Fréttablaðið - 17.07.2006, Síða 13
MÁNUDAGUR 17. júlí 2006 13
Fólk frá öllum heimsins
hornum lét rigninguna ekki
stoppa sig og heimsótti
Viðey síðastliðið fimmtu-
dagskvöld. Alþjóðahús fór
þá í aðra sumarferðina í ár
og slóst Anna Tryggvadótt-
ir í hópinn. Þátttakan var
svo góð að Viðeyjarferjan
þurfti að fara tvær ferðir til
að koma öllum ferðalöngun-
um yfir sundið.
Ferðalangarnir komu úr ýmsum
áttum, jafnvel þótt litið sé framhjá
upprunalöndum þeirra. Í sumar-
ferðinni voru hefðbundnir ferða-
menn, brottfluttir Íslendingar, fólk
komið til landsins til sumardvalar,
aðrir sem hafa verið búsettir hér á
landi í nokkur ár, námsmenn, eldri
borgarar, börn og allt þar á milli.
„Við hjónin komum bara í gær og
verðum á Íslandi í viku. Dóttir
okkar vinnur í Reykjavík og það
var hún sem vissi af ferðinni,“ segir
Pierre Detaille, franskur ferðamað-
ur, um ástæður þess að hann slóst í
hópinn.
Flestir komu vel búnir í ferðina,
í góðum skóm og hlýjum peysum,
enda var þungbúið við upphaf ferð-
arinnar. Systir Ines frá Perú og
systir Jósefína frá Mexíkó, Maríu-
systur í Landakoti, voru í góðum
kápum en áttu stundum í vandræð-
um með að hemja höfuðslæðurnar í
stærstu hviðunum. „Ég var hérna á
Íslandi á árunum 1997 til 1999. Svo
þurfti ég að fara aftur til Mexíkó en
er komin aftur núna og vona að ég
eigi eftir að vera hérna í að minnsta
kosti ár í viðbót,“ segir systir Jóse-
fína sem bregður fyrir sig ensku-
skotinni íslensku. Hún var sýnilega
ánægð með ferðinna og brá sér
meira að segja á vegasaltið á meðan
beðið var eftir að leiðsögn um eyj-
una, við tilheyrandi fögnuð þeirra
sem til hennar sáu.
Eins og gefur að skilja voru mál-
efni nýrra Íslendinga nokkuð til
umræðu í ferðinni, enda margir af
gestum Alþjóðahússins í þeim hópi.
„Íslendingar eru mjög hlýlegir við
okkur,“ sögðu vinkonurnar Ellen og
Judy sem veittu hvor annarri skjól
fyrir rokinu í Viðey með því að
ganga þétt saman. Þær segja að
Alþjóðahúsið sé góður staður og
voru sérstaklega ánægðar með
skipulögðu sumarferðirnar.
Gengið var hring austur á eyj-
una og nýttu nokkrir nýir Íslend-
ingar tækifærið til að skerpa á
þekkingu sinni á íslenskri flóru.
„Er þetta hundasúra,“ spurði ung
kona sem beið þó ekki svarsins,
stakk súrunni upp í sig og gretti
sig. Reyndar flúðu ferðalangarnir
inn í gamla skólahúsið á Sunda-
bakka um stund til að skýla sér á
meðan mesta rigningin gekk yfir.
Augljóst var að jafnvel þeir sem
einungis kunnu örfá orð í íslensku
höfðu tileinkað sér að láta vita
þegar veðrið sýnir ekki sínar bestu
hliðar. „Æ, það er kalt,“ heyrðist
víða þar sem fólk reyndi að hoppa í
sig hitann á ný. Þá kom sér vel að
vera vel nestaður og fyrir þá sem
höfðu ekki hugsað svo langt kom
Tassai til bjargar. Hún hafði með-
ferðis tvö kíló af kleinum, snúðum
og kökum úr verksmiðju Ömmu-
baksturs þar sem hún vinnur.
„Fyrirtækið vissi að ég væri að
fara í þessa ferð og lét mig hafa
þetta,“ sagði Tassai og brosti út að
eyrum, greinilega ánægð með að
hafa komið með nesti sem dugði
handa öllum hópnum.
Að göngunni lokinni voru marg-
ir blautir í fæturna en ánægðir með
ferðina. Í Viðeyjarferjunni á leið-
inni heim skiptist fólk svo á að
hvetja hvert annað að láta sjá sig á
fimmtudaginn kemur þegar farið
verður í hvalaskoðun. Að sögn
Helgu Ólafs, upplýsingafulltrúa
Alþjóðahúss, voru um 160 manns
þegar búnir að skrá sig í hvalaskoð-
unina áður en lagt var af stað í
Viðey.
Allir eru velkomnir í ferðirnar,
bæði innfæddir og erlendir, en
fyrir þá sem ekki komast í þessari
viku er hægt að velja úr fjölbreyttri
dagskrá sumarferða næstkomandi
fimmtudaga á heimasíðu Alþjóða-
húss, www.ahus.is. ■
Úr ýmsum áttum í Viðey
SYSTIR Í SVEIFLU Fáir skemmtu sér jafn
konunglega og systir Jósefína frá Mexíkó
sem brá sér á vegasaltið.
FJÖLBREYTTUR HÓPUR Fulltrúar þriggja
heimsálfa koma saman á þessari mynd,
Afríkubúi og Evrópubúi ásamt félögum
sínum frá Asíu.
HÚFUR OG VETTLINGAR NAUÐSYNLEGIR Þessar kátu konur létu veðrið ekki á sig fá og komu vel búnar í ferðina. Gengið var um Viðey í
ferðinni en þurftu göngugarpar að leita skjóls á meðan mesta rigningin reið yfir. FRÉTTABLAÐIÐ/ANNA TRYGGVADÓTTIR
HLUSTAÐ Á LEIÐSÖGN Ferðalangarnir
fylgdust vendilega með leiðsögninni og
fræddust um sögu Viðeyjar.