Fréttablaðið - 15.06.2006, Page 18

15. júní 2006 FIMMTUDAGUR18
nær og fjær
„ORÐRÉTT“
www.66north.is
REYKJAVÍK: Kringlan - Bankastræti 5 - Faxafen 12
GARÐABÆR: Miðhraun 11 - AKUREYRI: Glerárgata 32
Glymur shoftshell
herrajakki
18.900 kr.
Glymur softshell
dömujakki
19.950 kr.
Gönguskór
margar gerðir
fást í Faxafeni og á Akureyri
Komduút
„Ég byrjaði núna í júní 26. árið í Brúðubílnum
og við erum búnar að sýna tvisvar á dag og
förum á þessa gæsluvelli sem eftir eru og svo
förum við á svona opin svæði,“ segir Helga
Steffensen. „Við erum með leikrit í júní sem
heitir duddurnar hans Lilla og það er Lilli, sem
er mjög vinsæll hjá litlu börnunum, hann er að
reyna að venja sig af því að vera með snuð.“
„Þetta er alveg rosalega vel sótt, og meira að
segja í morgun vorum við í Miðgarði og það
var svo hvasst að það var ekkert venjulegt en
krakkarnir koma, veðrið er ekkert að hamla því
að þeir komi,“ segir Helga.
„Á veturna er ég starfandi í Leikbrúðulandi og
í vetur vorum við með selinn Snorra og fórum
í leikskóla, grunnskóla og kirkjur og ætlum að
halda áfram með þá sýningu næsta haust.“
Leikbrúðuland byrjaði árið 1974 og voru
sýningarnar á Fríkirkjuvegi 11. Þar var Meistari
Jakob meðal annars sýndur.
Aðspurð um uppruna Lilla segir Helga að hann
hafi komið í Brúðubílinn strax í upphafi og sé
því orðinn 25 ára. Helga gerir allar brúðurn-
ar sjálf og hefur gert fleiri hundruð brúður í
gegnum tíðina og samið yfir fimmtíu leikrit. Lilli
hefur farið í gegnum smá endurnýjun en Helga
segir að þetta sé alltaf sami Lilli og börnin
myndu taka eftir því um leið ef einhverjar
breytingar yrðu gerðar á honum.
„Ég hef eiginlega ekki farið neitt í sumarfrí í
gegnum tíðina,“ segir Helga og hlær, „ég
kalla það sumarfrí þegar ég fer á sumrin
með Brúðubílinn og ferðast um lands-
byggðina. Mér finnst ég bara vera mjög
heppin að vera í starfi sem ég virkilega nýt
þess að vera í,“ segir Helga að lokum.
Dagskrá Brúðubílsins er að finna á heima-
síðu ÍTR en hann verður í Reykjavík í júní og
júlí.
HVAÐ ER AÐ FRÉTTA? HELGA STEFFENSEN BRÚÐULEIKARI
Ótrúlega skemmtilegt og gefandi starf
„Þetta er örugglega eitt glæsilegasta
skref sem íslenskur knattspyrnum-
aður hefur stigið,“
segir Hermann
Gunnarsson,
fjölmiðlamaður
og knattspyrnu-
aðdáandi. „Alveg
frábært að hafa
staðið sig jafn vel
og hann hefur
gert með Chelsea,
þessu meistaraliði
í Englandi, og vera
eiginlega dottinn úr náðinni þar,
en fara svo til Evrópumeistaranna.
Það er draumur allra fótboltamanna
að spila með Barcelona eða Real
Madrid og mig dreymdi þetta á yngri
árum. Ég fékk einu sinni að spila leik
í Barcelona-treyju og það að fara í
búninginn gerði mig að helmingi
betri fótboltamanni og ég er viss um
að það verður þannig með Eið. Ég
er ekki viss um að hann fljúgi inn
í liðið, en það skiptir ekki máli, því
Eiður er persónuleiki sem gefst ekki
upp. Hann var valinn í stjörnulið
heimsins af Ronaldinho, sem þýðir
að besti knattspyrnumaður heims
og verðandi liðsfélagi hans vill hafa
hann með sér. Þetta getur ekki verið
meira spennandi. Katalónía mun
taka honum fagnandi. Ég var hrærð-
ur af fögnuði og samfagna þessum
árangri hans.“
SJÓNARHÓLL
EIÐUR SMÁRI TIL BARCELONA
Glæsilegur
árangur Eiðs
HEMMI GUNN
Sjö enskir slökkviliðsmenn
frá Cornwall-skaga eru nú
á ferð yfir Vatnajökul en
ferðin er farin til styrkt-
ar krabbameinssjúkum
börnum þar í landi. Sjón-
varpsfréttamaður frá BBC
Cornwall er með í för svo
heimamenn geti fylgst með
gangi mála og slökkviliðs-
manna.
„Sjömenningarnir komu hingað til
lands 7. júní og ráðgerðu þeir að
komast upp á jökul hinn níunda og
koma til byggða þann sextánda,“
segir Arndís Guðmundsdóttir, sem
er tengiliður hópsins hér á landi.
„En það gerði mikla rigningu og
rok svo að þeir komust ekkert
fyrsta daginn. Íslenska veðráttan
var ekki lengi að ögra þessari
áætlun þeirra.“
En þó fall sé fararheill hafa
þeir lent í miklu brasi uppi á jökli.
„Vindurinn hefur stundum farið í
28 metra á sekúndu og einn morg-
uninn vöknuðu þeir í frosnum
tjöldum þannig að aðstæður hafa
ekki verið þeim hliðhollar. Nú eru
þeir farnir að ókyrrast þar sem
þeir eiga bókað far heim næsta
sunnudag en þeir þurfa heldur
betur að spýta í lófana svo þeir nái
nú örugglega fluginu,“ segir Arn-
dís.
Það voru björgunarsveitirnar á
Húsavík og í Mývatnssveit sem
fluttu kappana upp að Kverkfjöll-
um þar sem jöklaferðinn hófst
ásamt Ingþóri Bjarnasyni sem er
fararstjóri. Sá kappi er ýmsu
vanur en hann fór yfir Grænlands-
jökul árið 1993, á suðurpólinn 1997
og var kominn hálfa leið á norður-
pólinn ásamt Haraldi Erni Ólafs-
syni árið 2000. Þá kól hann hins
vegar á fingrum og varð að hætta
leiðangrinum.
Á þriðjudag komu göngugarp-
arnir til Grímsfjalla og í gær
gengu þeir hálfa leið þaðan að
Hvannadalshnjúki í miklu hvass-
viðri. Þrátt fyrir erfiðar aðstæður
og ýmsa erfiðleika láta Bretarnir
vel af ferðinni að sögn Arndísar.
„Þeir eru mjög vel þjálfaðir en
þeir höfðu aldrei stigið á göngu-
skíði áður, svo það gekk brösug-
lega fyrir sig framan af í öllu rok-
inu og rigningunni. En þeim þykir
þetta mjög gaman og mikið ævin-
týri,“ bætir hún við.
Viðfangsmikil áheitasöfnun fer
nú fram í Cornwall en ekki feng-
ust fregnir um hversu mikið hefði
safnast.
BBC Cornwall er svæðissjón-
varp í héraðinu sem hefur flutt
fréttir af ferðinni en einnig er ráð-
gert að sýna þar heimildarþátt um
ferðina. jse@frettabladid.is
Breskir slökkviliðsmenn á jökli
SLÖKKVILIÐSMENNIRNIR SVELLKÖLDU Hér eru ferðalangarnir áður en þeir lögðu í hann en þeir eru Tim Edwards, Ray Filbey, Dave Diment,
Simon Martyn, Mark Kass, James Marks og Phil Hoare.
INGÞÓR BJARNASON Á HVANNADALS-
HNJÚKI Fararstjórinn sést hér uppi á
Hvannadalshnúk en vonandi verður hann
þar ásamt liði sínu seinna í dag.
Hinir árlegu Bryggjudagar hefj-
ast í Súðavík á morgun og segir
Guðný Hanna Harðardóttir, fram-
kvæmdastýra hátíðahaldanna, að
von sé á því að íbúafjöldinn rúm-
lega tvöfaldist í þorpinu enda
standi gestum margt til boða.
„Þetta hefst með því að hljóm-
sveitin Hundur í óskilum heldur
tónleika í íþróttahúsinu en á laug-
ardeginum mun söngurinn koma
úr barka heimamanna því þá verð-
ur hið svokallaða Sædol Súðavíkur
haldið,“ segir framkvæmdastýr-
an, sem er farin að iða í skinninu.
„Þetta er söngvakeppni þar sem
söngvarar undir fimmtán ára taka
þátt. Að sjálfsögðu verður hin vin-
sæla dorgkeppni líka á sínum stað
en hún er jafnan vel sótt.
Menn verða að fá sér í svang-
inn líka svo það verður grillað í
Raggagarði og brugðið á leik. En
einnig verður boðið upp á siglingu
út í kvíar þar sem fólk getur feng-
ið að fóðra fiskana svo allir fái nú
að borða,“ segir Guðný Hanna og
ætlar aldrei að þreytast á því að
telja upp það sem í vændum er.
Á laugardaginn verður slegið
upp balli en hljómsveitinn Spútnik
leikur þá fyrir dansi og á sunnu-
daginn mun Barði Ingibjartsson
leiðsögumaður leiðsegja göngu-
görpum sem vilja fylgja honum
um leyndardóma Álftafjarðar.
„Hann gjörþekkir svæðið enda
heimamaður,“ segir Guðný
Hanna.
Þetta er í fjórða sinn sem
Bryggjudagar eru haldnir og segir
Guðný Hanna að tekist hafi svo
vel til að ákveðið hafi verið að
gera þá að árlegum atburði.
Bryggjudagar í Súðavík:
Dorgað og keppt í Sædol
DORGAÐ Á BRYGGJUNNI Í SÚÐAVÍK Dorg-
keppnin verður haldin um helgina eins
og hefð er fyrir á Bryggjudögum en einnig
munu súðvískir barkar etja kappi í Sædol-
keppninni.
Allur er varinn óþarfur
„Það er engin þörf fyrir her-
afla á Íslandi.“
MARK STANHOPE AÐMÍRÁLL.
FRÉTTABLAÐIÐ 14. JÚNÍ.
Kona fyrir borð
„Ég sé vitaskuld eftir meiri-
hlutanum og svo fannst mér
sorglegt að sjá konur bera
skarðan hlut frá borði í kjöri
til nefnda og ráða.“
STEINUNN VALDÍS ÓSKARSDÓTT-
IR, FRÁFARANDI BORGARSTJÓRI.
FRÉTTABLAÐIÐ 14. JÚNÍ.