Fréttablaðið - 16.07.2006, Page 2

2 16. júlí 2006 SUNNUDAGUR
20% afsláttur!
20% afsláttur af Outback og Fiesta Gusto gas-
grillum. Frí heimsending á höfuðborgarsvæðið.
SPURNING DAGSINS
Össur, tekur landbúnaðurinn
sinn toll?
„Já, en hinir raunverulegu tollheimtu-
menn sitja þó í ríkisstjórninni, því hún
hefur þverskallast við að lækka matar-
verð með því að lækka tolla.“
Deilt er um hvort afnema eigi innflutnings-
tolla á landbúnaðarvörum til að matarverð
á Íslandi lækki. Össur Skarphéðinsson er
þingmaður Samfylkingar.
KJARAMÁL Ekki urðu miklar tafir á
millilandaflugi til og frá Leifs-
stöð í gær en þá hófst yfirvinnu-
stöðvun starfsmanna IGS, dóttur-
fyrirtækis
Icelandair sem
sér um þjónustu-
störf í Leifsstöð.
Um 10-20 mínútna
seinkun varð á
mörgum vélum
en að sögn Jóns
Karls Ólafssonar,
forstjóra Ice-
landair, er slíkt
ekki óeðlilegt á
annríkisdegi sem þessum.
Starfsmenn IGS tóku þá
ákvörðun á fundi á miðvikudag að
hætta ólöglegum vinnustöðvunar-
aðgerðum á borð við setuverk-
fallið sem fram fór í lok júní og
grípa í stað til þess að hætta allri
yfirvinnu og vinna „á eðlilegum
hraða“. Sú aðgerð hófst í gær og
mun standa út vikuna. Ekki ligg-
ur fyrir hversu mikil áhrif yfir-
vinnustöðvunin mun hafa, en
mögulegt er að áætlunarflugum
muni seinka meira þegar líður á
vikuna.
„Þetta gekk ágætlega í morgun
en við verðum bara að sjá hvern-
ig þetta þróast. Það hafa engar
verulegar seinkanir orðið miðað
við að gærdagurinn var stór
dagur eins og flestir dagar í júlí
eru,“ segir Jón Karl. „Þessi flug-
stöð er ekki rekin á yfirvinnu, það
er alveg á hreinu.“ - sþs
Yfirvinnustöðvun starfsmanna IGS hófst í gær:
Litlar tafir á millilandaflugi
Bíll í fjöru Bíll erlendra hjóna, sem
keyrðu Svalvog milli Dýrafjarðar og
Arnarfjarðar í fyrradag, rann af veginum
og festist í fjörunni. Símasamband var
stopult svo að hjónin gengu í fjóra tíma
eftir hjálp. Björgunarsveitin á Flateyri
dró bílinn upp áður en flæddi að.
FLUGVÉL VIÐ LEIFSSTÖÐ Forstjóri Icelandair segist ekki hafa fundið mikið fyrir aðgerðum
starfsmanna IGS sem hófust í gær. Einhverjar seinkanir hafi orðið en það sé eðlilegt á
annríkisdegi í júlí.
LÍBANON Þeir Íslendingar sem
staddir eru í Líbanon munu fá
aðstoð sænskra og norskra yfir-
valda við að komast úr landi, en
ellefu íslenskir ríkisborgarar eru
nú í landinu. Ísraelski herinn hélt
áfram árásum á Beirút, höfuðborg
landsins, í gær.
Að sögn Péturs Ásgeirssonar,
skrifstofustjóra hjá utanríkisráðu-
neytinu, fara Svíar og Norðmenn
með rútum til Damaskus í Sýr-
landi í dag, og fá Íslendingar að
fljóta með samkvæmt samkomu-
lagi Norðurlandanna um gagn-
kvæma aðstoð. Hann vildi ekki
segja hvort ferðin yrði farin eftir
samráð við Ísraela, en Ísraelsher
hefur sprengt brýr og vegi í Líb-
anon seinustu daga.
„Ef þessi ferð gengur ekki eftir
verða aðrar leiðir til brottflutn-
ings athugaðar en sem stendur er
þetta aðaláætlunin,“ segir Pétur.
Már Þórarinsson, einn þriggja
íslenskra flugvirkja sem staddir
eru í Beirút á vegum flugfélagsins
Atlanta, segir þá halda kyrru fyrir
á hótelherbergjum sínum á meðan
greitt er úr málum. „Við erum í
biðstöðu núna. Við fluttum okkur
frá flugvellinum og inn í miðbæ,
nálægt ameríska sendiráðinu, þar
sem við bíðum átekta. Við höfum
það annars ágætt miðað við
aðstæður,“ segir hann. - sþs
Reynt verður að flytja Íslendinga úr Líbanon í dag:
Fá hjálp Svía og Norðmanna
ÖRTRÖÐ VIÐ LANDAMÆRIN Íslendingarnir
fara ásamt Norðmönnum og Svíum með
rútum til Sýrlands í dag. Þaðan verður
flogið heim á leið.
ÁLVER Vel tókst að endurgangsetja
þrjú ker í skála 3 í álveri Alcan í
Straumsvík í gær. Engin fram-
leiðsla hafði verið í skálanum
síðan bilun kom upp í rafkerfi
álversins 19. júní og fjórir af sex
mælispennum í skálanum sprungu.
Þrjá mæla þarf til að hægt sé að
framleiða jafnstraum fyrir skál-
ann. 160 ker eru í skála 3 og var
slökkt á þeim öllum til að koma í
veg fyrir meira tjón.
Á næstu vikum og mánuðum
stendur til að endurgangsetja öll
kerin og hefur sérstakur hópur
verið skipaður til að gera ráðstaf-
anir þannig að bilun af þessu tagi
komi ekki upp aftur. - sgj
Álverið í Straumsvík:
Ker gangsett á
ný eftir bilun
ÁLVERIÐ Í STRAUMSVÍK Bilunin olli Alcan
miklu tjóni, enda þurfti að slökkva á öllum
kerjum í skála 3. FRÉTTABLAÐIÐ/GVA
BRETLAND, AP Breskir saksóknarar
hafa ákveðið að leggja ekki fram
ákæru gegn lögreglumönnum sem
skutu og drápu brasilískan raf-
virkja í júlí í fyrra. Í staðinn verð-
ur lögð fram kæra gegn lögregl-
unni í London almennt.
Þetta kom fram í blaðinu The
Guardian í gær.
Lögreglumennirnir töldu raf-
virkjann vera hryðjuverkamann.
Atvikið varð um tveimur vikum
eftir að fjórir menn sprengdu
sjálfa sig í loft upp í lestum og
strætisvögnum í London, með
þeim afleiðingum að 52 fórust og
fjölmargir slösuðust. - smk
Breskir saksóknarar:
Lögreglan ekki
sótt til saka
Líkamsárás Slagsmál brutust út í
Tryggvagötu um fimm-leytið í gærmorg-
un. Tveir menn réðust gegn einum og
spörkuðu í hann þar sem hann lá. Árás-
armennirnir voru handteknir, en þeim
var sleppt um hádegi og verða þeir
kærðir. Sá þriðji var sendur á slysadeild,
en er ekki alvarlega meiddur.
LÖGREGLUFRÉTTIR
MATVÖRUVERÐ Forstjórar verslun-
arfyrirtækjanna Haga og Kaup-
áss, sem í sameiningu eiga stærst-
an hluta íslenskra
matvöruverslana, eru almennt
mjög ánægðir með tillögur nefnd-
ar forsætisráðherra um verð á
matvörum. Meðal tillagna er
afnám vörugjalds matvara, niður-
felling tolla, samræming virðis-
aukaskatts og
afnám toll-
verndar af
búvöru. Þeir
segja nauðsyn-
legt að höft á
innflutningi séu
fjarlægð og
ofurskattlagn-
ing á innfluttar
vörur aflögð.
Nefndinni
var ætlað að
fjalla um hátt
matvælaverð og
gera tillögur um
lækkun þess en
sökum ágrein-
ings lagði hún
ekki fram bein-
ar tillögur til
aðgerða. For-
maður hennar,
Hallgrímur
Snorrason, skil-
aði Geir H.
Haarde forsæt-
isráðherra
skýrslu þar sem
fram kom að
yrði ofangreind-
um tillögum
komið í fram-
kvæmd gætu
íslensk heimili sparað yfir 100.000
krónur á ári í matarinnkaupum.
„Ég er mjög sáttur við þessar
tillögur, hvert einasta heimili mun
njóta góðs af því ef þær koma til
framkvæmda,“ segir Finnur Árna-
son, forstjóri Haga. „Það er mjög
eðlilegt að við getum keypt þær
vörur sem við viljum á því verði
sem við fáum þær. Sem stendur
eru höft og ofurskattlagning á
vörum sem koma í veg fyrir að við
getum nýtt okkur það, en þessar
tillögur eru skref í rétta átt.”
Sigurður A. Sigurðsson, for-
stjóri Kaupáss, tekur í svipaðan
streng. „Almennt séð eru þessar
tillögur nefndarinnar góðar en ég
hefði viljað fá nánari umfjöllun
frá henni um samkeppnisstöðuna
á markaðnum. Ísland er eina land-
ið þar sem stærsta fyrirtækið er
með yfir fimmtíu prósenta mark-
aðshlutfall og ég tel að þessa þætti
þurfi að athuga fyrst áður en menn
fara að ákveða hvernig eigi að ná
matvöruverði niður,“ segir hann.
„Ég er alveg sammála því að
eitthvað þarf að gera til að lækka
matvöruverð,“ segir Drífa Hjart-
ardóttir, þingmaður Sjálfstæðis-
flokksins og formaður landbúnað-
arnefndar. „Við getum gert margt
til þess, eins og að lækka virðis-
aukaskattinn og breyta til í tolla-
málum. Þó tel ég að þetta megi
ekki gerast of harkalega þar sem
við þurfum að vernda hreinleika
íslenskrar framleiðslu. Eins og
þetta er lagt fram frá Hagstofu
hefði ég viljað sjá verð á innflutt-
um mat lækka þegar dollarinn var
sem lægstur.“
Ekki náðist í Guðna Ágústsson
landbúnaðarráðherra í gær.
salvar@frettabladid.is
Matvörurisarnir eru
sáttir við tillögurnar
Forstjórar Haga og Kaupáss segjast ánægðir með tillögur nefndar um matvöru-
verð. Forstjóri Kaupáss vill þó nánari umfjöllun um samkeppnisstöðu markaðs-
ins. Formaður landbúnaðarnefndar segir að varlega þurfi að fara í aðgerðir.
ÚR MATVÖRUBÚÐ Forstjóri Haga segir að öll heimili njóti góðs af því ef tillögur nefndar
forsætisráðherra um matvöruverð komi til framkvæmda. Formaður landbúnaðarnefndar er
sammála því að lækka þurfi matvöruverð.
SIGURÐUR ARNAR
SIGURÐSSON
FINNUR ÁRNASON
DRÍFA
HJARTARDÓTTIR
JÓN KARL
ÓLAFSSON
SAMGÖNGUR Umferð í Hvalfjarðar-
göngunum er að aukast og útlit er
fyrir að meðalumferðin muni ná í
fyrsta skipti yfir fimm þúsund
bílum á sólarhring.
Í nýju yfirliti rekstrarspár Spal-
ar kemur fram að alls fóru 196 þús-
und bílar um göngin í júní sem er
níu prósentum fleiri en fyrir ári
síðan. Athygli vekur mikil umferð-
araukning á tímabilinu nóvember
til febrúar sem er 21 til 28 prósent-
um meira en fyrir ári .
Tekjur Spalar eru umfram
rekstraráætlun og mun félagið
greiða meira af skuldum sínum í
lok rekstrarársins en gert var ráð
fyrir. - sdg
Hvalfjarðargöngin:
Umferð sífellt
að aukast
BESSASTAÐIR Forseti Íslands, Ólaf-
ur Ragnar Grímsson, hefur sent
forseta Indlands, Hr. A.P.J. Abdul
Kalam, einlægar samúðarkveðjur
sínar og íslensku þjóðarinnar
vegna hryðjuverkanna í Mumbaí
og þeirra hörmunga sem þau hafa
leitt yfir þúsundir Indverja.
Í kveðjunni tekur forsetinn sér-
staklega fram að Indland hafi
verið mikilvægt tákn þess hvernig
lýðræðisleg stjórnskipan eigi að
veita öllum trúarhópum jafnan
rétt. Brýnt sé að hryðjuverkaöfl-
um takist ekki að spilla þessari
stefnu sem Indland hafi fylgt frá
lýðveldisstofnun, stefnu sem hafi
verið öðrum þjóðum fordæmi. 
Hryðjuverkin í Mumbaí:
Samúðarkveðj-
ur frá forseta
GJALDSKÝLIÐ VIÐ HVALFJARÐARGÖNGIN
Tæplega 200 þúsund bílar fóru um göngin
í síðasta mánuði.