Fréttablaðið - 10.12.2005, Blaðsíða 6

�������������������������������
��������������������������������������
CHICAGO, AP Boeing 737-þota í
innanlandsflugi í Bandaríkjunum
skautaði út af flugbraut er hún
lenti á snævi þöktum Midway-
flugvellinum í Chicago í fyrra-
kvöld. Flugvélin fór í gegnum
flugvallargirðinguna og út á þjóð-
veg með þeim afleiðingum að sex
ára gamall drengur dó, en hann
var farþegi í bíl sem þotan skall
á.
Um borð voru 103 en aðeins
tveir farþegar urðu fyrir meiðslum
og voru þau ekki alvarleg. Þotan
rakst á tvo bíla en í þeim voru alls
níu manns. Auk drengsins sem dó
hlutu hinir átta mismikil meiðsl;
tveir fullorðnir og tvö börn lágu
enn á gjörgæslu í gær.
Snjóruðningstæki og ísingar-
varnir á flugvellinum höfðu ekki
undan er snjó kyngdi niður á
fimmtudag. Yfir daginn féll þar
átján cm jafnfallinn snjór. - aa
Slys í lendingu í Chicago í Bandaríkjunum:
Þota rann út af brautinni
RAKST Á BÍLA Boeing 737-þota Southwest-flugfélagsins á slysstað í gær. Í bakgrunni sést
önnur sams konar þota svífa inn til lendingar. FRÉTTABLAÐIÐ/AP
STJÓRNMÁL Halldór Ásgrímsson
forsætisráðherra hefur ákveðið
að fá óháðan aðila til þess að fara
yfir niðurstöður skýrslu Stefáns
Ólafssonar prófessors um öryrkja
og velferð.
Þetta kom fram í utandag-
skrárumræðum um öryrkja og
velferð á Alþingi í gær.
Ráðherrar og stjórnarlið-
ar lýstu vanþóknun sinni á
umræddri skýrslu. „Þessi skýrsla
olli mér miklum vonbrigðum. Hér
er kostað til miklum tíma og mikl-
um peningum og fenginn til þess
kunnur fræðimaður, gamall bar-
áttufélagi úr launþegahreyfing-
unni. Og niðurstaðan er svo full af
rangfærslum - þar sem verið er að
bera saman ósambærilega hluti,
sleppt úr heilu bótaflokkunum og
nýjustu upplýsingar ekki notaðar -
að það gerir hana nánast ónothæfa
í þessari umræðu,“ sagði Árni
Mathiesen fjármálaráðherra.
Málshefjandi var Ingibjörg
Sólrún Gísladóttir, formaður
Samfylkingarinnar. Hún sagði
meðal annars að skattastefna
stjórnvalda hefði gert kjarabætur
öryrkja að engu. Tekjutrygging-
arauki og aldurstengd uppbót færi
öll í skatta. Góðærið hefði farið
framhjá hópi öryrkja og íslenska
samfélagið ætti erfitt með að þola
slíkt. Kröfur væru háværar, ekki
síst frá öryrkjum og öldruðum,
um að spornað yrði gegn þessu.
„Meðaltekjur þeirra hafa ekki
þróast eins og annarra samfélags-
borgara.“
„Það gengur ekki að byggja
umræðuna á stagli um þessar
tölur,“ sagði Halldór Ásgrímsson
forsætisráðherra. Hann kvaðst
enga ástæðu hafa til þess að
véfengja tölur embættismanna og
undraðist að Stefán vildi ekki leið-
rétta niðurstöður sínar.
Þuríður Backman Vinstri
grænum, sagði að skattbyrði ein-
hleypra öryrkja hefði hækkað á
umræddu tímabili úr 7,4 prósent-
um af heildartekjum að jafnaði í
17,1 prósent á síðasta ári. „Skatt-
leysismörk ættu að vera 102 þús-
und krónur ef þau hefðu fylgt
verðlagi en eru nú rúmar 75 þús-
und krónur í dag.“
„Hvergi í heiminum á síðustu
tíu árum hafa lífskjör batnað meira
og betur... Og öryrkjar og eldri
borgarar og hverjir sem eru hafa
allir notið þess,“ sagði Einar Oddur
Kristjánsson, Sjálfstæðisflokki.
„Ef menn vilja draga úr skerð-
ingum eru menn líka að draga úr
jöfnun,“ sagði Halldór Ásgríms-
son forsætisráðherra.
johannh@frettabladid.is
Vill óháða úttekt á
öryrkjaskýrslunni
Forsætisráðherra vill ekki staglast á tölum og biður um óháða úttekt á öryrkja-
skýrslunni. Stjórnarandstaðan segir að samfélagið þoli ekki að góðæri sigli
framhjá öryrkjum. Málið var rætt utan dagskrár á lokadegi Alþingis fyrir jól.
INGIBJÖRG SÓLRÚN GÍSLADÓTTIR „Meðal-
tekjur öryrkja hafa ekki þróast eins og
annarra samfélagsborgara.“
HEILBIGÐISRÁÐHERRA JÓN KRISTJÁNSSON Forsætisráðherra og flokksbróðir Jóns, Halldór Ásgrímsson, sagði ákveðið að fá óháðan aðila til
þess að fara yfir niðurstöður skýrslu Stefáns Ólafssonar prófessors um öryrkja og velferð. FRÉTTABLAÐIÐ/E.ÓL.
Fingralangar stúlkur Könn-
un lögreglunnar á Hörðalandi sem
Aftenposten greinir frá sýnir að
unglingsstúlkur í Vestur-Noregi eru
þrisvar sinnum oftar staðnar að búða-
hnupli en strákar og er skýringin sögð
vera sú að þær séu undir mun meiri
þrýstingi að eiga dýrar vörur en strák-
arnir. Búist er við miklum gripdeildum
í jólaösinni.
NOREGUR
STJÓRMÁL Kristján Þór Júlíusson,
bæjarstjóri á Akureyri, hyggst til-
kynna í næstu viku
hvort hann taki þátt
í prófkjöri Sjálf-
stæðisflokksins á
Akureyri vegna
sveitarstjórnarkosn-
inganna. Þær verði í
febrúar á næsta ári.
Kristján skipaði
efsta sæti á lista
flokksins í síðustu
bæjarstjórnarkosningum en marg-
ir hafa lagt hart að honum að gefa
kost á sér til setu á Alþingi og segir
hann að nú sé komið að ákvarðanar-
töku í þeim efnum. - kk
Sjálfstæðismenn á Akureyri:
Kristján skoðar
hug sinn
KRISTJÁN ÞÓR
JÚLÍUSSON
Bæjarstjóri á
Akureyri.
Snákar aflífaðir Tveir snákar sem
fundust við húsleit lögreglu í fyrrinótt
hafa verið aflífaðir. Þeir fundust ásamt
skammbyssum og töluverðu af hassi.
Snákarnir voru yfir hálfur metri á lengd
hvor, en blátt bann liggur við innflutn-
ingi slíkra dýra. Er það vegna þess að bit
þeirra geta reynst hættuleg og svo geta
þau borið með sér sjúkdóma, enda fara
þau ekki í sóttkví, sé þeim smyglað.
LÖGREGLUFRÉTTIR
6 10. desember 2005 LAUGARDAGUR
ÁLIT Umboðsmaður Alþingis álítur
að sá lagagrundvöllur sem íslensk
stjórnvöld studdust við þegar með-
limum Falun Gong var meinað að
koma hingað til lands í júní 2002
hafi ekki veitt þeim fullnægjandi
heimild til þeirrar aðgerðar.
Kvörtun barst til umboðsmanns
vegna ákvörðunar stjórnvalda.
Það er hins vegar í verkahring
dómstóla að skera úr um hvort
ríkið sé skaðabótaskylt gagnvart
þeim sem áttu hlut að máli.
Í áliti sínu leggur umboðsmaður
áherslu á að hann taki ekki afstöðu
til þess hvort og þá að hvaða marki
mögulegt hefði verið að lögum að
koma í veg fyrir að þekktir eða
grunaðir meðlimir Falun Gong
stigju um borð í flugvélar á leið
til landsins. Hann segist ekki geta
fallist á þá afstöðu dómsmála-
ráðuneytisins að lög hafi falið í
sér fullnægjandi heimild fyrir
íslensk stjórnvöld til að leggja
fyrir Icelandair að synja tiltekn-
um einstaklingum um flutning til
landsins til að „spara umstang við
landgöngusynjun og sendingu við-
komandi til baka“, eins og sagði í
bréfi dóms- og kirkjumálaráðu-
neytisins til flugfélagsins.
Tók umboðsmaður fram að
hann teldi ekki tilefni til þess að
hann beindi sérstökum tilmæl-
um til íslenskra stjórnvalda, og
þá einkum til dóms- og kirkju-
málaráðuneytisins, að taka ofan-
greinda ákvörðun til endurskoð-
unar að nýju. Hann beindi hins
vegar þeim tilmælum til ráðu-
neytisins að taka mið af þeim
sjónarmiðum sem rakin væru í
álitinu ef íslensk stjórnvöld stæðu
í framtíðinni frammi fyrir sam-
bærilegum atvikum og þar væri
fjallað um. ■
FALUN GONG Meðlimir Falun Gong fengu
ekki að koma til landsins þegar heimsókn
Kínaforseta hingað til lands stóð yfir.
Umboðsmaður Alþingis átelur meðferð stjórnvalda á meðlimum Falun Gong:
Illa staðið að komubanni
KJÖRKASSINN
Eiga bankarnir að greiða skað-
ann komist þjófur í heimabanka
fólks?
Já 81,9%
Nei 19,1%
SPURNING DAGSINS Í DAG:
Gætir þú hugsað þér að kaupa
rafmagn af Símanum?
Segðu skoðun þína á vísi.is