Fréttablaðið - 31.01.2007, Blaðsíða 66

Mikið magn af Spark-borð-
spilinu er að finna í grunni
gamla Hampiðjuhússins við
Þverholt sem nú hefur verið
rifið. Ungir athafnamenn
sáu sér strax leik á borði
og ætla að hagnast á fundi
sínum.
„Þetta er alveg frábært. Við
komum líka í gær og þá var miklu
meira af spilum hér,“ segja þeir
Jökull Máni Kjartansson og
Ásmundur Hjörtur Einarsson
kampakátir. Enda hljóp heldur
betur á snærið hjá þeim. Jökull og
Ásmundur voru að ná sér hvor í
sinn bunkann af Sparkspilinu og
dreifðu höfðinglegir til fjölskyldu
og vina.
Og ljóst er að þarna eru upp-
rennandi athafnamenn á ferð því
þeir höfðu það í bígerð að taka
nokkur spil frá og selja í sumar og
þá á fimm hundruð krónur stykk-
ið.
Í gær dreif að fólk í húsgrunn
að Þverholti 11, þar sem var gamla
Hampiðjuhúsið sem síðar hýsti
meðal annars Fréttablaðið og
Klink og Bank. Þar í grunninum
voru ókjör af Spark-borðspilinu á
víð og dreif, á brettum og af nógu
að taka.
Samkvæmt upplýsingum frá
Spark-útgáfufélagi, sem gaf út
þetta spil fyrir jólin 2005, voru
gefin út 5.000 spil og seldist prýði-
lega. Eða í 4.400 eintökum og
reyndist annað söluhæsta spilið
fyrir jólin það árið. Afgangur upp-
lagsins, eða um fimm hundruð ein-
tök, voru geymd í lagerrými í
Þverholti 11.
Sigurjón Halldórsson er eig-
andi SR verktaka sem sjá um að
rífa þetta fornfræga hús. Og segir
hann ýmislegt koma á daginn en
þeir hafa nú verið að störfum í að
verða þrjá mánuði.
„Það er mikið af dóti þarna
eftir listamennina, gömlum
Fréttablöðum og svo voru hérna
sex bretti af Spark-spilinu hér
innan girðingar hjá okkur.
Örugglega búið að hirða tvö
bretti af því eða um hundrað
spil,“ segir Sigurjón. En til stend-
ur að fara með það sem fólk ekki
hefur náð að krækja sér í af spil-
inu í gáma.
Höfundur spurninganna í Spark-
spilinu er þekktur spurningagúrú,
Stefán Pálsson. Hann segist
aðspurður hafa samið alveg ókjör
af spurningum í þetta mjög svo
metnaðarfulla spil. Hann segir
magnið meira en finna má í Trivial
Pursuit-spilinu og bara um fót-
bolta.
„Ég á góðar minningar frá sjón-
varpsþætti sem var á Skjánum,
spurningaþáttur sem við Þórhallur
Dan vorum með og notuðum spurn-
ingar úr spilinu.“
Spurður hvað honum sem spurn-
ingahöfundi sýndist um það að spil-
ið lægi í stöflum í húsgrunni dró
Stefán af því þá ályktun að spilið
hafi ekki selst eins og ráð var fyrir
gert. Það hafi sína kosti og sína
galla.
„Nokkuð bar á því að menn sátu
að sumbli yfir spilinu og ég man
eftir að hafa fengið tvö símtöl um
miðja nótt frá slíkum sem vildu fá
úr einhverjum vafaatriðum skorið.
Kannski eins gott að ekki fór meira
af þessu.“ En kemur þó á hann
þegar bent er á að hugsanlega gæti
borið á símtölum eftir þessa nýj-
ustu dreifingu spilsins. En þó varla
frá þeim piltum Jökli Mána og
Ásmundi Hirti.
„Já, ég missti mig aðeins. En úr
því Ómar er kominn í pólitík þá
skal hann fá allt sem henni fylgir,“
segir Kolbrún Halldórsdóttir,
alþingismaður Vinstri grænna, í
samtali við Fréttablaðið.
Alþingiskonan sat furðu lostin
við skjáinn að kvöldi mánudags og
fylgdist með Ómari Ragnarssyni
og Vilhjálmi Þ. Vilhjálmssyni í
Kastljósinu bollaleggja um endur-
reisn rúntsins. Rómantíska mjög
en að viti Kolbrúnar hafa þeir ekki
hugsað málið alla leið því hug-
myndir þeirra fela í sér aukna
bílaumferð um miðborgina og þar
af leiðandi aukna mengun. Ómar
vill umferð í báðar áttir niður
Laugaveg og Austurstræti þannig
að allir sjái örugglega alla. Vil-
hjálmi þótti þetta afbragðs hug-
mynd.
„Endurvekjum fortíðarlandið,“
skrifar Kolbrún á síðu sína og þykir
sem þeir séu heldur ósannfærandi
umhverfisverndarsinnar, þessir
bíladellukarlar af gamla skólanum.
„Já, eða, mér finnst bara svo
sjálfsagt mál þegar fólk er að
reyna að opna augu annarra fyrir
umhverfismálunum og ábyrgðinni
sem hver og einn ber á umhverf-
inu, að þá þurfi boðskapurinn að
vera fremur tær. Allir þekkja þær
ógnir sem að umhverfinu steðja
með losun gróðurhúsalofttegunda.
Uppsprettan eru samgöngur, les-
ist: bílar. Þannig að í mínum huga
er ábyrgðin okkar sem erum að
boða ábyrgð í umhverfismálum;
hlutverk okkar er að leggja okkar
lóð á vogarskálarnar og draga úr
bílaumferð. Sérstaklega í mið-
borgum. Þetta er a- b-c í umhverf-
ispólitík.“
Borgarstjórinn er ekki á þeirri
línunni: „Þetta eru skemmtilegar
hugmyndir hjá Ómari og allrar
athygli verðar,“ segir Vilhjálmur
en vill að öðru leyti ekki tjá sig um
gagnrýni Kolbrúnar.
Aðspurð neitar Kolbrún því
ekki að eiga einhverjar minningar
rómantískar tengdar rúntinum.
„Einhverjir bíladellustrákar í
kringum mig á unglingsárunum en
minningarnar eru samt ekki þess
eðlis að ég vilji endurvekja þær
sérstaklega fyrir börnin mín. Sem
eru að búa til sínar minningar ekki
síður spennandi.“
Umhverfismálin eru nú ofar-
lega á baugi víða og sérframboð í
farvatninu. Kolbrún varar við því
og telur slík framboð til þess eins
fallin að styrkja stjórnarflokkana,
sem keyra stóriðjustefnuna, í sessi.
„Það liggur í hlutarins eðli. En þetta
ákafa umhverfisverndarfólk þarf
að átta sig á því hvað færir okkur
breytta stefnu í þessum málum. Og
það er ekki að fjölga valkostum
sem kjósendur hafa.“
Leikarinn Bruce Willis meiddist
lítillega á höfði við tökur á fjórðu
Die Hard-myndinni, sem verður
frumsýnd í sumar. Sparkað var í
höfuð Willis í miklu hasaratriði og
var hann fluttur á sjúkrahús.
Skömmu síðar var hann útskrifað-
ur eftir að gert hafði verið að
sárum hans.
Nýjustu Die Hard-myndarinn-
ar hefur verið beðið með mikilli
eftirvæntingu. Fyrstu þrjár mynd-
irnar, sem fjölluðu um lögreglu-
manninn John McClaine, nutu
allar mikilla vinsælda.
Meiddist í
hasaratriði