Fréttablaðið - 20.04.2006, Blaðsíða 70
20. apríl 2006 FIMMTUDAGUR54
maturogvin@frettabladid.is
Ómar R. Valdimarsson,
framkvæmdastjóri Ís-
lenskra almannatengsla, er
afar hrifinn af grænmetis-
fæði. Hann eldar þó oftar
fyrir hundinn en sjálfan sig
sem fúlsar ekki við nauta-
hakki.
„Ég er ekki hreinræktuð grænmetis-
æta en borða mikið af grænmetis-
fæði. Bæði finn ég hvað mér líður
betur af slíkum mat og svo er líka
svo miklu skemmtiegra að elda
grænmetismat heldur en kjötrétti.
Grænmetið er fallegra, litríkara,
áferðarfallegra og bragðmeira,“
segir Ómar og bætir við að þegar
kemur að matseldinni þá sé Solla á
Grænum kosti hans átrúnaðargoð
og hann noti mikið matreiðslubók-
ina hennar Grænn kostur Hag-
kaupa. Uppskriftin sem hann gefur
hér á síðunni af fylltum paprikum
er einmitt úr þeirri bók og segir
hann að hún sé sannkölluð veislu-
máltíð fyrir grænmetisætur.
Ómar segist þó alls ekki elda
nógu oft, a.m.k. ekki fyrir sjálfan
sig, en sambýlingur hans, hundur-
inn Húgó, sem er ársgömul ung-
versk vizla, nýtur þó reglulega góðs
af matreiðsluhæfileikum hans því
Ómar er duglegur að dekra við
hundinn með nýsteiktu nautahakki.
„Húgó er standandi fuglahundur og
mun fljótlega fá að reyna á sig því
ég er á leið á skotfiminámskeið og
planið er að fylla frystinn af gæs,
önd og rjúpu,“ upplýsir Ómar sem
segist vera tíður gestur á veitinga-
húsum bæjarins, sérstaklega þeim
sem bjóða upp á grænmetisfæði.
„Fleiri góðir veitingastaðir
mættu bjóða upp á „take away“
þjónustu því það er gaman að
borða góðan mat heima hjá sér,“
segir Ómar. -snæ
Vín er náttúruleg afurð, og það er
umhugsunarefni með vín, eins og
með mat, hvaða óæskilegu auka-
efni við gætum verið að innbyrða
þegar við drekkum gott vín. Það
er eflaust ekki mjög æskilegt að
neyta áburðar, eiturs og brenni-
steins í miklu magni en þetta eru
allt efni sem gætu leynst í víni.
Lífræn ræktun á vínvið tryggir að
jarðvegurinn er ómengaður og að
náttúrulegt umhverfi plantnanna
sé í góðu jafnvægi. Bóndinn vinnur
mun meira á ekrunum og þarf að
slá og plægja allt að 8 sinnum á
ári. Því verður meira loft í jarð-
veginum sem þýðir að ræturnar
ná lengra niður og draga þar með
meiri jarðvegsnæringarefni í
þrúgurnar en við hefðbundna
ræktun. Í lífrænni ræktun
verða plönturnar mikið eldri en
í hefðbundinni vínrækt sem
þýðir að þrúgurnar verða alltaf
færri og færri og betri og betri
til víngerðar. Lífrænt ræktuð
vín frá Roussillon-héraðinu
frá Pujol eru með bestu
kaupum í vínbúðum og eru
lífrænt vottuð. Uppskera
hjá Pujol stendur yfir í
tæplega tvo mánuði og
þrúgurnar eru allar hand-
tíndar og flokkaðar til þess
að eingöngu heilbrigðar og
góðar þrúgur fari í vinnsl-
una. Á meðal þeirra vína
sem fást hérlendis frá
Pujol framleiðandanum er
verðlaunavínið Côtes du
Roussillon 2001 Futs de Chêne
sem er gert úr fjórum þrúgum
- syrah, mourvèdre, rauðu
grenache og carignan. Það er
einstaklega fíngert og bragð-
gott og hefur frábæra fyll-
ingu. Það er með sólberja-
og skógarilmi og er
kryddað í munni, með
keim af svörtum berjum
og plómum. Það passar
einkar vel með grilluðu
eða steiktu kjötu, saltfiski
og er ljúffengt með mjúk-
um ostum. Fæst í flestum
vínbúðum og kostar 1490
krónur.
Lífrænt og vænt fyrir sumarið
PRAVDA
Hin geysivinsæla
TRÚBADORAKEPPNI
HÁSKÓLANNA
heldur áfram í kvöld
DJAMMIÐ UM HELGINA:
Allt um djammið
Veitingastaðurinn Salt-
húsið í Grindavík er
staðsettur í fallegu tví-
lyftu bjálkahúsi. Eins
og nafn staðarins gefur til kynna þá
er þar boðið upp á mikið úrval af
saltfiskréttum í hinum ýmsu útgáf-
um en þrátt fyrir að saltfiskur sé
aðalsmerki staðarins þá er vissu-
lega hægt að fá þar ýmislegt annað.
Þar sem húsið er timburhús er
stemningin svolítið sumarbústað-
arleg sem gerir staðinn að góðum
valkosti fyrir borgarbúa sem vilja
bregða sér út fyrir bæjarmörkin.
Það er þó ekki endilega nein róleg-
heitastemning á staðnum því þar
er reglulega boðið upp á böll með
hljómsveitum, boltakvöld og aðrar
uppákomur. Staðurinn er einnig
kjörinn undir hinar ýmsu veislur.
Matseðillinn? Samanstendur
aðallega af ýmsum spennandi salt-
fiskréttum eins og hráum saltfisk-
þynnum með kóríander-chilliolíu,
gratínerðum saltfiski að hætti kat-
alóníubúa og ofnbökuðum salt-
fisksteik.
Vinsælast? Þeir sem eru að koma í
fyrsta sinn á staðinn fá sér að sjálf-
sögðu einhvern saltfiskrétt en aðrir
velja, lamb, ristaðan kjúkling eða
nautalundir.
Verð? Aðalréttirnir eru á verðbil-
inu 2.000-5.000 en forréttirnir eru
flestir undir 1.000 krónum. Hægt
er að fá fiskrétt dagsins á 1.790
krónur og er hann þá eldaður
eftir kenjum kokksins. Sjá nánar á
www.salthusid.is.
VEITINGASTAÐURINN
SALTHÚSIÐ
STAMPHÓLSVEGI 2, GRINDAVÍK SÍMI: 426 9700
Lífið er gratíneraður saltfiskur
Sannkölluð veislumáltíð
fyrir grænmetisæturnar
GALSI Í ELDHÚSINU Ómar og Húgó búa saman í Vesturbænum en deila þó ekki sama
matarsmekk. Ómar er hrifnastur af grænmetisfæði en Húgó veit fátt betra en nýsteikt
nautahakk. FRÉTTABLAÐIÐ/VILHELM
FYLLTAR PAPRIKUR
4 rauðar paprikur
150 gr sólþurrkaðir tómatar
150 gr þistilhjörtu(í krukku)
150 gr möndlur eða hnetur
150 gr tófú
150 gr soja mozarellaostur
1 lúka ferskt kóríander
smá salt og cayennapipar
Skerið paprikurnar í tvennt og
hreinsið. Setjið allt annað hráefni
í matvinnsluvél og hrærið saman.
Fyllið paprikurnar með maukinu og
bakið í ofni við 180 gráður í 15-20
mín.
Með þessu er gott að hafa ofnbak-
aðar rauðrófur og sætar kartöflur.
Skerið grænmetið í bita og setjið í
eldfast mót ásamt olífuolíu, rósmarín
og sítrónusafa og bakið í 45 mín.
Klettasalat með fetaosti passar einn-
ig afar vel við þetta.
SKELLTU...
kjöti á grillið. Nú er
komið sumar, sama
hvað veðrið segir, og
ekki eftir neinu að
bíða.
Hvaða matar gætir þú síst verið án?
Það mun vera fiskur.
Fyrsta minningin um mat?
Mamma fór á spítala þegar ég var sex ára og
pabbi þurfti að elda ofan í okkur bræðurna, og
þá var iðulega Maggi-súpa í matinn. Mér fannst
hún mjög góð og finnst enn.
Besta máltíð sem þú hefur fengið?
Ætli það sé jólamaturinn þegar ég var lítill. Það
voru alltaf rjúpur á jólunum. Þær hef ég hins
vegar ekki bragðað í mörg í ár.
Er einhver matur sem þér finnst vondur?
Ég borða allt sem er sett á minn disk, en ef ég
á að nefna eitthvað sem ég er ekki hrifinn af
kemur rauðsúpa í hugann.
Leyndarmál úr eldhússkápunum?
Ég geri sérstaka kryddblöndu í túnfisksalatið
mitt, en eðli málsins samkvæmt gef ég hana
ekki upp.
Hvað borðar þú til að láta þér líða betur?
Ís. En hann er bara í boði á sunnudögum.
Hvað áttu alltaf í ísskápnum?
Ég á alltaf til ávaxtasafa.
Ef þú yrðir fastur á eyðieyju, hvaða rétt
tækir þú með þér?
Kjötsúpu sem ég gæti borðað dögum
saman.
Hvað er það skrýtnasta sem þú hefur
borðað?
Einu sinni var ég að vinna í Sundahöfn
þar sem við fengum að panta mat. Mér
fannst svikinn héri hljóma eitthvað svo
vel, en svo var þetta bara einhver hakk-
búðingur. Það fannst mér skrýtið.
MATGÆÐINGURINN HALLDÓR GYLFASON LEIKARI
Svikinn af sviknum héra