Fréttablaðið - 26.05.2006, Síða 3

TÍMI TIL AÐ BREYTA
FLUGVÖLLUR VERÐI ÁFRAM Í REYKJAVÍK
Innanlandsflugið verður ekki flutt til Keflavíkur. Að lokinni athugun
sérfræðinga á mögulegum flugvallarstæðum verður tekin ákvörðun
um framtíðarlegu flugvallarins, þar sem öryggissjónarmið ráða úrslitum.
SUNDABRAUT OG MISLÆG GATNAMÓT
Sundabrautin verði lögð fjögurra akreina í einum áfanga alla leið upp
á Kjalarnes og mislæg gatnamót byggð á mótum Miklubrautar og
Kringlumýrarbrautar.
FLEIRI TÆKIFÆRI TIL SAMVERUSTUNDA
Tryggjum foreldrum og börnum val um örugga vistun frá því fæðingarorlofi
lýkur, lækkum leikskólagjöld, göngum til samninga við íþrótta- og æskulýðs-
félög í borginni um að þátttökugjöld barna verði lækkuð. Samræmum
skólanám barna og íþrótta- og tómstundastarf til að fjölga samverustundum
fjölskyldunnar.
STÓRÁTAK Í BYGGINGU HJÚKRUNARHEIMILA,
ÞJÓNUSTUÍBÚÐA OG LEIGUÍBÚÐA
Við ætlum að ráðast í stórátak í byggingu hjúkrunarheimila í samvinnu við
ríkið og beita okkur fyrir öflugri uppbyggingu þjónustu- og leiguíbúða fyrir
eldri borgara.
25% LÆKKUN FASTEIGNAGJALDA
Fasteignagjöld á íbúðarhúsnæði verða lækkuð um 25%. Fyrst um 10%
1. janúar 2007 og síðan um 5% árlega. Tekjuviðmið vegna afsláttar af
fasteignasköttum fyrir eldri borgara og öryrkja verða hækkuð.
HREINSUNAR- OG FEGRUNARÁTAK
Strax í sumar á að hefjast fegrunar- og hreinsunarátak í borginni. Við
munum bæta aðstöðu íbúa til útivistar, glæða grænu, opnu svæðin nýju
lífi, leggja göngu- og hjólreiðastíga og auka gróður og góða lýsingu í
borgarumhverfinu.
FJÖLBREYTTAR LÓÐIR FYRIR ALLA
Allir sem vilja búa og byggja í Reykjavík eiga að hafa kost á fjölbreyttu
húsnæði og lóðum. Lóðauppboð verður afnumið og lóðagjöld lækkuð.
AUKIÐ VAL FYRIR ELDRI BORGARA
Við ætlum að tryggja aukið val og fjölbreytni í húsnæði fyrir eldri borgara
við skipulag nýrra hverfa. Við ætlum að gera eldri borgurum kleift að búa
á eigin heimili svo lengi sem þeir kjósa og efla og samræma heimaþjónustu
og heimahjúkrun.
www.betriborg.is
Það er kominn tími til að breyta um áherslur við stjórn Reykjavíkurborgar.
Við ætlum í samvinnu við Reykvíkinga að búa til betri borg.
Við leggjum fram metnaðarfulla framtíðarsýn um aukin lífsgæði í borginni og reynslu
og þekkingu öflugs hóps frambjóðenda.