Fréttablaðið - 15.06.2006, Síða 43

FIMMTUDAGUR 15. júní 2006 11
Opnuð hefur verið ný heima-
síða ætluð sykursjúkum og
aðstandendum þeirra.
Heimasíðunni www.sykursjukir.is
var hleypt af stokkunum nú fyrir
skömmu. Með opnun síðunnar
vonast aðstandendur til að vett-
vangur skapist fyrir sykursjúka
og aðstandendur þeirra til að ræða
um sjúkdóminn sín á milli og ná
betri árangri í meðferð hans.
Á síðunni gefst sykursjúkum
kostur á að fá aðstoð og ráðlegg-
ingar frá öðrum sykursjúkum,
eins er hægt að greina frá reynslu
sinni svo hún geti komið öðrum að
gagni. Birtar verða greinar úr
blöðum eftir lækna og sérfræð-
inga ásamt því að haldið verður
úti spjallsvæði á síðunni.
Vonast er til að með síðunni
skapist rödd sem standi vörð um
hagsmuni sykursjúkra og aðstand-
enda þeirra. - jóa
Sykursjukir.is
Á nýrri heimasíðu fyrir sykursjúka og
aðstandendur þeirra má finna fróðleik um
sjúkdóminn og stuðning.
NORDICPHOTOS/GETTYIMAGES
Það má vel koma í veg fyrir
flugþreytu sem kostar marga
bæði tíma og peninga að ná
sér af. Engin töfralausn er í
boði en með réttum aðferðum
má koma í veg fyrir alvarleg-
ustu einkenni flugþreytu.
Flugþreyta er vandamál sem setur
strik í reikninginn hjá mörgum. Það
er alþekkt að athafna- og íþrótta-
menn kenna flugþreytu um slaka
frammistöðu á vellinum eða í við-
skiptum. Flugþreyta hefur bæði
andleg og líkamleg áhrif á fólk.
Dæmi um líkamleg einkenni geta
verið bólgnir fætur, niðurgangur,
hósti, verkur í eyrum, ógleði og
stundum jafnvel minnisleysi.
Flugþreyta orsakast meðal ann-
ars af skorti á góðu lofti og raka.
Það hjálpar heldur ekki til að pláss-
ið um borð í flugvélum er oft mjög
lítið og að ferðast á milli tímabelta í
slíkum rýmum getur valdið óþæg-
indum. Það er hægt að sporna við
flugþreytu með ýmsum hætti en þó
er engin töfralausn í boði. Það er
mjög mikilvægt að huga vel að
mataræðinu, afþreyingu og þægi-
legum klæðnaði ásamt því að standa
reglulega upp og teygja úr sér.
Þá skiptir það miklu máli að
stilla klukkuna strax á það tíma-
svæði sem maður er á og borða og
sofa á sama tíma og fólkið í kring-
um mann. Hugleiðsla hefur einnig
gífurlega góð áhrif á líkamann því
aukin matarlyst, sætindaþrá, lík-
amshitastig og fleira eru allt líkam-
leg einkenni sem hægt er að hafa
stjórn á.
Þurfi maður að millilenda er
mikilvægt að fara og anda að sér
fersku lofti utandyra á meðan beðið
er eftir næsta flugi. - vör
Koma má í veg fyrir flugþreytu
Það gefst ekki öllum kostur á að upplifa svona lúxus í flugi.
Sjálfsvíg á
sjúkrahúsum
10 PRÓSENT ÞEIRRA SEM FREMJA
SJÁLFSVÍG Í DANMÖRKU GERA
ÞAÐ Í TENGSLUM VIÐ INNLÖGN Á
SJÚKRAHÚS.
Heilbrigðisyfirvöld í Danmörku hafa
nýlega gert rannsókn á aðdraganda
og ástæðum sjálfsvíga þar í landi. Þá
kom í ljós að af þeim 700 sjálfs-
vígum sem framin eru árlega eiga
10 prósent þeirra sér stað innan
sjúkrahúsa eða rétt eftir heimkomu
af sjúkrahúsi. Flestir innan þessa
hóps voru lagðir inn vegna andlegra
veikinda og inn á geðdeild.
Heilbrigðisstarfsmenn og
yfirstjórnir sjúkrahúsa hafa sent frá
sér ályktanir og ábendingar til þess
að minnka möguleika sjúklinga til
sjálfsvíga. Þar kemur helst fram að
mikilvægt sé að innrétta og hanna
sjúkrastofur og aðrar vistaverur með
það í huga að sjúklingar geti ekki
nýtt sér húsbúnað eða innréttingar
til aðstoðar við sjálfsvíg. Til dæmis
mega húsgögn ekki vera of þung
og ekki ætti að nota plastpoka,
til dæmis í ruslafötur. Einnig þarf
að passa upp á gluggalæsingar og
útgönguleiðir á svalir.
Það er erfiðara að takast á við
þau sjálfsvíg sem framin eru eftir
heimkomu þar sem eftirlitið er
minna og erfitt er að hafa áhrif á
heimilisaðstæður. Aftur á móti telja
dönsk yfirvöld nauðsynlegt að skoða
þau mál nánar og búa til ákveðið
kerfi sem hjálpar sjúklingum að tak-
ast á við veruleikann eftir að heim er
komið. Heimildir fengnar af www.
sundhed.dk.
rannsókn }
Margir eiga um sárt að binda eftir útskrift
af sjúkrahúsi. NORDICPHOTOS/GETTYIMAGES
Sólstöðuhátíð víkinga
í Hafnarfirði 16.- 25. júní 2006
Fjörukráin þakkar eftirtöldum aðilum fyrir stuðninginn:
Fjörukráin
Sími 565-1213
www.fjorukrain.is
Föstudaginn 16. júní kl.17.00 hefst víkingahátíð við Fjörukrána í Hafnarfirði. Bardagamenn og bogaskyttur,
glímumenn og útskurðarmenn, steinhöggvarar og járnsmiðir, sögumenn og seiðkonur, tónlistarmenn og galdramenn.
Sænski sögumaðurinn Jerker Fahlström rifjar upp ævintýri Ása og hinna fornu goða er hann segir okkur frá Ásaþór,
Loka og þeim félögum. Jerker er orðinn fastur liður og segir sögur sínar á íslensku.
Rimmugýgur, hafnfirski bardaga- og handverkshópurinn sér um bardagana ásamt Jómsvíkingunum alþjóðlegum
hópi úrvalsvíkinga. Annar íslenskur víkingahópur, Hringhorni frá Akranesi sýnir leiki fornmanna.
Fjöldi handverksmanna, íslenskra sem erlendra verða á markaðnum.
Norska víkingahljómsveitin Skvaldr og hin dansk-íslenska Kráka munu skemmta gestum alla dagana.
Dansleikir öll kvöld, Hollenska raggea hljómsveitin Five-4-vibes og hljómsveit Hilmars Sverrissonar.
Opið verður alla daga frá 16. til 18. júní og aftur 23. til 25. júní. Kynnir hátíðarinnar er Steinn Ármann Magnússon.
ATH: Dagskrá Sólstöðuhátíðarinnar er á heimasíðunni: fjorukrain.is
550 5000
AUGLÝSINGASÍMI