Fréttablaðið - 10.08.2006, Blaðsíða 63

FIMMTUDAGUR 10. ágúst 2006 43
Erkitöffararnir Sonny Crockett og
Ricardo Tubbs skipuðu einn sval-
asta og eftiminnilegasta löggudú-
ett sjónvarpssögunnar í Miami
Vice-þáttunum sem sýndir voru á
Íslandi í árdaga Stöðvar 2.
Þættirnir hófu göngu sína í
bandarísku sjónvarpi árið 1984. Þá
máttu þeir keppa um hylli áhorf-
enda við ekki ómerkari sápur en
Dallas og Falcon Crest. Þrátt fyrir
harða samkeppni festu þættirnir
sig í sessi og aðdáendur þeirra
héldu tryggð við tvíeykið allt þar
til yfir lauk árið 1989.
Don Johnson og Philip Michael
Thomas léku félagana Crockett og
Tubbs sem sigldu undir fölsku
flaggi um undirheima Miami og
flettu ofan af melludólgum og
dópsmyglurum undir dulnefnun-
um Burnett og Cooper.
Leikstjórinn margrómaði
Michael Mann var einn framleið-
enda þáttanna og þykir eiga allan
heiður af svölu útliti þeirra þó
hann hafi ekki leikstýrt einum ein-
asta. Hann hefur nú blásið lífi í þá
Crockett og Tubbs með Miami
Vice-bíómyndinni sem var frum-
sýnd á Íslandi í vikunni.
Johnson og Thomas eru þó
fjarri góðu gamni enda komnir til
ára sinna og hvergi nærri jafn
flottir og þeir voru fyrir sautján
árum. Óskarsverðlaunahafinn
Jamie Foxx og írski ólátabelgur-
inn Colin Farrell fylla skörð gömlu
mannanna undir styrkri stjórn
Mann, sem gætir þess vandlega að
þeir séu ætíð ofursvalir.
Crockett og Tubbs eru enn við
sama heygarðshornið og fá að
þessu sinni það verkefni að lauma
sér inn í umfangsmikinn eitur-
lyfjahring með það fyrir augum að
stöðva óhóflegt flæði eiturlyfja
yfir Miami.
Það er þó ekki heiglum hent að
leika glæpamenn allan sólarhring-
inn vikum og mánuðum saman og
báðir þurfa þeir að glíma við sið-
ferðislegar spurningar, hvor á sinn
hátt, þegar mörkin milli blekking-
ar og raunveruleika leysast upp.
Þeir félagarnir þurfa þó bless-
unarlega ekki að standa einir í
þessu stappi og þeir Farrell og
Foxx njóta dyggilegrar aðstoðar
glæsilegs liðs aukaleikara með
Gong Li (Memoirs of a Geisha),
Naomie Harris (Pirates of the
Caribbean: Dead Man‘s Chest) og
Ciarán Hinds (Júlíus Sesar í Rome)
í broddi fylkingar.
Sjónvarpstöffarar í bíó
CROCKETT OG TUBBS Colin Farrell og Jamie Foxx halda uppi lögum og reglu á Miami í
fjarveru Don Johnson og Philip Michael Thomas í nýju Miami Vice-bíómyndinni.
Í ÞÁ GÖMLU GÓÐU DAGA Svona litu
Crockett og Tubbs út árið 1984 þegar Don
Johnson og Philip Michael Thomas léku
kempurnar.
Félagarnir galvösku Ástríkur og
Steinríkur eru mættir til leiks í
teiknimyndinni Ástríkur og vík-
ingarnir en þeir hafa ekki látið
sjá sig í teiknimynd í fullri lengd
í áratug. Þeir hafa þó skotið upp
kollinum í bíó í leiknum myndum
í tvígang á þessu tímabili við
mátulegan fögnuð dyggra aðdá-
enda sem voru lítt hrifnir af
afbökunum á frumtexta Goscinn-
ys. Franska tröllið Gérard Dep-
ardieu leikur Steinrík í báðum
þessum myndum og er um þess-
ar mundir að leika í þriðju mynd-
inni, sem fjallar um frægðarför
Ástríks á Ólympíuleikana.
Dyggir aðdáendur félaganna
ættu því að taka þeim fagnandi
þegar þeir mæta loks teiknaðir á
ný en í nýju myndinni gefa þeir
Rómverjum frí og taka rækilega
í lurginn á herskáum víkingum.
Víkingarnir taka land við
Gaulverjabæ í leit sinni að óttan-
um sem þeir trúa að gefi mönn-
um vængi. Þetta reynist í fyrstu
vera hin mesta fýluferð enda fer
ekki mikið fyrir skræfum í Gaul-
verjabæ þar sem fólk óttast það
eitt að himnarnir falli í höfuðið á
því. Víkingarnir komast þó í feitt
þegar þeir hafa hendur í hári
ungs frænda Aðalríks, æðstráð-
anda í Gaulverjabæ.
Pilturinn óttast bókstaflega
allt og víkingarnir ræna honum
því og sigla með hann til Noregs.
Það er því ekki um annað að ræða
en senda Ástrík og Steinrík á
eftir þeim til þess að bjarga
strák. Sjóðríkur seiðkarl mallar
vænan slatta af töfraseyðinu
sínu í nesti handa Ástríki og svo
hefst eftirförin og þeir sem
þekkja þá félaga vita upp á sína
tíu fingur að þá eiga víkingarnir
ekki von á góðu.
Ástríkur í
Noregi
ÁSTRÍKUR OG STEINRÍKUR Þessar gömlu
kempur gerðu Rómaveldi marga skráveif-
una í myndasögum Goscinny og Uderzo.
Þeir lumbra nú hins vegar á víkingum í
nýrri mynd um ævintýri þessa kjarnorku-
knúna tvíeykis.
ÞAÐ MÆLTI MÍN MÓÐIR Víkingarnir fá að
kynnast því að það er eitt að standa uppi í
stafni og stýra dýrum knerri en allt annað
að standa uppi í hárinu á Gaulverjum.