Fréttablaðið - 10.12.2006, Síða 93

Enska úrvalsdeildin:
Þýska úrvalsdeildin:
Spænska úrvalsdeildin:
Mauro Camoranesi
skoraði gegn sínum gömlu
félögum í Verona þegar Juventus
komst á toppinn í næstefstu
deildinni á Ítalíu með 1-0 sigri í
gær. Liðið stefnir hraðbyri á að
endurheimta sæti sitt í A-
deildinni og er nú á toppnum með
jafnmörg stig og Bologna.
Juventus er enn ósigrað í
deildinni en það hefur unnið
ellefu af fimmtán leikjum sínum
það sem af er og fjórir hafa
endað með jafntefli. Þá er liðið
með 21 mark í plús í samanlagðri
markatölu.
Juventus byrjaði deildina með
sautján stig í mínus en eftir að
félagið áfrýjaði þeim dómi var
refsingin minnkuð niður í ellefu
stig í mínus.
Annars er það að frétta úr
herbúðum Juventus að sam-
kvæmt fréttum frá Ítalíu hefur
félagið blandað sér í hóp þeirra
liða sem hafa áhuga á því að fá
David Beckham í sínar raðir.
Beckham er á förum frá spænska
liðinu Real Madrid en Fabio
Capello, knattspyrnustjóri liðsins,
hefur sagt að Beckham sé ekki
hluti af sínum framtíðaráætlun-
um.
Juventus komið
á toppinn
Barcelona tryggði stöðu
sína á toppi spænsku deildarinnar
í gær þegar liðið vann Sociedad á
heimavelli, 1-0. Þetta var frekar
erfið fæðing hjá Barcelona og það
tók liðið klukkutíma að brjóta vörn
Sociedad á bak aftur en fram að
því hafði Barcelona sótt frá fyrstu
mínútu.
Barcelona sótti án afláts frá
upphafi í leiknum í gær. Ljóst var
að Real Sociedad-liðið var komið á
Nývang til að halda markinu
hreinu og vörn liðsins var mjög
þétt.
Rangstöðutaktík Sociedad var
einnig að virka vel því sóknar-
menn Barcelona voru ósjaldan
gripnir í landhelgi og línuverðirn-
ir höfðu í nógu að snúast. Eiður
Smári náði að skora mark í fyrri
hálfleik, en því miður fyrir hann
var línuvörðurinn búinn að veifa
rangstöðu og markið því ekki gilt.
Annað mark var dæmt af Bar-
celona þegar Ludovic Giuly var
dæmdur rangstæður. Línuvörður-
inn hafði rétt fyrir sér í báðum til-
fellum en hann kórónaði þó leik
sinn með því að misstíga sig illa
stuttu eftir að hann veifaði mark
Giulys af, við mikinn fögnuð
stuðningsmanna Barcelona.
Sama einstefnan var í síðari
hálfleik og þegar fimmtán mínút-
ur voru liðnar af síðari hálfleik
náði Barcelona loks að brjóta
ísinn.
Ronaldinho skoraði með skoti
úr teignum og þungu fargi var létt
af leikmönnum Barcelona. Eiður
Smári var rangstæður þegar skot-
ið reið af en þar sem hann hafði
ekki áhrif á leikinn var markið
dæmt gott og gilt.
Eiði Smára var svo skipt útaf á
78. mínútu og það var Santiago
Ezquerro sem kom inn á fyrir
Eið.
Eftir markið var aldrei spurn-
ing hvort liðið færi með sigur af
hólmi en dómarinn tók þó völdin í
sínar hendur þegar hann rak Bras-
ilíumanninn Silvinho fyrir litlar
sakir og ekki ólíklegt að Barcelona
muni áfrýja því rauða spjaldi.
1-0 sigur Barcelona staðreynd
og liðið á toppi spænsku deildar-
innar með 33 stig eftir 14 leiki.
Baráttusigur hjá Barcelona