Fréttablaðið - 11.01.2006, Blaðsíða 8

8 11. janúar 2006 MIÐVIKUDAGUR
EVRÓPUSAMBANDIÐ, AP Wolfgang
Schüssel, kanslari Austurríkis
sem fer þetta misserið með for-
mennskuna í Evrópusambandinu,
segir að það verði mjög erfitt að
endurlífga stjórnarskrársáttmála
sambandsins.
Staðfestingarferli sáttmál-
ans strandaði er kjósendur í
Frakklandi og Hollandi höfnuðu
honum í þjóðaratkvæðagreiðsl-
um snemmsumars í fyrra.
„Það er mjög erfitt að endur-
lífga stjórnarskrána, en það er
gerlegt,“ sagði Schüssel á fundi
með blaðamönnum í Vínarborg
eftir viðræður við framkvæmda-
stjórn sambandsins við upphaf
austurríska formennskumisser-
isins.
Austurrískir ráðamenn hafa
gefið til kynna að rita þurfi
alveg nýjan sáttmálatexta til að
tryggja stuðning almennings í
öllum aðildarríkjunum tuttugu
og fimm við hann. Ef takast á
að endurlífga stjórnarskrársátt-
málann útheimtir það mikið og
samstillt átak af hálfu leiðtoga
sambandsins, en viðleitni þeirra
til að semja um frekari áfanga að
nánari Evrópusamruna hefur átt
æ meir á brattann að sækja gagn-
vart almenningsálitinu í mörgum
aðildarlöndum, nýjum sem hinum
eldri. - aa
SCHÜSSEL OG BARROSO Wolfgang
Schüssel, kanslari Austurríkis og forseti
leiðtogaráðs ESB, og Jose Manuel Barroso,
forseti framkvæmdastjórnar ESB, ræða við
fréttamenn í Vínarborg í gær. FRÉTTABLAÐIÐ/AP
Austurríkiskanslari um stjórnarskrársáttmála Evrópusambandsins:
Endurlífgun erfið en gerleg
ÞÝSKALAND, AP Íraskur maður, sem
er fyrir dómi í Þýskalandi ákærður
fyrir að hafa aðstoðað herskáa
múslima við að komast til Íraks
til að ganga til liðs við skæruliða
sem berjast þar gegn setuliðinu og
íröskum stjórnvöldum, hefur játað
á sig sakir að því er saksóknari í
München greindi frá.
Maðurinn, Amin Lokman
Mohamed, sem hefur búið í Þýska-
landi síðan árið 2000, er sakaður
um að hafa smyglað mönnum og
vopnum fyrir Ansar al-Islam, hóp
með tengsl við Al-Kaída-hryðju-
verkanetið. Hann sætir ákærum
fyrir aðild að hryðjuverkasamtök-
um og smygl á fólki. ■
Íraki fyrir dómi í Þýskalandi:
Játar smygl á
skæruliðum
SAKBORNINGURINN Amin Lokman
Mohamed fyrir dómi í München í apríl.
NORDICPHOTOS/AFP
BANDARÍKIN, AP Fyrrverandi leið-
togi þingmeirihluta repúblikana í
fulltrúadeild Bandaríkjaþings, Tom
Delay, sem neyddist til að segja af
sér vegna ákæru um spillingu, til-
kynnti á laugardag að hann ætlaði
sér ekki að berjast lengur fyrir því
að endurheimta stöðuna.
Í gær tilkynntu flokksbræður
hans, Roy Blunt frá Missouri og
John Boehner frá Ohio, því yfir að
þeir hygðust gefa kost á sér til að
taka við þingleiðtogahlutverkinu.
Blunt tók tímabundið við af Delay
þegar hann sagði af sér í síðustu
viku. Búist er við að kjörið fari
fram um mánaðamótin. -smk
Þingleiðtogi repúblikana:
Tveir vilja taka
við af DeLay
HÆTTUR Tom Delay og kona hans mæta á
blaðamannafund í Sugarland í Texas.
SAMGÖNGUR Tæplega 1.817 þúsund
farþegar fóru um Flugstöð Leifs
Eiríkssonar á síðasta ári og fjölg-
aði þeim um ellefu prósent miðað
við árið á undan.
Fjölgun farþega til og frá
Íslandi nemur rétt tæpum ellefu
prósentum milli ára og farþegum
sem millilenda hér á landi á leið
yfir Norður-Atlantshafið fjölg-
aði um þrettán prósent. Breska
fyrirtækið BAA Plc., sem rekur
stærstu flugvelli í Bretlandi og
víðar, spáir því að farþegafjöldi
fari í 3,2 milljónir árið 2015. Því
verður flugstöðin stækkuð og er
áætlað að kostnaður nemi hátt í
fimm milljarða króna. - gag
Farþegum fjölgar um Leifsstöð:
Búist við enn
fleiri farþegum
GJALDÞROT Thomas C. Kenny, einn
framkvæmdastjóra þýska verk-
takafyrirtækisins Pro Works,
sem lýst hefur tæplega tuttugu
milljóna króna kröfu í þrotabú
Slippstöðvarinnar á Akureyri,
gerir fjölmargar athugasemdir
við vinnubrögð Sigmundar Guð-
mundssonar, skiptastjóra þrota-
búsins. Kenny sendi skiptastjóra
á mánudag formlegt erindi þar
sem hann gagnrýnir hvernig stað-
ið hafi verið að gjaldþrotaskipt-
unum og mótmælir kröfulýsinga-
skrá sem skiptastjóri sendi hluta
kröfuhafa þann 3. janúar síðast-
liðinn.
Eitt af því sem Kenny telur
gagnrýnivert er að skiptastjóri
skyldi ekki rannsaka allar fjár-
munatilfærslur til og frá Slipp-
stöðinni á meðan félagið var í
greiðslustöðvun. „... synjun yðar
að grípa til lagalegra aðgerða,
hvað þetta varðar, verður að telj-
ast alvarlegt brot á skyldum yðar
sem skiptastjóra,“ segir meðal
annars í mótmælum Kennys.
Sigmundur Guðmundsson
skiptastjóri segist munu svara
ásökunum Kennys en þó ekki fyrr
en á skiptafundi sem haldinn verð-
ur á Akureyri í dag. „Þar mun ég
leggja mótmæli hans fram og um
leið svara ásökunum í minn garð,“
segir Sigmundur. - kk
Gjaldþrotaskipti Slippstöðvarinnar á Akureyri:
Mótmælir vinnu-
brögðum skiptastjóra
THOMAS C. KENNY Framkvæmdastjóri Pro Works hefur gert fjölmargar athugasemdir við
vinnubrögð skiptastjóra þrotabús Slippstöðvarinnar og hyggst skiptastjóri svara athuga-
semdunum á skiptafundi á morgun.
Beint flug til hinnar fögru miðaldaborgar
Beint flug: Pétursborg í Rússlandi eða Tallinn í Eistlandi. Páskar í apríl 2006.
Frá Akureyri og Keflavík. Hin stórkostlega Pétursborg í Rússlandi eða miðaldaborgin
Tallinn í Eistlandi. Flogið beint til Tallinn og keyrt þaðan til Pétursborgar.
Tallinn
Tallinn hefur breyst í nútímaborg með alþjóðlegu yfirbragði á síðustu 10 árum.
Þrátt fyrir það eru íbúarnir stoltastir af gamla bæjarhlutanum. Þar eru götur steini lagðar
og við þær standa vel varðveittar stórkostlegar byggingar frá 11-15 öld. Þá setja
markaðirnir mikinn svip á borgina. Tallinn hefur verið bætt við á heimsminjalista
UNESCO sem ein best varðveitta miðaldarborg N-Evrópu. Í Tallinn er hægt að gera
góð kaup. Þar er ódýrt að versla og matur á veitingahúsum er ódýr. Þá er, næturlífið
fjörugt, barir, skemmtistaðir og kaffihús á hverju götuhorni
Pétursborg
Pétursborg er borg mikilfengleika og glæsileika, borg með glæsta fortíð, einskonar
minnismerki um liðna tíð. Borgin hefur verið kölluð Feneyjar norðursins vegna
margra síkja sem í henni eru. Rúmlega þrjá aldir eru liðnar síðan Pétur mikli byrjaði
á því að reisa þessa stórkostlegu borg. Borgin hefur einhverjar fallegustu byggingar
Evrópu. Fyrir áhugafólk um sögu og menningu er Pétursborg gullnáma.
Frá Keflavík: Pétursborg Tallinn
8-15. apríl uppselt uppselt
15-20. apríl 59.050 kr. 57.500 kr.
Pétursborg eða Tallinn
Páskar í apríl - 5 nætur, einungis 59500 kr.
til Pétursborgar og 57500 kr. til Tallinn
Beint flug:
Frá Akureyri: Pétursborg Tallinn
12-16. apríl 57.700 kr. 55.500 kr.
13-17. apríl uppselt uppselt
Innifalið: Flug, skattar, hótel, rúta og íslenskur fararstjóri
Öll hótel eru 4 stjörnur og morgunmatur innifalinn
VEISTU SVARIÐ
1 Hverju mótmælti hópur róttækra ungmenna í fyrradag?
2 Hvað heitir leiðtogi talíbana í Afganistan?
3 Hvað heitir nýr forseti skákfélagsins Hróksins?
SVÖRIN ERU Á BLS. 34
Rútuslys banar 25Tveir langferða-
bílar lentu í árekstri á þjóðveginum
milli Marrakesh og Agadir í Marokkó í
gær. 25 manns létu lífið í slysinu og 62
slösuðust, að því er yfirvöld greindu frá.
Banaslys eru tíð í umferðinni í Marokkó.
MAROKKÓ