Fréttablaðið - 31.01.2007, Qupperneq 2

Svonefndar sex-velda-
viðræður um kjarnorkuáform
Norður-Kóreu munu hefjast á ný í
næstu viku, að því er talsmenn
kínverskra stjórnvalda greindu
frá. Forsenda fyrir þessu eru
framfarir í viðræðum Norður-
Kóreumanna og fulltrúa Banda-
ríkjastjórnar um fjármál.
Síðustu lotu sex-velda-viðræðn-
anna, sem Japanar og Rússar eiga
aðild að auk Kóreuríkjanna
tveggja, Kína og Bandaríkjanna,
lauk án árangurs og það var fyrst
nú sem dagsetning var sett á
upphaf nýrrar viðræðulotu, 8.
febrúar.
Shinzo Abe, forsætisráðherra
Japans, varaði Norður-Kóreu-
menn við að koma ekki tómhentir
að samningaborðinu; ef þessi nýja
lota skilaði ekki árangri yrðu þeir
að reikna með „stórauknum
alþjóðlegum þrýstingi“.
Ný viðræðulota
í næstu viku
Götuhópur fíkni-
efnadeildar lögreglunnar á höfuð-
borgarsvæðinu kom upp um stór-
fellda ræktun á kannabisplöntum í
atvinnuhúsnæði í austurborg
Reykjavíkur á föstudagskvöldið.
Við leit í húsnæðinu fundust á
fjórða hundrað kannabisplöntur,
sem margar hverjar reyndust
vera hátt í annan metra á hæð.
Samtals vó ræktunin vel á annan
tug kílóa.
Einn karlmaður var handtekinn
í kjölfar fundarins. Hann var lát-
inn laus að lokinni skýrslutöku hjá
lögreglu. Málið telst að mestu upp-
lýst, að sögn Ásgeirs Karlssonar,
yfirmanns fíkniefnadeildar lög-
reglunnar á höfuðborgarsvæðinu,
sem telur afar ólíklegt að rækt-
andinn hafi ætlað þetta magn til
eigin nota.
Þetta er með stærri ræktunar-
málum sem upp hafa komið hér á
landi. Á undanförnum árum hafa í
flestum fundist frá fáeinum plönt-
um upp í um það bil 200 stykki.
Undantekning er til dæmis er lög-
regla fann á sveitabæ í Ölfusi árið
2005 670 kannabisplöntur í haug-
húsi undir fjósi á bænum. Þá má
minna á mál sem er nú fyrir Hér-
aðsdómi Suðurlands þar sem
maður er ákærður fyrir að hafa í
gamla sláturhúsinu í Laugarási
ræktað og haft í vörslu sinni 163
kannabisplöntur, 1,3 kíló af mari-
júana og 4,3 kíló af kannabislauf-
um.
Samkvæmt bráðabirgðatölum
frá embætti ríkislögreglustjóra
var lagt hald á 1.203 kannabis-
plöntur hér á landi á síðasta ári.
Þessi fundur götuhópsins á föstu-
dagskvöld er því um það bil fjórð-
ungur alls þess magns sem tekið
var þá. Af tölum embættis ríkis-
lögreglustjóra yfir magn tekinna
fíkniefna á síðari árum má einnig
sjá að fjöldi kannabisplantna sem
lögreglan hefur lagt hald á hefur
farið hraðvaxandi milli ára frá
1999. Á sama tíma hefur orðið
mikill samdráttur í innflutningi á
kannabisefnum ef tekið er mið af
því sem haldlagt er af tollvörðum
og lögreglu.
„Það hefur yfirleitt verið talið
að það marijúana sem er hér á
markaði sé framleitt hér,“ segir
Ásgeir. „Menn virðast ekki vera
að reyna að flytja það í miklum
mæli inn.“
Götuhópurinn tók
kannabisverksmiðju
Á fjórða hundrað kannabisplantna reyndust vera í atvinnuhúsnæði í austur-
borginni sem götuhópur fíkniefnalögreglunnar gerði húsleit í á föstudagskvöld.
Karlmaður var handtekinn en látinn laus að lokinni skýrslutöku hjá lögreglu.
„Það hefur yfirleitt verið
talið að það marijúana
sem er hér á markaði sé framleitt
hér“
Eftir úrsögn úr Frjáls-
lynda flokknum er Sigurlín Mar-
grét Sigurðardóttir orðin vara-
þingmaður utan
flokka. Sigurlín
var önnur á lista
flokksins í Suð-
vesturkjördæmi,
á eftir Gunnari
Erni Örlygssyni
sem gekk í Sjálf-
stæðisflokkinn
fyrr á kjörtíma-
bilinu.
Sigurlín útilokar ekki framboð
fyrir annan flokk í kosningunum
í vor. „Komi boð um það sem vert
er að skoða mun ég gera það af
opnum huga,“ segir hún í samtali
við Fréttablaðið. Sigurlín vill þó
ekkert segja til um hvort eitthvað
liggi í loftinu í þeim efnum.
Varaþingmaður
utan flokka
Fjórar ungar konur
hafa nú kært Guðmund Jónsson,
fyrrum forstöðumann Byrgisins,
fyrir kynferðislega misbeitingu á
meðan þær voru skjólstæðingar
meðferðarheimilisins. Síðasta
kæran barst að kvöldi föstudags.
Þetta staðfestir Ólafur Helgi
Kjartansson, sýslumaður á Sel-
fossi.
Kærur þær sem lagðar hafa
verið fram lúta allar að því að for-
stöðumaðurinn fyrrverandi hafi
misnotað traust kvennanna til
þess að eiga við þær kynferðislegt
samband. Fyrsta konan kærði upp
úr miðjum desember, önnur 15.
janúar og hin þriðja síðastliðinn
föstudag. Að kvöldi þess dags
kærði svo fjórða konan eins og
fyrr sagði.
„Það hefur verið unnið sleitu-
laust að þessu máli síðan það kom í
okkar hendur 11. janúar,“ segir
Ólafur Helgi. „Þetta er afar við-
kvæmt mál og það hefur einfald-
lega tekið þennan tíma að ná til
vitna. Auk þess sem kærendur
hafa verið að koma í skýrslutök-
ur.“
Guðmundur hefur verið boðað-
ur til skýrslutöku hjá sýslumanns-
embættinu í vikunni. Hann hefur
boðað í fjölmiðlum að hann muni
kæra þá konu, er fyrst kærði hann,
fyrir nauðgun.
Fjórða kæran á Guðmund
Allir mennirnir,
fjórir að tölu, sem gengu í gildru
fréttaskýringaþáttarins Komp-
áss þegar þeir héldu sig vera að
fara á fund þrettán ára stúlku,
hafa gefið sig fram við lögregl-
una á höfuðborgarsvæðinu.
Mennirnir fóru allir inn í
kjallaraíbúð sem tekin hafði
verið á leigu, þar sem þeir töldu
sig vera að fara að hitta stúlkuna.
Lögreglan hefur tekið skýrslu
af mönnunum fjórum og safnað
öðrum gögnum.
Málið verður síðan væntan-
lega sent ríkissaksóknara til
ákvörðunar, að sögn lögreglu.
Hafa allir fjórir
gefið sig fram
Opið: Alla virka daga kl. 9:00-18:00 og laugardaga kl. 12:00-16:00. Sími: 525 8020.
NOTAÐIR BÍLAR
BÍLL DAGSINS
NISSAN D-CAB
Nýr - Beinskiptur - Ekinn 0 þús. km. - Allt að 100% lán.
Verð
2.190.000,-
Davíð, er Jesús þriðji Radíus-
bróðirinn?
Margrét Sverrisdóttir
sest í borgarstjórn á næstu dögum
fyrir Ólaf F. Magnússon, en Ólafur
mun eiga við veikindi að stríða.
Margrét staðfesti þetta í viðtali við
Fréttablaðið í gær.
Búist er við því að Ólafur og
borgarstjórnarhluti Frjálslynda
flokksins segi sig úr flokknum á
næstu dögum og gerist óháðir. Ekki
náðist í Ólaf F. Magnússon til að
staðfesta þetta í gær, en Guðrún
Ásmundsdóttir leikkona hefur nú
þegar sagt sig úr flokknum. „Maður
á ekkert erindi í þennan flokk, ekki
eins og hann er núna,“ sagði Guð-
rún í gær.
Guðrún bætti við að hún væri
ánægð með viðskilnaðinn: „Ég held
þetta séu bara góð mál. Þetta
hreinsar og nú veit maður hvar
maður stendur.“
Aðspurð hvernig hún taki
ummælum Guðjóns Arnars Kristj-
ánssonar, formanns Frjálslynda
flokksins, að það sé „frekar leitt“
að hún hafi sagt skilið við flokkinn,
segist Margrét Sverrisdóttir undr-
andi á þætti hans í málinu. „Ég er
bara yfir mig bit.“
Margrét telur að það „sé að
renna upp fyrir [Guðjóni] ljós að
hann hafi misst tökin á flokknum
og honum líði ekkert vel með það.
Hann hefur leikið eintóma afleiki í
langan tíma, enda valdi hann sér
meðreiðarsveinana. Ég ráðlagði
honum að fá mig með sér,“ segir
Margrét og hlær. „En mér finnst
verst að hann er búinn að svíkja
fullt af fólki, gamla vini og félaga.“
Margrét hefur enn ekki sagt sig
formlega úr flokknum en gerir ráð
fyrir því að senda bréf til að til-
kynna úrsögn sína „með pomp og
prakt“ á næstunni.
Formlegar úrsagnir sem flokkn-
um bárust í gær voru alls 26, en sex
skráðu sig í hann á móti, samkvæmt
upplýsingum framkvæmdastjóra
Frjálslyndra, Magnúsar Reynis
Guðmundssonar.
Um tíu þúsund
íbúar Juneau í Alaska-ríki
Bandaríkjanna urðu rafmagns-
lausir seinasta sunnudag þegar
skallaörn með dádýrshaus í
gogginum flaug á nálægar
rafmagnslínur.
Örninn fann höfuðið af
dádýrinu í moldarhaug og reyndi
að fljúga í burtu með það, en
komst ekki lengra en á rafmagns-
línurnar. Viðgerðarmenn fundu
hræ arnarins ásamt dádýrshaus-
num rétt hjá.
„Svona gerist bara í Alaska,“
sagði Gayle Wood, talsmaður
rafveitunnar. „Þetta er saga af
erni sem ofmetnaðist og tók
aðeins of stórt upp í sig.“
Rafmagninu var komið á um
45 mínútum eftir að það fór.
Flaug á raflínur
með dádýrshaus
í gogginum