Fréttablaðið - 10.08.2006, Síða 58

58 28. janúar 2005 FÖSTUDAGUR 10. ágúst 2006 FIMM3
menning@frettabladid.is
!
Teiknisamkeppni
Myndlistarmaðurinn og ljóð-
skáldið Bjarni Bernharður
Bjarnason opnar sýninguna
„Talan 12“ í verslun 12 Tóna á
Skólavörðustíg kl. 16 í dag.
Þetta er fimmta einkasýning
Bjarna en þess er getið í fréttatil-
kynningu að listamaðurinn „færi
ævintýri á striga með litum og
formum“. Verkin á sýningunni
eru tólf talsins eins og yfirskrift
hennar ber með sér. Bjarni er ef
til vill betur þekktur fyrir ljóða-
bækur sínar en hann hefur ein-
mitt gefið út tólf slíkar, nú síðast
bókina Ljósbogann á síðasta ári
en hún inniheldur bæði ljóð og
örsögur
Sýningin er opin á þjónustu-
tíma verslunarinnar en henni
lýkur 10. september. - khh
Tvær tylftir Bjarna
MYNDLISTARMAÐURINN OG LJÓÐSKÁLDIÐ
Bjarni Bernharður sýnir hjá 12 Tónum.
FRÉTTABLAÐIÐ/SIGURJÓN GUÐJÓNSSON
Kl. 21.30
Heitur fimmtudagur í Ketilhúsi
í tilefni af Listasumri á Akur-
eyri. Tríó Kára Árnasonar leikur
djasstónlist af alkunnu listfengi.
> Ekki missa af...
sumarsýningu Listasafns ASÍ
sem er að þessu sinni helguð
vatslitamyndum. Eiríkur Smith,
Daði Guðbjörnsson, Kristín
Þorkelsdóttir og Hafsteinn
Austmann eiga verk á sýning-
unni auk Svavars Guðnasonar.
Sýningunni lýkur 13. ágúst.
Hinsegin dögum um helgina.
Allir sem vettlingi geta valdið
munu fagna frelsi og jafnrétti
með sínu lagi alla helgina.
listviðburðum í menningarmið-
stöðinni í Skaftfelli á Seyðis-
firði. Bræðurnir Sigurður og
Kristján Guðmundssynir sýna
þar um þessar mundir.
Á sumarmánuðum er jafn-
an mikið um dýrðir í tónlist-
arlífinu á landsbyggðinni og
um helgina er komið að ár-
legri kammertónlistarhátíð
á Kirkjubæjarklaustri.
Náttúrufegurðin er rómuð í
nágrenni Klausturs en ekki verður
fegurð tónlistarinnar síðri. Guð-
rún Jóhanna Ólafsdóttir, mezzó-
sópransöngkona og listrænn
stjórnandi hátíðarinnar, mun
ásamt fríðu föruneyti úrvals tón-
listarfólks flytja nýjar og gamlar
perlur á þrennum tónleikum í
félagsheimili Kirkjubæjarklaust-
urs fyrir Skaftfellinga og aðra
gesti.
Guðrún Jóhanna útskýrir að
þetta sé í fyrsta sinn sem hún taki
að sér að skipuleggja viðlíka tón-
leikadagskrá, en hún hefur tekið
mikinn þátt í flutningi kammer-
tónlistar frá því að hún byrjaði að
syngja. „Ég hef reyndar ekki verið
í mikilli menningarskipulagningu
síðan ég var í stjórn Leikfélags
MH,“ segir hún kímin, „en ég hafði
það að leiðarljósi að vera með sem
besta tónlist með góðum tónlistar-
mönnum. Fyrst ákvað ég með
hverjum ég vildi vinna og síðan
ákvað tónlistarfólkið efnisskrána í
sameiningu. Við tókum okkur
góðan tíma í það og þetta verða
mjög fjölbreyttir tónleikar, tónlist
allt frá 16. öld til ársins 2006.“
Flytjendur á hátíðinni eru
einvalalið því auk Guðrúnar
Jóhönnu, sem hefur verið að gera
það gott á tónleikahúsunum á
Spáni, koma Eyjólfur Eyjólfsson
tenórsöngvari, Víkingur Heiðar
Ólafsson píanóleikari, Stefán Jón
Bernharðsson hornleikari og
Franciso Javier Jáuregui gítar-
leikari fram á tónleikunum að
ógleymdri Sigrúnu Eðvaldsdóttur
fiðluleikara. „Við munum öll sex
koma fram á tónleikunum þremur
og á tónleikunum verður blandað
saman nýrri og eldri verkum,“
útskýrir Guðrún Jóhanna.
Efnisskráin spannar allt frá
þekktum klassískum sönglögum
til íslenskrar og erlendrar nútíma-
tónlistar. „Við flytjum til dæmis
ljóðaflokk eftir Edvard Grieg sem
þykir einn af bestu ljóðaflokkun-
um sem samdir hafa verið fyrir
kvenrödd og píanó, horntríó eftir
ungverska tónskáldið Ligeti sem
þykir með bestu kammerverkum
síðustu þrjátíu ára og við munum
líka flytja spænsk lög eftir Tarragó
sem ég efast um að hafi verið flutt
hér á landi. Síðan verða svona slag-
arar líka, til dæmis mjög falleg lög
eftir Schubert og Ravel.“
Guðrún Jóhanna segir að hátíð-
in sé einkar skemmtilegt tækifæri
fyrir tónlistarfólkið því flest séu
þau búsett erlendis og því gefist
þeim ekki mörg tækifæri til þess
að leika saman hérlendis.
Fyrstu tónleikarnir fara fram
annað kvöld kl. 21 en síðari tón-
leikarnir eru á laugardaginn kl. 17
og á sunnudaginn kl. 15. Nánari
upplýsingar um hátíðina má finna
á heimasíðunni www.klaustur.is.
Fyrsta flokks flytjendur
FLYTJENDUR Á KAMMERHÁTÍÐ Á KLAUSTRI Sigrún Eðvaldsdóttir, Víkingur Heiðar Ólafsson, Guðrún Jóhanna Ólafsdóttir, Eyjólfur Eyjólfsson,
Franciso Javier Jáuregui og Stefán Jón Bernharðsson. FRÉTTABLAÐIÐ/HÖRÐUR
Borgarbókasafnið stendur fyrir
„Hinsegin“ bókmenntagöngu í
kvöld þar sem Úlfhildur Dagsdótt-
ir og Felix Bergsson, leikari og
leikskáld, munu lóðsa áhugasama
um söguslóðir miðbæjarins
„Þetta er í fyrsta sinn sem
Borgarbókasafnið stendur fyrir
Hinsegin bókmenntagöngu og
alveg tími kominn til,“ segir Úlf-
hildur og bendir á að gangan sé
hluti af dagskrá menningarstofn-
ana Reykjavíkurborgar undir yfir-
skriftinni „Kvöldgöngur í Kvos-
inni“. „Við höldum okkur því á
miðbæjarsvæðinu og förum ekki
langt út fyrir Kvosina, við röltum
til dæmis upp að Lindargötu 49 þar
sem hús Samtakanna ‘78 stóð lengi
en ekki mikið lengra en það.“
Komið verður við á Borginni og
í nýtt hús samtakanna á Laugavegi
en líkt og Úlfhildur útskýrir er
ekki mikið af augljósum stoppi-
stöðum sem getið er um í hinsegin
bókmenntum. „Við völdum því
bara hina og þessa áhugaverða
staði sem okkur fannst viðeigandi,“
segir Úlfhildur enda eru margir
sögufrægir staðir á svæðinu sem
fróðlegt er að kynna sér.
Gangan tekur um eina og hálfa
klukkustund hefst kl. 20 og verður
lagt upp frá Grófarhúsinu í
Tryggvagötu. Aðgangur er ókeypis
og öllum heimill.
Hinsegin bókmenntaganga
ÚLFHILDUR DAGSDÓTTIR Á hinsegin rölti
um söguslóðir miðbæjarins í kvöld.
FRÉTTABLAÐIÐ/GVA
Orgelleikarinn Kári Þormar heldur
hádegistónleika kl. 12 í Hall-
grímskirkju í dag. Á sínum tíma
var Kári fyrsti nemandinn sem
lauk orgelnámi hér heima
með tónleikum á hið glæsilega
Klais-orgel í Hallgrímskirkju og
endurnýjar hann því kynni sín af
því merka hljóðfæri. Hann stund-
aði síðar framhaldsnám í orgelleik
og kirkjutónlist í Düsseldorf í
Þýskalandi. Að námi loknu var Kári
organisti Kópavogskirkju, Fríkirkjunnar
í Reykjavík en frá 2001 hefur hann
verið organisti Áskirkju. Hann hefur
haldið fjölda tónleika hér heima og
erlendis, auk þess sem hann hefur
komið fram með Mótettukór Hall-
grímskirkju bæði á tónleikum og
í sjónvarpi.
Á efnisskrá Kára eru fjögur
verk. Fyrst leikur hann sálmforleik eftir
Sigfrid Karg-Elert og svo „Variations sur
un thème de Clément Janequin“ eftir
Jehan Alain. Þriðja verkið er Prelúdía og
fúga í G-dúr eftir Johann Sebastian Bach
og tónleikunum lýkur með „Prélude et
Fugue sur le nom d‘Alain“ eftir Maurice
Duruflé en verkið er einmitt samið í
minningu Jehan Alain, sem lést langt
fyrir aldur fram í síðari heimsstyrjöld-
inni.
Tónleikarnir eru skipulagðir í sam-
vinnu við Félag íslenskra orgelleikara
og eru liður í tónleikaröð Alþjóð-
legs orgelsumars í Hallgríms-
kirkju.
Hádegistónar í Hallgrímskirkju
ORGELLEIKARINN KÁRI ÞORMAR
Endurnýjar kynnin af Klaisorgelinu
í Hallgrímskirkju.