liðsins.
Heimsliðið er þannig skipað:
Markmenn: Vlado Sola (Króatía), David
Barufett (Spánn), Peter Gentzel (Svíþjóð),
Janos Szatmari (Ungverjaland), Arpad
Sterbik (Serbía)
Vinstra horn: Lars Christiansen (Dan-
mörk), Istvan Pasztor (Ungverjaland),
Stefan Kretzschmar (Þýskaland)
Vinstri skyttur: Wissem Hmam (Túnis),
Blazenko Lackovic (Króatía), Bruno M. de
Sousa (Brasilía), Hussein Zaky (Egypta-
land) Iker Romero (Spánn), Siarhei
Rutenka (Slóvenía), Stefan Lövgren (Sví-
þjóð)
Miðjumenn: Ivano Balic (Króatía),
Joachim Boldsen (Danmörk), Kristian
Kjelling (Noregur), Uros Zorman (Slóven-
ía), Ljubomir Vranjes (Svíþjóð), Jackson
Richardson (Frakkland)
Hægri skyttur: Kyun Shin-Yoon (Kórea),
Lazlo Nagy (Ungverjaland), Mateo Garr-
alda (Spánn), Ólafur Stefánsson (Íslandi),
Volker Zerbe (Þýskaland)
Hægra horn: Mirza Dzomba (Króatía),
Sawas Karypidis (Grikkland), Jan Filip
(Tékkland), Gregory Anquetil (Frakkland)
Línumenn: Christian Schwarzer (Þýska-
land), David Juricek (Tékkland), Bertrand
Gille (Frakkland), Ratko Nikolic (Serbía),
Igor Vori (Króatía).
Slæmur fyrri hálfleikur var›
íslensku stelpunum a› falli
íslenska kvennalandsliðið tapaði 0–1 fyrir Tékkum í gær en þetta var fyrsta tap íslenska liðsins í undankeppni
fyrir HM í Kína 2007. Sænska landsliðið vann Hvít-Rússa 6–0 á sama tíma og er komið á toppinn í riðlinum.
FÓTBOLTI Íslenska kvennalandslið-
ið tapaði í gær fyrir Tékkum 1-0 í
undankeppni heimsmeistara-
mótsins sem fram fer í Kína árið
2007. Mark Tékka kom eftir að-
eins átta mínútna leik. Íslenska
liðið sá aldrei til sólar í fyrri hálf-
leik en lék mun betur í þeim
seinni og var óheppið að vinna
ekki.
Höfðu byrjað vel
Fyrir leikinn í gær var ís-
lenska liðið í efsta sæti riðilsins.
Fyrstu tveir leikirnir voru góðir
hjá liðinu, fyrst vannst sigur á
Hvít-Rússum hér heima og svo
jafntefli við Svía í eftirminnileg-
um leik ytra. Það var því mikið
sjálfstraust í íslenska landsliðinu
sem mætti því tékkneska í smá-
bænum Kravare í gær.
Eftir slakan fyrri hálfleik not-
uðu íslensku stelpurna hálfleik-
inn til að þjappa sér saman og
það var engu líkara en það væri
nýtt íslenskt lið sem kom út úr
búningsherbergjunum í síðari
hálfleik. Þá fór boltinn að rúlla
betur og fjölmörg færi sköpuð-
ust. Það besta féll í skaut Mar-
gréti Láru Viðarsdóttur sem fór
illa að ráði sínu í góðu færi.
Mikil vonbrigði
Jörundur Áki Sveinsson lands-
liðsþjálfari var að vonum ekki
sáttur að leik loknum. „Þessi úr-
slit eru mjög mikil vonbrigði
fyrir okkur. Við erum öll hundfúl
og stelpurnar eru sársvekktar að
hafa ekki í það minnsta náð jafn-
tefli. Við sáum aldrei til sólar í
fyrri hálfleik en í síðari hálfleik
sköpuðum við okkur mikið af
færum. Við vorum óheppnar að
jafna ekki sérstaklega þegar
Margrét Lára skoraði ekki. Úr
slíkum færum skorar Margrét
Lára úr í níutíuogníu skiptum af
hundrað. Svona er fótboltinn,“
sagði Jörundur Áki.
Aðspurður hvaða leikmann
hann hafi verið ánægðastur með
sagði Jörundur: „Ég var í raun og
veru ekki ánægður með einn eða
neinn. Olga Færseth átti að vísu
góða innkomu í byrjun síðari
hálfleiks og á hrós skilið. Þetta
tap í dag setur okkur í mjög erfið
mál því aðeins eitt lið fer áfram
úr riðlinum.“
Á sama tíma og íslenska liðið
brotlenti gegn því tékkneska
sigruðu sænsku stelpurnar þær
hvítrússnesku með sex mörkum
gegn engu og eru því komnar í
efsta sæti riðilsins.
hjorvar@frettabladid.is
GEKK EKKI Ásthildur Helgadóttir og félagar hennar í íslenska kvennalandsliðinu í knattspyrnu náðu ekki að kveðja Erlu Hendriksdóttur
með sigri en íslenska liðið tapaði sínum fyrsta leik í undankeppni HM 2007 í Tékklandi í gær. FRÉTTABLAÐIÐ/E.ÓL.
Í HEIMSÚRVALSLIÐI Ólafur Stefánsson.