Fréttablaðið - 05.12.2005, Qupperneq 30

5. desember 2005 MÁNUDAGUR4
Þátturinn Veggfóður verður
fjölbreyttur að venju í kvöld.
Þar mun Vala Matt meðal
annars kíkja í heimsókn til
dagskrárgerðarmannsins Egils
Eðvarssonar þar sem hann
hefur útbúið herbergi úr gleri
inni í stofu hjá sér.
,,Það var ekki flóknara en það að
mig vantaði vinnustofu. Ég hef
alltaf átt mér vinnustofu tengda
heimilinu, þar sem ég mála mikið.
Í þetta skiptið var ekkert auka
rými þannig að ég ákvað að taka
hluta úr stofunni og byggja mér
vinnustofu úr gleri,“ segir Egill
og bætir við að það hafi gengið
ljómandi vel að smíða hana.
Hann segir að fátt annað en
gler hafi komið til greina sem
veggir í herbergið. ,,Mig langaði
ekki að loka mig af í einhverju
gluggalausu rými. Þannig að
hugmyndin kviknaði út frá þörf-
inni. Ég þurfti að hafa ljós og
birtu og hefði ég lokað þessu
hefði hvort tveggja minnkað,
stofan og vinnuherbergið. Uppi
stendur líka þessi skemmtilega
lausn.
Vinnuherbergið nýtir Egill
ekki bara til að mála heldur má
einnig nota það sem svefnher-
bergi. ,,Vakinn og sofinn er ég
inni á vinnustofunni og svo hef
ég heimilið allt í kring,“ segir
Egill en neitar því að það sé
óþægilegt að sofa inni í svona
opnu herbergi. ,,Það er mjög
þægilegt. Úr herberginu sé ég
stofuna, eldhúsið, borðstofuna
og allt. Ég get líka unnið út í
eitt þarna. Þegar ég er orðinn
yfirþreyttur á að mála þá dett ég
bara í rúmið sjálfvirkt og vakna
síðan bara í rúminu, stíg fram úr
og held áfram. Þannig að þetta
er mjög praktískt,“ segir Egill
og hlær.
Vala er einnig mjög hrifin af
þessari lausn. ,,Algjör snilldar-
lausn þegar búa á til herbergi
inni í stofunni.“ Það verður
einnig margt annað skemmtilegt
í hönnunar- og lífstílsþættinum
Veggfóðri í kvöld klukkan 21 á
sjónvarpsstöðinni Sirkus.
Egill byggði vinnustofu
inni í stofunni sinni
Egill sýnir Völu smekklegu vinnustofuna sína en henni er lokað með rennihurð úr hertu gleri. FRÉTTABLAÐIÐ/HEIÐA
Hér sést hversu lítið svæði fer undir glerveggina stela í burtu. FRÉTTABLAÐIÐ/HEIÐA
Herbergið má bæði nýta sem vinnuaðstöðu og sem svefnherbergi. FRÉTTABLAÐIÐ/HEIÐA
Glerherbergið er mjög opið og það finnst
Agli vera mikill kostur. FRÉTTABLAÐIÐ/HEIÐA
VEGGFÓÐUR