Fréttablaðið - 20.04.2006, Side 74

20. apríl 2006 FIMMTUDAGUR58
Í dag birtast næstu tvö ljóðin í
Sigurskáldinu 2006, ljóðakeppni
Fréttablaðsins og Eddu útgáfu,
og lýkur þar með þriðju umferð.
Í gær fengu lesendur tækifæri
til að gera upp á milli ljóða Ótt-
ars Martins Norðfjörð og Atla
Bollasonar en nú stendur valið
milli Unnar Andreu Einarsdóttur
og Lubba klettaskálds (Björg-
vins Gunnarssonar) en það er á
valdi lesenda hvort þeirra kemst
áfram í undanúrslit keppninnar
um Sigurskáldið. Þó svo að
ummæli dómnefndar fylgi með,
er það á ykkar valdi, lesendur
góðir, að velja það ljóð sem ykkur
þykir skara fram úr.
Í kvöld standa eftir sex ljóð
sem keppa í undanúrslitum á
fimmtudag og föstudag. Úrslita-
slagurinn fer svo fram um helg-
ina og sjálft Sigurskáldið verður
krýnt í lok Viku bókarinnar.
Hringurinn um Sigurskáldið þrengist
LUBBI KLETTASKÁLD (BJÖRGVIN GUNNARSSON)
Fæddur 1980.
UNNUR ANDREA EINARSDÓTTIR
Fædd 1981.
Ef þú kýst ljóð Lubba sendir þú SMS-
skeytið JA L5 í númerið 1900*.
Ef þú kýst ljóð Unnar sendir þú SMS-
skeytið JA L6 í númerið 1900*.
* Hvert skeyti kostar 99 krónur.
HVERNIG VELUR
ÞÚ LJÓÐ?
Til að kjósa þitt ljóð sendir þú einfald-
lega SMS-skeyti, eitt eða fleiri.
Dregið
verður úr
innsendum
SMS
skeytum á
hverjum
degi.
Vinnings-
hafi
dagsins
fær bókina Yosoy eftir Guðrúnu Evu
Mínervudóttur.
Æðar Japans
Meðan þú bróderar dreka í dúnúlpuna þína, plokka ég af mér píkuhár til
þess að þú verðir ekki uppiskroppa með tvinna. Þú gerir lítið úr fórn
minni og segir frá því hvernig fyrrverandi kærasta þín frá Japan hafi
eytt fjórum klukkutímum á dag í að plokka æðarnar úr rækjunum sem hún
hafi vandlega valið í rækjusalatið þitt. Ólýsanlegur glæsibragur hafi
verið yfir agaðri beitingu hennar á flísatönginni sem hún hafði sjálf
steypt úr skartgripum ömmu sinnar.
Þegar þú sefur stelst ég til að strengja tippahárin þín í litla
hörpu og spila á þau lag sem ég hef samið um þig. Svo dansa ég í takt
við andardrátt þinn. Þú vaknar meðan ég er að slamma við
þungarokkshroturnar í þér. Þú hlærð einsog freðinn risarostungur og
eftir hálftíma af óbærilega sársaukafullum þrumuhlátri, hjóla ég
rakleiðis á barinn og þamba að botninum á viskíflösku.
Þú finnur mig næsta morgun þar sem ég ligg dauð á framrúðunni á bláum
Volvo. Þú starir inní blóðhlaupin augu eftir hamfaraflóð af áfengum
tárum.
Þú segist vilja slíta sambandinu því þú sért eiginlega meira fyrir
japanskar konur.
hnýttir endar
þú segir
að þú hafir
hnýtt alla lausa enda
að fortíðin hafi
verið gerð upp
og að þú horfir
fram á veginn
þú sverð
að þú hafir
lokað öllum dyrum
afhverju finn ég þá dragsúg?
Álit dómnefndar
Kristján B. Jónasson:
Sambandsslit sett í algerlega nýtt
og magnað samhengi. Frumleiki,
kraftur og fyndnir taktar.
Ragnheiður Eiríksdóttir:
Eins og súrrealísk bíómynd, eða
manneskja á barmi sturlunar. Það
tvennt er bæði mjög spennandi
og þetta ljóð er það líka. Fær mig
til að hugsa um eldrauðan varalit.
Þórarinn Þórarinsson:
Það er eitthvað ómótstæðilegt við
skapahár í ljóðum. Erótík og dauði
er svo auðvitað sígildur dúett
þannig að þetta kveikir vel í
manni.
Álit dómnefndar
Kristján B. Jónasson:
Haganlega gert ljóð um grundvallarspurningu sem allt
nýfrelsað fólk verður að spyrja sig.
Ragnheiður Eiríksdóttir:
Þetta ljóð er í laginu eins og sverð, og orðið sverð kemur fyrir
í því, en í annarri merkingu. Það er dularfullt og eitthvað
draugalegt við það líka.
Þórarinn Þórarinsson:
Skemmtileg pæling í nettu ljóði um þá óþolandi staðreynd
að fortíðin verður aldrei grafin.