Fréttablaðið - 16.10.2006, Blaðsíða 40

16. október 2006 MÁNUDAGUR20
Iðnó er eitt af fallegri timburhúsum Reykjavíkur.
Iðnó markaði tímamót í íslenskri leikhússögu þegar það var
reist árið 1896. Einar Pálsson trésmíðameistari teiknaði og
byggði húsið í ný-klassískum stíl og er það eitt af fallegustu
timburhúsunum sem trésmiðir reistu í lok 19. aldar. Leik-
sýningar hófust þar árið 1896 á vegum Thorvaldsen-
félagsins. Seinna það ár hóf Leikfélag Reykjavíkur starf-
semi sína í húsinu sem stóð í næstum heila öld, en 1989
flutti félagið í Borgarleikhúsið. Húsið þótti bjóða upp á
betra rými en áður þekktist og leiksýningarnar þóttu fag-
legar og vel undirbúnar. Húsið var þó ekki reist af leikhús-
fólki heldur Iðnaðarmannafélagi Reykjavíkur og þess
vegna er húsið kallað Iðnó.
Fyrstu árin rúmaði húsið 265 manns í sæti og voru tveir
bekkir fremst svokallaðir barnabekkir en þeir voru ætlaðir
börnum. Jafnframt voru stæði þar sem áhorfendur gátu
staðið og fylgst með sýningunni á sviðinu. Húsið var því oft
fullt af fólki og mannþröng á vinsælum sýningum.
Í dag er veitingahús í Iðnó og oft eru settar upp leiksýning-
ar og aðrar uppákomur á sviðinu. Húsið er enn mjög lifandi
þrátt fyrir háan aldur, því rétt eins og í gamla daga getur
verið ansi þétt setinn bekkurinn þegar spennandi sýningar,
upplestur eða tónleikar eru í húsinu. kristineva@frettabladid.is
Í hverju horni leynast gamlar gersemar.
Þetta skemmtilega hjól stendur á efri hæð hússins.
Rómantísk og notaleg stemning.
Gjarnan þröng á þingi
Iðnó var reist af Iðnaðarmannafélagi Reykjavíkur 1896.
Salurinn er sérstaklega fallegur með sviðið í öðrum endanum.
Þetta horn er táknrænt fyrir tónlistarlífið í húsinu.
Iðnó stendur á falllegum stað við Tjörnina. FRÉTTABLAÐIÐ/VILHELM
Veitingasalur Iðnó er á efri hæðinni með útsýni yfir Tjörnina.