Fréttablaðið - 05.12.2005, Page 10

10 5. desember 2005 MÁNUDAGUR
PEKING, AP Pyntingar eru ennþá
algengar í kínverskum fangelsum
enda þótt ríkisstjórn landsins seg-
ist vinna að því hörðum höndum
að uppræta slíkt ofbeldi. Þetta er
niðurstaða erindreka Sameinuðu
þjóðanna sem kannaði ástandið og
ræddi við fanga.
Manfred Nowak, erindreki SÞ,
ferðaðist um Kína í síðasta mánuði
og fékk þá einstakt tækifæri til að
ræða við fanga og embættismenn
um þessi mál. Hann sagði við kynn-
ingu á niðurstöðum sínum í gær að
þótt kínversk stjórnvöld hefðu gert
ýmislegt jákvætt á síðustu árum til
að koma í veg fyrir misþyrmingar
í fangelsum sínum væru pyntingar
enn algengar.
Ofbeldi virðist einkum beitt
á kerfisbundinn hátt gegn tíbet-
skum föngum en einnig fá meðlim-
ir í samtökunum Falun Gong sinn
skerf. Pyntingum er beitt til að ná
fram játningum en einnig í refsing-
ar- og „endurhæfingarskyni“.
He Depu lýðræðisumbótasinni
var til dæmis neyddur til að liggja
kyrr á rúmi í köldu herbergi í fang-
elsi sínu í 85 daga. Barsmíðar með
rafmagnskylfum og langvarandi
vökur eru meðal þess sem fangarn-
ir eru látnir sæta.
Kínversk stjórnvöld segja að
sú staðreynd að þau hafi heimilað
heimsóknina sýni að þeim sé alvara
með að uppræta þennan ófögnuð.
- shg
Erindreki SÞ rannsakaði umfang pyntinga í kínverskum fangelsum:
Pyntingar ennþá algengar
MANFRED NOWAK Barsmíðar með hnefum
eða kylfum, jafnvel rafmagnskylfum, eru
algengustu pyntingaraðferðirnar í Kína.
FRÉTTABLAÐIÐ/AP
STEINGERVINGAR Nýfundinn stein-
gervingur af elsta þekkta fuglinum,
Archaeopteryx, þykir gefa áreið-
anlegar vísbendingar um að fuglar
séu komnir af risaeðlum.
Þetta kemur fram á heimasíðu
National Geographic. Lag
höfuðkúpu og fóta Archaeopteryx-
steingervingsins þykir renna
enn frekari stoðum undir þessa
kenningu. Ef kenningin reynist
sönn er í vissum skilningi rangt að
segja að risaeðlur séu útdauðar. 
Ný kenning um risaeðlur:
Fuglar komnir
af risaeðlum
ARCHAEOPTERYX Útfjólublá mynd af stein-
gervingnum.
VIÐURKENNING Atvinna með stuðn-
ingi hlaut Múrbrjótinn á alþjóða-
degi fatlaðra á laugardag.
Landssamtökin Þroskahjálp
standa fyrir verðlaununum en þau
eru veitt aðilum eða verkefnum
sem talin eru hafa rutt fólki með
fötlun braut í átt að jafnrétti við
aðra samfélagsþegna.
Atvinna með stuðningi gerir fötl-
uðu fólki kleift að stunda atvinnu
á almennum vinnumarkaði með
aðlögun og stuðningi.
Svæðisskrifstofur málefna
fatlaðra í Reykjavík og á Reykja-
nesi ásamt félagsþjónustunni á
Akureyri fengu verðlaunin. 
Atvinna með stuðningi verðlaunuð:
Þrír hlutu Múrbrjóta
MÚRBRJÓTARNIR AFHENTIR Þrír hlutu viðurkenningu á alþjóðadegi fatlaðra.
SVÍNUM SLÁTRAÐ Á árlegri hátíð slátrara í
Voganj norðvestur af Belgrad í Serbíu eða
Svartfjallalandi var keppt í slátrun svína
með kjötöxi á laugardag. Svínaslátrun
dregur oft ferðamenn í dreifbýli landsins.
MYND/AP
BANDARÍKIN Yfirvöld samgöngu-
öryggismála í Bandaríkjunum
hafa tilkynnt að frá og með 22.
desember megi flugfarþegar hafa
með sér um borð smáskæri og lítil
málmáhöld. Þau hafa verið bönn-
uð í flugvélum síðan 11. septemb-
er 2001, þegar hryðjuverkaárásin
var gerð á Tvíburaturnana í New
York.
Í staðinn hyggjast yfirvöld
fjölga skyndileit á fólki og skoða
það nánar en áður. Ekki verður
þó leitað sérstaklega á sumum
hópum umfram öðrum, til dæmis
Mið-Austurlandabúum, að því er
fram kemur á vefsíðu CNN. 
Breytingar í Bandaríkjunum:
Skæri leyfð í
flugvélum
SKIPULAGSMÁL „Við létum setja upp
skilti við aðkomuna að sveitarfé-
laginu en bæjarstjórinn lét fjar-
lægja það eftir nokkrar klukku-
stundir svo þetta er greinilega
mikið átakamál,“ segir Berglind
Libungan. Hún fer fyrir aðgerða-
hópi sem beinir kröftum sínum
gegn skipulagstillögu bæjar-
stjórnar um nýjan miðbæ á Álfta-
nesi.
„Það sem við sjáum að þess-
ari tillögu er að það á að byggja
mjög þétt og hátt þannig að útsýni
verður mjög takmarkað og það er
annað en Álftnesingar eru vanir.
Svo er aðeins ein innkeyrsla eða
gata inn í þennan miðbæ þar sem
á svo að vera skóli og íbúðir fyrir
aldraða og það teljum við ekki
skynsamlegt. Í þriðja lagi á þetta
að heita miðbær en svo er aðeins
gert ráð fyrir skóla og íbúðum
þarna en ekki einasta kaffihúsi
eða þjónustu sem miðbær ætti nú
að skarta,“ segir Berglind.
Nú hefur hópurinn sett upp
annað skilti þar sem á stendur
„tjáningarfrelsi“ en svo hefur
verið krossað yfir orðið. Hópur-
inn stóð fyrir opnu húsi á föstudag
í Haukshúsum þar sem skipulags-
málin voru rædd og undirskrift-
um safnað til að mótmæla tillög-
unni en frestur fyrir kvartanir
rennur út á Þorláksmessu.
Guðmundur Gunnarsson bæj-
arstjóri segir þessa gagnrýni
hópsins byggða á vanþekkingu á
skipulagstillögunum. „Ákveðið
var að hafa byggðina þétta þarna
miðsvæðis en dreifðari á jaðar-
svæðum svo við göngum ekki á
náttúruna og fuglalífið og byrgj-
um þetta fallega útsýni á Álfta-
nesi,“ segir Guðmundur. „En húsin
í miðbænum verða engu hærri en
hæstu hús eru nú á Álftarnesi og
þau eru engu hærri en gert var
ráð fyrir í tillögum sem þessi mót-
mælendahópur stóð sjálfur fyrir.
Það er rétt að ein innkeyrsla er að
miðbænum enda á hann að vera
frekar íbúavænn en ekki bílvænn.
Þarna verður skipulagið með
þeim hætti að ökumenn finna að
bíllinn er ekki hafður í hávegum
og hraðakstur ekki liðinn enda
erfiður eins og aðstæður verða.
Svo er það alls ekki rétt að
engin kaffihús eða þjónustufyrir-
tæki eigi að vera í miðbænum. Það
er einmitt gert ráð fyrir slíku þó
að bæjarstjórnin ætli ekki að fara
að standa í slíkum rekstri, hún
hefur annað að gera en að selja
mönnum kaffi og bjór,“ segir bæj-
arstjórinn. jse@frettabladid.is
Óánægja með
nýjan miðbæ
Aðgerðahópur beitir ýmsum ráðum til að fá skipulagstil-
lögum um nýjan miðbæ á Álftanesi hnekkt. Bæjarstjór-
inn segir hópinn ekki þekkja tillögurnar.
SKILTIÐ FJARLÆGT Bæjarstarfsmenn taka niður skilti aðgerðarhópsins aðeins fáum
klukkustundum eftir að það var sett upp. Þá var annað sett upp sem gefur til kynna að
tjáningarfrelsi líðst ekki á Álftanesi en það hefur fengið að standa.
DAGVISTUN Ekki var annað að sjá
en að börnin kynnu mæta vel við
sig í Reynisholti, nýja leikskólan-
um við Gvendargeisla sem tekinn
var formlega í notkun á miðviku-
dag. Eflaust búa þau nú þegar yfir
meiri hugarró en flestir aðrir þar
sem rík áhersla er lögð á slíkt í
leikskólanum og stunda þau meðal
annars jóga í þeim tilgangi.
Um tuttugu börn eru nú í leik-
skólanum en þeim mun fjölga
hægt og bítandi á næsta ári.
Steinunn Valdís Óskarsdóttir
borgarstjóri tók þátt í gleðinni
með börnunum og starfsfólki
þegar leikskólinn var tekinn
formlega í notkun. Þökkuðu börn-
in fyrir heimsóknina með söng og
annarri skemmtan. - jse
Nýr leikskóli í Grafarholti í Reykjavík:
Áhersla lögð á hugarró
LEIKSKÓLABÖRN Í REYNISHOLTI Kátt var
á hjalla þegar leikskólinn Reynisholt var
formlega tekinn í notkun.