Fréttablaðið - 03.08.2006, Qupperneq 16

3. ágúst 2006 FIMMTUDAGUR16
nær og fjær
„ORÐRÉTT“
Ofbeldisseggir í
miðbæ
„Það fólk sem beitir ofbeldi
er illa áttað vegna vímu-
eða ölvunarástands. Að
lögreglan standi þeim við
hlið hefur ekki forvarnar-
gildi.“
Geir Jón Þórisson, yfirlögregluþjónn í
Reykjavík, svarar gagnrýni um að
lögreglan sé ekki nógu sýnileg í borginni.
Fréttablaðið, 2. ágúst.
Villandi áfengis-
auglýsingar
„Í áfengisauglýsingu sem
birt var fyrir síðustu
verslunarmannahelgi er til
dæmis gefið í skyn að meiri
bjór skili sér í meiri
peningum og fleiri vinum.“
Rafn Jónsson, verkefnisstjóri áfengis- og
vímuvarna hjá Lýðheilsustöð, segir
áfengisauglýsingar byggja upp ákveðnar
væntingar sem séu varhugaverðar fyrir
unga neytendur. Fréttablaðið, 2. ágúst.
Skurðgoða-
dýrkun
„Mér er sagt að ekki sjáist ein einasta
dúfa í Reykjavík en þær settu svip sinn
á borgarlífið hér einu sinni. Þeim var víst
útrýmt af því að þær skitu á stytturnar í
borginni en mér finnst það líkjast skurð-
goðadýrkun að taka stytturnar fram yfir
lifandi dýr. Dúfur eru meinleysisgrey og
það er gaman að fylgjast með þeim.
Rjúpan er svo annar fugl sem gerir
engum mein. Stofninn dafnaði þegar
veiðar voru bannaðar en eftir að byrjað
var að skjóta rjúpuna á nýjan leik fækk-
aði fuglunum. Það ætti að banna þetta
alveg.“
HVAÐ SEGIR ANNA?
DÚFUR
ANNA M. GUÐMUNDSDÓTTIR Á HESTEYRI Í
MJÓAFIRÐI
Kapparnir í Sumargleðinni
fóru á sína fyrstu æfingu í
áratug um helgina en þeir
munu skemmta í Galtalæk
um verslunarmannahelg-
ina. Blaðamaður reyndi
að komast að því hvaða
brögðum Einar Bárðar-
son beitti til þess að koma
gömlu kempunum til. Hann
spjallaði við Einar og tvær
kempur.
„Ég þurfti að þrýsta svolítið á þá
til að koma þeim til,“ segir Einar
Bárðarson umboðsmaður sem stóð
fyrir því að Sumargleðin kemur
saman á ný. „En fljótlega eftir að
þeir loks féllust á að koma saman í
Galtalæk varð ég að fara niður í
ráðuneyti og ná í niðurskurðar-
hnífinn því þeir ætluðu að taka
yfir alla dagskrána. Þetta var við
það að verða lögreglumál,“ segir
hann og brosir við.
„Þessi tími er svo fallegur í
minningunni að ég var hálfsmeyk-
ur við að hætta á að skemma það
með því að vera að endurtaka leik-
inn,“ segir Þorgeir Ástvaldsson en
blaðamaður hitti á hann og Ómar
Ragnarsson þegar þeir voru að
fara á fyrstu æfinguna fyrir dag-
skrána í Galtalæk. „En ég tel að
það sem eigi hvað drýgstan þátt í
því hvað þetta er allt fallegt í
minningunni sé það að skipstjór-
inn okkar Ragnar Bjarnason gaf
þau skýru fyrirmæli að þetta væri
eins og útgerð og að ekkert áfengi
væri haft um hönd meðan við
værum að. Þess vegna er ekkert
áfengismistur yfir minningunni.“
En skipstjórinn atarna gerði þó
Þorgeiri nokkurn grikk og útvarps-
maðurinn gamalkunni er enn ekki
búinn að bíta úr nálinni með það.
Það varðar lagið „Ég fer í fríið“
sem löngu er orðið sígilt. „Ég söng
inn á lagið svo að Ragnar gæti
heyrt hvernig þetta ætti að vera,“
rifjar Þorgeir upp. „En það var
alveg klárt í mínum huga að Ragn-
ar átti að syngja það inn á plötuna.
Svo gerði ég eins og segir í laginu
og fór í frí til útlanda og það er
ekki fyrr en ég les það í dagblaði á
leiðinni heim að fjölmiðlamað-
urinn Þorgeir Ástvaldsson hafi
þreytt frumraun sína sem söngv-
ari á nýrri plötu. Ég vissi ekki
hvert ég ætlaði. Það má segja að
ég hafi nauðlent. Síðan hef ég
þurft að syngja þetta lag og heyra
sjálfan mig syngja það öll þessi ár
en maður lærir að lifa við þetta.“
Ómar Ragnarsson hefur einnig
þurft að naga sig í handarbökin
fyrir að syngja lag sem menn
tengja við hann æ síðan. „Það er
þetta fjárans lag Sveitaball,“ segir
hann og hryllir við. „Það hættuleg-
asta sem ég hef gert um ævina var
að syngja lagið Sveitaball; ég var
næstum því dauður. Þannig var að
ég ætlaði að fara heljarstökk en
gleymdi síðari hluta hringsins og
lenti á hausnum. Jón bróðir sem
var á fyrsta bekk var alveg hand-
viss um að ég væri dauður. Svo
fimm árum síðar var ég að syngja
sama lag og fór í kollhnís aftur á
bak á sýningu á Hótel Íslandi en
þá hnykktist á brotinu í hálsinum
sem ég vissi ekki af og ég var með
hálskraga allt það ár.“ Er nema
von að Ómar beri nokkurn kvið-
boga fyrir því að þurfa að taka
þetta lag.
Þeir kumpánar gera svo hlé á
hlátrasköllum og verða alvarlegir
um stund. „En við söknum allir
Bessa Bjarnasonar og munum
hugsa mikið og hlýtt til hans við
þessa endurfundi,“ segir Þorgeir.
En þá er það aðeins að fá að
vita hvaða bellibrögðum Einar
Bárðarson beitti til að fá þá til að
koma saman aftur. „Það bellibragð
heitir Einar Bárðarson,“ segir
Ómar. jse@frettabladid.is
EINAR BÁRÐARSON...BELLIBRAGÐ
Lög sem hættu-
legt er að taka
SUMARGLEÐIN Á sinni fyrstu æfingu í meira en áratug.
MANNLÍF Mörgum hefur verið tíð-
rætt um hátt vöruverð á Íslandi nú
um stundir. Það á svo sannarlega
ekki við í Furðubúðinni sem starf-
rækt er á Selfossi þessa dagana og
alla jafna þegar veðurblíðan býður
upp á það. Matvörur eins og núðlu-
súpa og búðingur kosta aðeins tíu
krónur svo eflaust myndu fáar
verslanir standa Furðubúðinni
snúninginn ef hún yrði tekin með í
verðkönnunum. Þó er ekki allt jafn
ódýrt því munnharpan kostar
heilar 50 krónur.
„Það eru rosalega margir búnir
að kaupa,“ segir Konráð Oddgeir
Jóhannsson og því til sönnunar
kemur Haraldur Gíslason með
könnu fulla af peningi.
Anna Kristín Leósdóttir segir
að þó verslunin gangi vel muni
hún ekki starfa til eilífðarnóns því
hún og Írena Birta Gísladóttir
samstarfskona hennar ætla að
verða hárgreiðslukonur en strák-
arnir Konráð Oddgeir, Haraldur
og Bjarki Leósson ætla að vinna í
dýragarði. Konráð Oddgeir bendir
þó á að í dýragörðum eru oft marg-
ar búðir svo reynslan úr Furðu-
búðinni gæti komið sér vel. - jse
Blómlegt verslunarlíf í veðurblíðunni á Selfossi:
Búðingur á tíkall
LÍF OG FJÖR Í FURÐUBÚÐINNI Verslunar-
menn beittu öllum brögðum í veðurblíð-
unni í fyrradag til að ná í kúnna. Hér eru
Anna Kristín Leósdóttir, Konráð Oddgeir
Jóhannsson, Haraldur Gíslason, Írena Birta
Gísladóttir og Bjarki Leósson að fanga
athygli vegfaranda. FRÉTTABLAÐIÐ/JÓN SIGURÐUR
„Það er bara akkúrat ekki neitt að frétta,“
segir Róbert Örn Hjálmtýsson, söngvari og
lagasmiður hljómsveitarinnar Ég. „Það gerist
akkúrat ekkert fyrr en að ég finn Medici
fjölskylduna víðfrægu og hún reddar mér
tölvu til að taka upp nýju plötuna mína.“ En
að sögn Róberts Arnars hélt Medici fjölskyld-
an Leonardo Da Vinci uppi í þá daga svo að
hann gæti sinnt sínum störfum sem lista- og
fræðimaður.
Róbert Örn hefur eytt stærstum hluta
sumarsins í lagasmíðar fyrir nýja plötu, til að
fylgja eftir hinni margrómuðu plötu Plötu árs-
ins. Hann segir að lagasmíðarnar hafi gengið
vonum framar og að lögin séu tilbúin. Vinnsla
við plötuna hefur hins vegar dregist á langinn
vegna skorts á áhuga útgefenda hér á landi
og tæknilegra örðugleika.
„Ég er bæði að leita að útgefanda fyrir
þriðju plötu Ég og tölvu til að geta klárað
upptökurnar á seinni helming plötunnar,“
segir Róbert Örn sem er staðráðinn í
að koma plötunni sinni út sama hvað
tautar og raular. „Ég er alveg stopp núna
og ég er að vona að einhver úr Medici
fjölskyldunni búsettur hér á Íslandi reddi
þessu. Sena nennti ekki einu sinni
að prófa að hlusta á það sem
verður líklega frábærasti
geisladiskur sögunnar,“
segir Róbert Örn alvarleg-
ur í bragði.
Hljómsveitin Ég mun
troða upp á Innipúk-
anum á föstudeginum
um verslunarmannahelgina
ásamt hljómsveitunum
Jan Mayen, Jeff Who og
Television og er mikill hugur í okkar
manni fyrir tónleikana. „Ég hlakka
mikið til að spila á Nasa þar sem að
ég hef aldrei spilað þar áður, það
verður án efa mikið stuð,“ segir
Róbert Örn. „Svo kíkir maður á púk-
ann hin kvöldin líka enda rosalega
flott dagskrá um helgina.“
„Síðan heldur bara
leitin áfram að tölvu og
útgefanda svo að ég
geti klárað plötuna
og komið henni út.
Er einhver þarna
úti sem hefur
áhuga?“ segir
Róbert Örn Hjálm-
týsson tónlistarmaður
og hlær.
HVAÐ ER AÐ FRÉTTA? RÓBERT ÖRN HJÁLMTÝSSON TÓNLISTARMAÐUR
Bráðvantar tölvu og útgefanda
MIAMI VICE
Alvöru dótabúð fyrir
mótoráhugafólk !!
l i
l
GBÍLABÚÐ BENNA FORSÝNIN
Ef verslað er fyrir kr. 3900 eða meira, fylgja tveir miðar í kaupbæti
á sérstaka forsýningu Bílabúðar Benna á Miami Vice þriðjudaginn 8.ágúst.
MÓTORHJÓL
HLJÓMTÆKI &
DVD SPILARAR
HÁGÆÐA
DEKK
FJÓRHJÓL
LOFTSÍUR
MÓTORHJÓLAVÖRUR
Versla
ðu fyr
ir 3900
kr.
eða m
eira og
fáðu 2
frímið
a á
MIAMI
VICE
AUKAHLUTIR
POWER ACOUSTIK
For
sýn
ing