Fréttablaðið - 10.12.2005, Blaðsíða 64

10. desember 2005 LAUGARDAGUR40
King Kong
Frumsýnd 14. desember
Endurgerð Peters Jackson á
King Kong vakti strax athygli.
Myndin er fyrsta verkefni hans
eftir að Hringadróttinssögu
lauk og eru gagnrýnendur því
spenntir að sjá hvernig honum
tekst til. Velgengni myndar-
innar tryggir honum öruggan
sess meðal þeirra bestu í kvik-
myndageiranum.
Jack Black fer með hlutverk
leikstjórans Carl Denham sem
býður Ann Darrow hlutverk
í kvikmynd sem hann hyggst
gera á eyjunni Skull Island eða
Hauskúpueyjunni. Með í för er
leikskáldið Jack Driscoll sem
verður ástfanginn af leikkon-
unni. Þegar hópurinn kemur á
svæðið sér hann að goðsögnin
King Kong lifir góðu lífi meðal
risaeðlna og mannæta. Þetta
reynist vatn á myllu Carls sem
tekur herlegheitin upp á filmu.
Í von um að auglýsa myndina
sem best lokkar leikstjórinn
górilluna stóru í gildru og flytur
með til New York með það fyrir
augum að King Kong trekki að. Gór-
illan lítur hins vegar svo á að hún eigi
í harðvítugri baráttu við Driscoll um
ást leikkonunnar.
Jackson hefur fengið mikið hrós
fyrir val sitt í leikhópinn. Þar má
finna gæðaleikarann Adrien Brody
sem varð heimsfrægur á einni nóttu
fyrir túlkun sína á Wladyslaw Szpilm-
an í The Pianist. Sprelligosinn Jack
Black fer með hlutverk leikstjórans
Carl Denham og þykir minna óþægi-
lega á Orson Welles. Naomi Watts,
sem Ann Darrow, fær það erfiða hlut-
verk að heilla bæði mann og apa.
KOSTIR: Jackson beitir sömu tækni
og þegar Gollum varð til. Andy Serkis
hefur náð fullkomnum tökum á henni og
gæðir górilluna lífi. Jackson fer einnig
þá leið að hafa sögusviðið árið 1933
sem gerir hið klassíska atriði á Empire
State-byggingunni mun trúverðugra.
GALLAR: Efasemdarraddir hafa
heyrst hjá kvikmyndahúsagestum
hvað risaeðlurnar varðar. Þá má einnig
spyrja sig hvort Jack Black og Jamie
Bell ráði við hlutverk í mynd af þessari
stærðargráðu.
Þegar myndirnar um Hringa-dróttinssögu voru í kvik-myndahúsunum báru þær
höfuð og herðar yfir keppinauta
sína. Það lék stundum vafi á því
hvort fyllti almenning meiri til-
hlökkun; jólapakkarnir eða ævin-
týri Fróða og Sáms. Nú heyrir
þríleikurinn sögunni til og aðrir fá
tækifæri til að reyna sig við jólin.
Peter Jackson þykir líklegastur til
að vera jólasveinninn í ár með sinni
risavöxnu og rándýru górillu.
Narnía: Ljónið, nornin og skápurinn
Frumsýnd 26. desember
Narnía eftir CS Lewis á sér ekki
síður marga aðdáendur en Harry
Potter. Sjónvarpsþættirnir sem
byggðir voru á sögunum nutu
mikilla vinsælda hér á landi. Leik-
stjórinn Andrew Adamson hefur
ágætis reynslu af ævintýrum en
hann er maðurinn á bak við græna
skrýmslið Shrek.
Peter, Susan, Edmund og Lucy
fara í pössun til hins aldraða
prófessors Digory Kirke í seinni
heimsstyrjöldinni. Þar á að ríkja
ró og friður og börnin mega ekk-
ert snerta né láta á sér bera. Þegar
þau fara í feluleik komast þau
yfir fataskáp sem í fljótu bragði
virðist eins og hver annar skápur.
Á bak við dyrnar er hins vegar
ævintýraheimur Narníu og börnin
sogast inn í atburðarrás þar sem
landinu er ógnað af Hvítu galdra-
norninni sem vill leggja þau örlög
á landið að þar verði vetur allan
ársins hring.
KOSTIR: Þetta er mjög fjölbreytt-
ur ævintýraheimur og það skortir
ekkert á spennuna. Ímyndunar-
aflið fær að njóta sín og ótrúlega
flottar persónur prýða myndina.
Þá lofa myndbrotin mjög góðu og
senurnar virðast ekkert ætla að
gefa Hringadróttinssögu eftir.
GALLAR: Hún gæti lent í því að
vera borin saman við Hringa-
dróttinssögu og það kann að reyn-
ast dýrkeypt þegar á hólminn er
komið. Þá er spurning hvernig
aðdáendur sögunnar taka henni.
Það hefur alltaf þótt áhættusamt
að láta krakka bera uppi heila
kvikmynd. Þeim verður að takast
vel upp.
The Grimm Brothers
Frumsýnd 6. janúar
Terry Gilliam er einhver allra
sérstakasti leikstjóri Hollywood.
Hann ætlaði að festa sögu Cerv-
antes, Don Kíkóta, á filmu en lítill
áhugi framleiðanda og ógöngur
urðu til þess að því verkefni hefur
verið frestað um óákveðinn tíma.
Ef einhver gæti gert mynd um
hjartgóða riddarann sem berst
við vindmyllur þá er það Terry
Gilliam. Það kom mörgum í opna
skjöldu að leikstjórinn skyldi
ganga til liðs við Weinstein-bræð-
urna þar sem þeir hafa hingað til
framleitt örugga smelli og eru
fulltrúar fyrir „ekta“ Hollywood-
framleiðslu, eitthvað sem Gillian
hefur óbeit á.
Jake og Will Grimm eru svika-
hrappar af Guðs náð. Þeir ferðast
þorpi úr þorpi til að vernda íbúa
fyrir nornum, göldrum og illum
álögum. Eini vankanturinn á
atvinnu bræðranna er sá að þetta
er allt í plati. Grimm-bræðurnir
komast þó í hann krappann þegar
þeir lenda í klónum á alvöru álög-
um, ekta galdranorn og ósvikn-
um ævintýrum en það eru Matt
Damon og Heath Ledger sem leika
svikarana.
KOSTIR: Nafn Terry Gilliam
ætti auðvitað að vera nóg til að
fá sanna kvikmyndaunnendur til
að flykkjast í bíó. Þá hefur Matt
Damon stungið æskuvin sinn Ben
Affleck af og landað aðalhlutverk-
um í hverri stórmyndinni á fætur
annarri.
GALLAR: Þegar stórir Hollywood-
laxar og utangarðsmaður eins og
Gillian mætast þá getur útkoman
orðið ansi hæpin. Weinstein-bræð-
urnir eru þekktir fyrir afskipta-
semi og nú er spurning: Var Gilli-
am bara að leikstýra þessari mynd
til að geta fjármagnað Don Kík-
óta?
Hostel Frumsýnd 6. janúar
Eli Roth sló í gegn fyrir þremur
árum með kvikmyndinni Cabin
Fever. Hugmyndina að myndinni
fékk leikstjórinn þegar hann var
að vinna á sveitarbýli við Selfoss.
Hann er nú mættur aftur með
kvikmyndina Hostel en hún var
heimsforsýnd á Októberbíófest
að viðstöddu fyrirmönnum þessa
lands. Margir héldu ekki út enda
þykir myndin ansi blóðug. Partí-
dýrið Óli gæti trekkt að og mynd-
in hefur fengið mikla umfjöllun í
fjölmiðlum.
Þrír bakpokaferðalangar ferð-
ast um Evrópu í leit að kynlífi og
svalli. Þeir lenda í miklum ógöng-
um þegar þeim er rænt af glæpa-
hyski til þess eins að pynta þá til
dauða. Eyþór Guðjónsson leikur
stórt hlutverk í myndinni en aðrir
eru minna þekktir hér á landi.
KOSTIR: Eli Roth er í framvarð-
arsveit bandarískra hryllings-
myndaleikstjóra sem vilja end-
urvekja þetta form. Hostel vakti
mikla athygli á Torontohátíðinni
og ekkert síður í Háskólabíói. Hún
er blóðug, ódýr og ógeðsleg.
GALLAR: Blóðug, ódýr og ógeðs-
leg. Varla þau þrjú orð sem fólk
vill heyra um jólin.
A Little Trip to Heaven
Frumsýnd 26. desember
Baltasar Kormákur er ein af
vonarstjörnum evrópskrar kvik-
myndagerðar. 101 Reykjavík og
Hafið nutu mikilla vinsælda á
meðal Evrópubúa og erlendir
framleiðendur fylgjast vel með
hvernig nýju myndinni reiðir af.
Myndin var sýnd á Torontokvik-
myndahátíðinni þar sem hún fékk
misjafna dóma. Baltasar hefur
unnið töluvert í myndinni síðan
og Little Trip var boðið á Sund-
ance sem er töluverður heiður í
heimi kvikmyndanna.
Myndin segir frá trygging-
arrannsóknarmanninum Holt
sem er fenginn til smábæjarins
Hasting til að rannsaka dularfullt
andlát manns sem er með milljón
dollara líftryggingu. Á vegi hans
verður hin dularfulla Isold sem á
að fá peningana og Holt grunar að
þar sé maðkur í mysunni. Forest
Whitaker, Julia Stiles og Jeremy
Brenner eru í aðalhlutverkum.
KOSTIR: Myndin er leikstýrð,
skrifuð og framleidd af Íslending-
um. Myndir Baltasars hafa alltaf
notið mikilla vinsælda og hlotið
lof gagnrýnenda hér á landi. Ef að
líkum lætur verður Little Trip ein
af vinsælustu myndum þessara
jóla.
GALLAR: Variety gaf mynd-
inni ekki góða dóma og aðrir
rýnar hafa líkt henni við Fargo
eftir Cohenbræðurna nema það
vanti húmorinn. Baltasar er að
feta sig inn á nýjar brautir með
Hollywoodstjörnum í aðalhlut-
verkum. Það má ekkert klikka.
Family Stone
Frumsýnd 14. desember
Mörgum finnst mjög þægilegt
að koma sér í jólaskapið með
góðri fjölskylduskemmtun í
kvikmyndahúsum. Þetta tilheyr-
ir jafnvel verslunarferðinni á
Þorláksmessu.
Leikhópurinn gefur ástæðu til
bjartsýni. Luke Wilson og Diane
Keaton eru í burðarhlutverkum
auk Rachel McAdams sem var
stórskemmtileg í Wedding Cras-
hers. Myndin segir frá Stone-
fjölskyldunni sem hefur mjög
fastmótaða jólahefð. Það verður
því uppi fótur og fit þegar eftir-
lætissonurinn kemur heim með
ofursnobbaða kærustu í þeim til-
gangi að biðja hennar. Fjölskyld-
an tekur verðandi tengdadóttur
ekkert allt of vel sem í örvænt-
ingu sinni fær systur sína sér til
aðstoðar.
KOSTIR: Myndin gerist í kring-
um jólahaldið sem ætti að kæta
marga. Hugljúf og rómantísk,
rétt eins og hátíð ljóss og friðar.
GALLAR: Hún er frumsýnd
sama dag og King Kong. Dómar
á erlendum vefmiðlum gefa enga
sérstaka ástæðu til bjartsýni.
freyrgigja@frettabladid.is
LEGGUR KING KONG
ALLT UNDIR SIG?
Jólamyndirnar eru ekki síður mikilvægar fyrir
kvikmyndahúsin en sumarsmellirnir.