Fréttablaðið - 02.10.2005, Síða 59

SUNNUDAGUR 2. október 2005 27
Í öðru landinu hefur toppliðið sigrað í fyrstu fimm
umferðunum og markatala liðsins er 10-2. Í hinu
landinu hefur toppliðið unnið fyrstu sjö leikina með
markatöluna 14-1. Hingað til hefur ítalska og enska
knattspyrnan ekki þóttt keimlík en nú ber svo við að
ýmislegt þykir líkt með toppliðum landanna, Juvent-
us og Chelsea.
Effektíf en þumbaraleg
Þessir meistarar síðasta árs hafa farið vel af stað í
heimahögunum og fáir spá öðru en að liðin verji
meistaratitlana. Styrkur þeirra hefur þó ekki aflað
þeim mikilla vinsælda. Lítill glans yfir leikstílnum og
sigrarnir flestir 1-0 vinnusigrar. Chelsea hefur hlotið
mikla gagnrýni sem og Juventus þótt í minna mæli
sé. Ítalir vanari svona leiðindaskap, effektíf en
þumbaraleg topplið reglulega skotið upp kollinum
þar í landi. Við tilþrifalítinn leik liðanna bætast svo
áhyggjur af því að liðin stingi af og leiktíðin verði
leiðinleg fyrir vikið. Ítalskir velta mikið fyrir sér að
hvaða öðru liði þeir eigi að halla sér og vegna giftu-
leysis AC Milan hafa þeir snúið sér að hinu
Milanóliðinu, Internazionale sem sækir einmitt
Juventus heim í kvöld og verður leikurinn sýndur
beint á Sýn.
Inter rokið í gang
Inter getur með sigri náð Juventus að stigum eftir
að hafa sigrað í síðustu fjórum leikjum. Fyrsti leikur-
inn tapaðist gegn Palermo og glottu þá margir út í
annað; enn einu sinni stæði Inter ekki undir vænt-
ingum. En Roberto Mancini þykir fær þjálfari og hef-
ur náð að rífa mannskapinn upp. Liðið hefur ásamt
Fiorentina og Palermo leikið fjörlegasta fótboltann á
Ítalíu í haust. Hinir blásvörtu, „nerazzurri“ ganga
keikir til leiks hafandi sigrað í síðustu þremur leikj-
um á Stadio Delle Alpi. „Þótt það hljómi sem kjána-
lega augljós staðhæfing tel ég að Adriano reynist
það sem skilur liðin að“ segir forseti Inter Massimo
Moratti en Adriano hefur skorað sex mörk gegn
Juventus, fleiri en gegn nokkru öðru ítölsku liði.
Slagurinn í kvöld er alvöru toppslagur en undan-
gengin ár hefur hann ekki alltaf staðið undir því
virðulega enskuskotna heiti sem Ítalir hafa valið
viðureignunum; Derby d’Italia. Nafngiftin á rætur að
rekja fjóra áratugi aftur í tímann er þessi lið slógust
ár eftir ár um titilinn. Slíkt hefur ekki verið uppi á
teningnum lengi. Inter hefur ekki unnið deildina í
16 ár og einhvern veginn hist þannig á að þegar Int-
er hefur átt gott ár hefur Juve átt fremur dapurt
tímabil.
Capello til fyrirmyndar
Fabio Capello landaði meistaratitli á sínu fyrsta ári
með Juventus og hefur því gert öll lið sem hann
hefur þjálfað að meisturum. Liðið lék ekki skemmti-
legan bolta í fyrra og pirrar það Capello mjög er á
það er minnst. Segist fyrst og fremst þjálfa lið sín í
því að sigra og grunar mann stundum að Jose Mor-
inho hafi að einhverju leyti tekið Capello sér til fyrir-
myndar í þjálfun og tilsvörum. Þennan veturinn þyk-
ir leikstíll Juventus meira í þeim anda sem Capello
er þekktur fyrir, stílhreint 4-4-2 leikkerfi þar sem all-
ar aðgerðir eru agaðar og
menn fara ekki mikið út úr
stöðum sínum. Patrick Viera
hefur byrjað afar vel og vill
Capello meina að hann og
Emerson
myndi
sterkasta
miðjupar
Evrópu. En
tvímenning-
arnir eru ekki
þeir nettustu í
boltanum og á meðan
Del Piero er haldið á
bekknum og Nedved og
Zlatan múlbundnir í sínum
stöðum yljar leikur
Juventus fáum nema
hörðustu stuðnings-
mönnum liðsins.
Er Juventus jafn lei›inlega gott og Chelsea?
EINAR LOGI VIGNISSON: DERBY D´ITALIA Í BEINNI Á SÝN Í KVÖLD
Pétur Ormslev er einn sá besti frá upphafi
Markvörður, Birkir Kristinsson – Einfaldlega
sá besti sem við Íslendingar höfum átt.
Aftastur, Jón Sveinsson – Las leikinn vel, fljót-
ur og mjög útsjónarsamur.
Miðvörður, Viðar Þorkelsson – Sterkur skalla-
maður, mikill keppnismaður og leikmaður sem öll
lið þurfa á að halda.
Miðvörður, Kristján Jónsson – Góður varnar-
maður, fljótur og mjög flinkur leikmaður
Hægri vængur, Ormarr Örlygsson – Mjög
kraftmikill, gat hlaupið upp og niður kantinn nán-
ast endalaust.
Miðja, Páll Einarsson – Mikill keppnismaður
og mikill leiðtogi. Sterkur í bæði vörn og sókn.
Miðja, Halldór Hilmisson – Mjög útsjónar-
samur og skapandi leikmaður.
Miðja, Pétur Ormslev – Í einu orði sagt frábær
leikmaður. Sá besti sem ég hef þjálfað hjá félags-
liði og einn af bestu fótboltamönnum þjóðarinnar
frá upphafi að mínu mati.
Vinstri vængur, Kristinn R. Jónsson – Spilaði
nú mest á miðjunni hjá mér en ég ætla að hafa
hann á vængnum. Mjög taktískur og gat spilað
hvar sem var.
Framherji, Guðmundur Steinsson – Marka-
skorari af guðs náð. Alltaf hægt að treysta á mörk
frá honum.
Framherji, Björgólfur Takefusa – Heldur bolta
vel, góður „target“-maður og góður skotmaður.
„Ég ætla að velja í lið bestu leikmenn-
ina sem ég hef þjálfað í 4 ár eða lengur.“
Halldór
3-5-2
LIÐIÐ MITT > ÁSGEIR ELÍASSON VELUR DRAUMALIÐ SITT ÚR ÞEIM SEM HANN HEFUR ÞJÁLFAÐ
Ormarr
Viðar Kristján
Kristinn
Jón
Birkir
Páll
Guðmundur Björgólfur
Pétur
Í HÓPNUM Í DAG Eiður Smári Guðjohnsen
í baráttunni við Olof Mellberg hjá Aston
Villa. FRÉTTABLAÐIÐ/GETTYIMAGES
Eiður Smári Guðjohnsen:
Hefur ekki trú
á Liverpool
FÓTBOLTI Eiður Smári Guðjohnsen,
fyrir íslenska landsliðsins og leik-
maður Chelsea, hefur ekki sér-
staklega mikla trú á því að Liver-
pool muni blanda sér í baráttuna
um enska meistaratitilinn.
„Liverpool treystir mikið á
Steven Gerrard og leikur liðsins
snýst eiginlega of mikið um hann.
Það er algjör forsenda fyrir góð-
um leik hjá Liverpool að Steven
Gerrard spili vel. Það hefur vant-
að að fleiri leikmenn stígi fram og
taki af skarið þegar liðið þarf á
því að halda.
Liverpool tapaði mörgum stig-
um á síðasta tímabili og var alls
ekki nægilega stöðugt í leik sín-
um. En það má vera að Liverpool
verði sterkari á yfirstandandi
keppnistímabili. En ég hef ekki
trú á því Liverpool verði í barátt-
unni um meistaratitilinn,“ segir
Eiður Smári sem verður að öllum
líkundum í leikmannahópnum hjá
Chelsea á Anfield í dag.
Eiður Smári hefur skorað 2
mörk í 14 leikjum fyrir Chelsea í
gegn Liverpool en hefur ekki náð
að skora í síðustu tíu leikjum lið-
anna þar voru fimm þeirra á síð-
asta keppnistímabili. Eiður Smári
skoraði síðast gegn Liverpool 16.
desember 2001 í 3-0 sigri.
Pressan er öll á li›i Liverpool
Liverpool og Chelsea mætast ö›ru sinni á fjórum dögum flegar Chelsea mætir á Anfield í dag í áttundu
umfer› ensku úrvalsdeildarinnar. Stjórar li›anna hafa bá›ir veri› miki› í fjölmi›lum fyrir leikinn.
FÓTBOLTI Liverpool og Chelsea
mætast öðru sinni á innan við viku
þegar liðin mætast á Anfield í dag
en leikur liðanna í Meistaradeild
Evrópu endaði með markalausu
jafntefli.
Úrslitin komu fáum á óvart
enda hafa varnir liðanna verið
afar sterkar það sem af er tíma-
bilinu. Nú eru þrjú stig í boði í
deildinni og það er ljóst að press-
an er öll á Liverpool þar sem liðið
er fjórtan stigum á eftir Chelsea,
en reyndar á liðið tvo leiki til
góða.
Lykilleikur fyrir Liverpool
Knattspyrnustjórar liðanna
hafa mikið verið í fjölmiðlum eft-
ir leikinn á miðvikudagskvöld og
hófu taugastríðið strax fyrir leik-
inn í dag. Jose Mourinho vildi
meina að Liverpool hefði lítið ann-
að gert en að senda langa bolta
fram á Peter Crouch, á meðan
Rafael Benitez vildi meina að
dómari leiksins hefði sleppt
tveimur augljósum vítaspyrnum.
Mourinho lét svo hafa það eftir
sér að ef Liverpool næði ekki að
vinna í dag þá væru titilvonir
þeirra orðnar að engu. Burt séð
frá þessum yfirlýsingum þeirra
þá er ljóst að bæði liðin léku varn-
færnislega í vikunni og sköpuðu
sér varla marktækifæri en von-
andi verður breyting þar á þegar
liðin mætast öðru sinni í dag.
Chelsea mun væntanlega halda
áfram að spila 4-3-3 en hugsanlegt
þykir að Hernan Crespo leysi
Didier Drogba af hólmi en hann
var afar dapur í leiknum á mið-
vikudagskvöld.
Joe Cole, sem skoraði sigur-
markið í báðum deildarleikjum
liðanna á síðustu leiktíð gæti gert
tilkall til sætis í byrjunarliðinu
ásamt Shaun Wright Phillips. Þeir
kæmu þá inn í liðið á kostnað
Arjen Robben og Damien Duff
sem lét lítið fyrir sér fara í slagn-
um á miðvikudagskvöldið. Asier
Del Horno kemur líklegast inn í
liðið á nýjan leik og Gallas fer þá
aftur í miðvörðinn með John
Terry.
Morientes og Sissoko með
Benitez vonast til að endur-
heimta Fernando Morientes og
Momo Sissoko fyrir leikinn í dag
en það er alls kostar óvíst hvort
þeir sé tilbúnir að byrja í slag sem
þessum. John Arne Riise og
Stephen Warnock vonast eflaust
til að byrja á kostnað Djimi Tra-
ore, það verður þó að teljast ólík-
legt að honum verði fórnað enda
hélt hann Damien Duff í skefjum,
lengst af í leiknum. Einnig verður
gaman að sjá hvort Benitez þráist
við og láti Djibril Cissé spilaði úti
hægra megin eða hvort hann setji
hann við hlið Peter Crouch í
fremstu víglínu.
Það er meira í húfi fyrir Evr-
ópumeistaranna í þessum leik,
þeir verða að sýna fram á það að
þeir eigi erindi í toppbaráttuna og
þetta er leikurinn fyrir þá til þess
að sýna fram á það gegn fyrir-
fram ósigrandi liði Chelsea.
Liverpool vonast til að verða
fyrsta liðið í vetur til þess að ná
stigum af Chelsea en hvort stigin
verði þrjú, skal ósagt látið.
- gjj
SKIPST Á TREYJUM Frank Lampard hjá Chelsea og Steven Gerrard í Liverpool sjást hér
skiptast á treyjum eftir markalaust jafntefli liðanna á Anfield í Meistaradeildinni á miðviku-
daginn. Liðin mætast aftur á sama stað í deildinni í dag. FRÉTTABLAÐIÐ/GETTYIMAGES
LEIKIR LIVERPOOL OG
CHELSEA Í FYRRAVETUR:
Enska úrvalsdeildin:
Chelsea–Liverpool 1–0
Joe Cole (64.).
Liverpool–Chelsea 0–1
Joe Cole (80.).
Enski deildarbikarinn:
Chelsea–Liverpool 3–2
Sjálfsmark (79.), Drogba (107.),
Kezman (112.) – Riise (1.), Nunez
(113.).
Meistaradeild Evrópu:
Chelsea–Liverpool 0–0
Liverpool–Chelsea 1–0
Luis Garcia (4.).