Fréttablaðið - 20.04.2006, Síða 42

[ ]
Með hækkandi sól verður ruslið
umhverfis okkur áberandi en nú
er komið að tiltekt því hreins-
unarátak höfuðborgarsvæðisins
hefst á morgun. Borgarstjórinn
Steinunn Valdís Óskarsdóttir
tekur þátt í því.
„Ég læt allt vera hversu græna
fingur ég er með en ég reyni auð-
vitað eins og aðrir að laga til kring-
um mig á vorin,“ segir Steinunn
Valdís, sem á gróinn garð. Hún
kveðst ekkert sérstaklega iðin í
blómaræktinni en í þremur köss-
um við húsið ræktar hún alls konar
grænmeti og kartöflur undir dúk
þegar lengra líður á. Svo á hún
rabarbara líka þannig að það verð-
ur greinilega búsældarlegt hjá
núverandi borgarstjóra þegar
kemur fram á sumarið. „Ég er
ekki komin langt með vorhreins-
unina,“ segir Steinunn, sem ekki
þarf aðeins að raka saman stöngla
og afklippur heldur líka plast og
pappír sem borist hefur í garðinn.
Hún kveðst stundum velta því
fyrir sér hvaða fólk það sé sem
hendi rusli á almannafæri. „Það er
alveg sama við hvern maður talar.
Öllum finnst ástandið ótækt og
skilur ekkert í öllum hinum en ég
held við þurfum öll að taka okkur
tak. Ruslið stingur svo illilega í
augu á þessum árstíma.“
Umhverfissvið borgarinnar
hefur verið með auglýsingar í
sjónvarpinu undir kjörorðinu
Virkjum okkur og vakið hafa
athygli, til dæmis ein sem sýnir
manneskju hrækja tyggjói út úr
sér heima. Skilaboðin eru ljós.
Nú er hreinsunarátak að hefj-
ast í borginni og Steinunn Valdís
kveðst hafa fengið bæjarstjóra í
nágrannasveitarfélögunum til að
taka þátt í því, þannig fái átakið
meiri slagkraft. „Allir íbúar
höfuðborgarsvæðisins leggja
vonandi fram krafta sína og þrífa
í kringum sig. Síðan koma hreins-
unardeildirnar og hirða ruslið
utan við lóðamörk,“ segir hún og
heldur áfram. „Við reynum líka
að hvetja vinnustaði til tiltektar.
Ráðhúsið hefur haft sinn hreins-
unardag og mun gera áfram. Í
fyrra fórum við og þrifum beðin
kringum Tjörnina. Þar kom ýmis-
legt í ljós því greinilega hafa
verið iðkaðir þar hlutir sem ekki
eru prenthæfir.“
gun@frettabladid.is
Burt með afklippur og rusl
„Ruslið verður hirt við lóðamörk,“ segir borgarstjórinn.
Steinunn Valdís hreinsar sitt nánasta umhverfi og hvetur íbúa höfuðborgarsvæðisins til að gera slíkt hið sama. MYNDIR/HULDA
Pottaplöntur eru heimilisprýði. Þær lífga upp á umhverfið
og færa lífinu lit.
Hinar vinsælu
dönsku bókahillur
komnar aftur
Tekk - Kirsuberja - Hlynur
Hringið og biðjið um mynda- og verðlista