Fréttablaðið - 11.01.2006, Blaðsíða 59

MIÐVIKUDAGUR 11. janúar 2006
FRÉTTIR AF FÓLKI
Hamhleypan Steve O úr Jackass-klík-unni alræmdu hefur hugsanlega
komið hótelerfingjanum Paris Hilton í
bobba eftir að hafa viðurkennt að hafa
hugsanlega komið henni í vímu rétt
áður en hún settist upp í
bíl sinn og lenti í bílslysi
í nóvember. Steve O lýsti
því yfir í sjónvarpsþætti á
dögunum að hann hafi eytt
nótt með Paris og kærasta
hennar, Stavros Niarchos
III. Hann kveðst hafa verið
með gashylki sem notuð
eru til að blása upp
blöðrur. „Ég ætti kannski
ekki að segja þetta,
en hugsanlega gaf ég
henni ofskynjunarefni
hálftíma áður en hún
lenti í slysinu,“ bætti
Steve O við og skellihló.
Nick Lachey, fyrrum ástmögur og eiginmaður Jessicu
Simpson, segir að „órökvísi“ fyrrum
spúsu sinnar hafi leitt til þess að það
kastaðist í kekki milli hjónakornanna,
sem svo skildu fyrir tveimur mánuðum.
Lachey bætir við að hann telji þankagang
kynjanna vera ólíkan. „Rökin sem konur
færa fyrir máli sínu koma ekki heim og
saman við rökvísi karla.“ Sem dæmi
nefnir hann að stundum hafi Jessica
átt það til að bregðast
hin versta við ef hann
keypti of stór
föt á hana.
„Konur kunna
greinilega ekki
að meta slíkt,“
bætir hinn
skarpskyggni
Lachey við.
Breski leikstjórinn hefur ýjað að því að hann kunni að leggja leikstjóraferilinn
á hilluna til að sinna börnunum sínum
tveim, sem hann á með leikkonunni
Kate Winslet, þegar þau byrja í skóla.
Leikstjórinn, sem er hvað þekktastur fyrir
myndina American Beauty, kveðst elska
samvistir við börnin sín, Joe og Miu, en
segir það stundum reynast þeim erfitt
að vera á flakki þegar báðir foreldrarnir
eru að vinna. „Þetta verður erfitt þegar
þau byrja í skóla,“ segir
Mendes. „Það
kemur ekki til
greina að börnin
mín alist
upp eins og
sígaunar á
flakki. Það er
ekki sann-
gjarnt.“
Jennifer Aniston hefur fallið kylliflöt fyrir Chicago, heimaborg kærasta
síns, Vince Vaughn, eftir að hafa tekið
tvær kvikmyndir þar í fyrra. Aniston lék í
myndunum Derailed og The Break Up í
Chicago og kynntist Vaughn við tökur á
þeirri seinni. „Chicago-búar eru afskap-
lega tillitssamir og gefa manni næði.
Það var ekkert mál að fara á tónleika,
út að dansa eða á góða veitingastaði,“
segir Aniston og
hrósar veitinga-
stöðum í borginni
í hástert. Síðan
tökum lauk hefur
hún nokkrum
sinnum farið aftur
til Chicago og
varið tíma með
Vaughn og fjöl-
skyldu hans.