Fréttablaðið - 20.04.2006, Síða 59

FIMMTUDAGUR 20. apríl 2006 59
skiptisvæðinu áður en hann steig
á hjólið. Framundan var 180 kíló-
metra vegalengd, tiltölulega flöt
og malbikuð en þó með 150 metra
mismun á hæsta og lægsta punkti.
Leiðin var í þremur lykkjum,
þrisvar sinnum 60 kílómetra vega-
lengdum.
Hjólaþrautin tók tæpar átta
klukkustundir og stóð einmitt yfir
heitasta tíma dagsins. Höskuldur
kveðst hafa gætt þess að næra sig
vel á leiðinni og hellt reglulega
yfir sig vatni til að kæla sig. Hann
miðaði við að hjóla 60 kílómetra á
tveimur tímum og það stóðst
nokkurn veginn.
Höskuldur var stirður eftir
hjólaþrautina enda var klukkan
orðin fimm síðdegis og þrautin
búin að standa í tíu tíma. Hann tók
sér aftur tæplega tuttugu mínútur
á skiptisvæðinu og lagði svo í
hann. Lofthitinn var ekki jafnmik-
ill og áður og aðstæður því betri
að því leyti. Höskuldur fór hægt
af stað af því að hann var stirður
nýkominn af hjólinu. Hann var
búinn að setja sér það markmið að
hlaupa fjórtán kílómetra á innan
við tveimur tímum og það stóðst.
Hann lauk hlaupabrautinni á innan
við sex tímum.
Óglatt fyrst eftir hjólaþrautina
„Ég var nokkurn veginn viss
um að ég myndi klára þrautina
þegar þarna var komið því að
þetta gekk vel og ég lenti aldrei í
neinum vandræðum en maður veit
svo sem aldrei fyrr en yfir lýkur,
maður getur alltaf fengið krampa,
dottið eða tæmt sig af orku,“ segir
hann.
Höskuldur var þreyttur þegar
þríþrautinni var lokið en samt
ekki þannig að hann væri að gef-
ast upp. „Maður leikur sér við
sjálfan sig með hugarleikfimi og
svo reyndi ég að drekka og borða á
öllum drykkjarstöðvum. Mér var
óglatt fyrst eftir hjólaþrautina en
ákvað að borða ógleðina úr mér
þannig að það kæmi ekki niður á
hraðanum,“ segir hann.
Höskuldur Kristvinsson var
stoltur og ánægður þegar hann
kom í mark eftir sextán klukku-
stundir og korter í þrautinni.
Hann segir að skrokkurinn komi
vel út úr afrekinu og sennilega
missi hann bara eina nögl.
„Skrokkurinn er allur stirður en
ég losnaði að mestu við sólbruna.
Ég er vissulega svolítið stirður
eftir þetta en hef verið miklu
stirðari eftir styttri vegalengdir,“
segir Höskuldur.
Næstu markmið eru þegar
farin að skýrast. Fyrst verður það
Laugavegurinn í sumar og svo
veltir hann fyrir sér að reyna að
ná þátttökumarkmiði í Boston-
maraþoninu 2007. Til þess þarf
hann að bæta tíma sinn um átta
mínútur eða svo í heilu maraþoni
og það er mikil áskorun.
Talið er að Höskuldur sé fyrst-
ur Íslendinga til að ljúka Ironman-
þríþraut en ungur maður ku vera
skráður til þátttöku í Ironman-þrí-
þraut í Sviss í sumar.
ghs@frettabladid.is
Það getur orðið ansi
heitt í Arizona á þess-
um árstíma og því æfði
Höskuldur kappklæddur
úti í bílskúr í þrjár vikur
til að venja sig við hitann.
LEIÐIRNAR SEM FARNAR VORU Í ÞRÍÞRAUTINNI Höskuldur synti 3,8 kílómetra í Tempe vatni. Þegar því var lokið hjólaði hann 180 kílómetra. Hjólaleiðin var tiltölulega flöt en þó var
150 metra mismunur á hæsta og lægsta punkti. Síðasta þrautin var maraþonhlaup sem Höskuldur lauk á innan við sex klukkustundum.
SUNDLEIÐ
3,8 km (1 hringur)
HJÓLALEIÐ
180 km (3 hringir)
HLAUPALEIÐ
42,2 km (3 hringir)
SKIPTISVÆÐI