Fréttablaðið - 26.05.2006, Page 49

9
Margir eru nú farnir að spá
í hvers konar blóm þeir vilja
planta í garðinum, svo hann
verði sem fallegastur í sumar.
Þeim sem vilja fara óhefðbundn-
ar leiðir í vali á garðplöntum
skal bent á að bergflétta er falleg
klifurplanta sem þrífst ágætlega
hérlendis. Bergflétta hentar vel
á veggi og aðra „lokaða“ fleti,
en skríður ekki vel eftir opinni
girðingu þar sem hún þolir illa
gegnumtrekk. Til að hylja vegg
með þessari sígrænu klifur-
plöntu er best að setja um það
bil fjórar plöntur á hvern metra.
Þótt plönturnar hafi heftirætur
sem festa sig á veggi, getur engu
að síður verið gott að festa þær
aðeins í byrjun svo þær liggi vel
að veggnum. Það tekur berg-
fléttu nefnilega svolítinn tíma að
sjúga sig fasta, einkum á það við
slétt yfirborð og timbur. Berg-
flétta þrífst á skuggsælum stöð-
um, þar sem nægilegt rakastig er
fyrir hendi, og blómgast í júní.
Óhefðbundin
garðplanta
Bergflétta getur lífgað
upp á garðinn.
Eins og sést á myndinni getur bergflétta
komið einstaklega vel út á húsveggjum,
en þessi sígræna klifurplanta þrífst
ágætlega hérlendis. FRÉTTABLAÐIÐ/HEIÐA
Hin margrómaða íslenska bjartsýni
á það til að leiða fólk langt upp á
heiði þar sem hvorki finnst rennandi
vatn né rafmagn. Bjartsýnin fær
fólk til þess að taka þá ákvörðun að
slíkir staðir séu fyrirmyndar bygg-
ingarlóðir undir sumarhús. Áður en
það getur talið upp að tíu er búið að
grafa myndarlegan grunn fyrir hús-
inu sem brátt mun rísa, miðja vegu
milli Afdala og Öræfa.
Hér eru fimm atriði sem vert er
að hafa í huga þegar byggja á hús
utan alfaraleiðar.
1. Þú gefst fljótt upp án vatns.
Komdu þér í samband við næsta
bónda eða landvörð og gerðu allt
sem þú getur til þess að koma renn-
andi vatni að þér. Þangað til getur
þú safnað rigningarvatni, það er
nóg til af svoleiðis á Íslandi.
2. Þegar búið er að gera ráð-
stafanir með vatnið, þá ætti það að
vera næsta skref að klambra saman
þokkalega vindheldu útihúsi. Það
nennir enginn að smíða sumarbú-
stað allan dagnin og þurfa svo í lok
vinnudags að svara kalli náttúr-
unnar úti í náttúrunni.
3. Fyrst að þú ert uppi á heiði
þá ætti ekki að vera erfitt að knýja
áfram eina litla vindmyllu sem skil-
ar þér nægilega miklu rafmagni til
þess að lýsa upp húsið þitt með tólf
volta straumi.
4. Þegar bygging hússins er
komin á fullt þá er gott að fara að
huga að því hvernig kynda eigi
kofann. Kamínur eru sjarmerandi
og gefa góðan hita.
5. Gasofn, gashellur og gasgrill.
Þú getur eldað allan mat á gasi og
það er algjör óþarfi að eyða milljón
í það að fá fullan straum. 220 volta
rafmagn er bara fyrir borgarbörn.
Eitt atriði í einu og áður en þú
veist af ertu búinn að reisa þér
fullkominn fjallakofa sem er alveg
laus við allt það sem þú hefur ekk-
ert að gera við. Í fyllingu tímans
er hægt að fara að huga að því að
reisa stæðilegra útihús eða jafnvel
að fjárfesta í alvöru klósetti. Það fer
allt eftir því hversu harðgerður ein-
staklingur þú ert.
Byggt uppi á heiði
Margir sumarbústaðir eru orðnir
svo vel útbúnir að fólk er farið
að dvelja í þeim á öllum tímum
árs. Margir vilja halda hita á
húsunum sínum allan veturinn
og getur kyndingarkostnaður þá
orðið nokkuð hár.
Þó svo að íslenska sumarsólin sé
ekki svo steikjandi heit að hún
þrýsti á sumarbústaðaeigendur
til þess að fá sér loftkælingu í
húsin sín þá hefur fyrirtækið
Celcius hafið innflutning á slík-
um kerfum. Kerfið er þó mjög
hentugt fyrir íslenskar aðstæður
þar sem það er líka öflug hita-
miðstöð. Samkvæmt upplýsing-
um frá fyrirtækinu geta hús-
eigendur viðhaldið því hitastigi
sem þeir óska sér með mun lægri
kyndingarkostnaði en með hefð-
bundnum rafmagnsofnum.
Þessi tækni hefur verið að ryðja
sér rúms upp á síðkastið og hent-
ar hún þeim sérstaklega vel sem
vilja halda hita á sumarhúsinu
allan ársins hring þar sem orku-
nýtni kerfisins er mjög góð.
Sniðug leið til
þess að kynda
sumarhúsið
Miðstöðin getur bæði kælt og hitað
sumarhúsin
■■■■■■■■■■■■■■■■■■■■■■■■■■■■■■■■■■■■■■■■■■■■■ { sumarhús og garðar } ■■■■