Fréttablaðið - 31.01.2007, Qupperneq 26

Mýkt, kraftur og fallegar línur
er það sem einkennir flaggskip
Subaru, B9 Tribeca.
Subaru B9 Tribeca er stærsta bif-
reiðin sem komið hefur frá fram-
leiðandanum til þessa og fyrsti sjö
manna bíllinn. Það sem vekur fyrst
athygli við bílinn er sérstæð hönn-
un hans. Ytra byrði bílsins þykir
ekki öllum smart þótt maður venj-
ist því vel. Grillið er þó flott enda
fengið að láni úr flugsögu fram-
leiðandans. Þegar sest er inn í bíl-
inn líður bílstjóranum líkt og í sæti
flugstjóra enda er mælaborðið
straumlínulagað með fjölmörgum
og fjölbreyttum mælum. Kirsuber-
ið á rjómakökunni er síðan vel
heppnuð lýsing.
Hönnun Tribeca sver sig ekki
fullkomlega í japanska hefð.
Ástæðan er líklega sú að Subaru
fékk Andreas Zapatinas til að fara
fyrir hönnunarliðinu en hann er
löngu orðinn þekktur fyrir störf
sín hjá ítalska bílarisanum Alfa
Romeo.
Subaru Tribeca er útbúinn
þriggja lítra sex sílindra vél sem
stjórnað er af fimm gíra sjálfskipt-
ingu með sportstillingu. Hann er
fjórhjóladrifinn sem skilar honum
ágætlega í gegnum snjóskafla í
borginni. Hestöflin eru yfrið næg í
Tribeca en 250 hestöfl keyra hinn
tæplega tveggja tonna bíl vel
áfram. Togið er ekki jafn gott en
þrátt fyrir það kemst bíllinn vel
áfram.
Sjálfskiptingin er mjúk og gríp-
ur vel á þægilegum tíma. Bíllinn
lætur vel að stjórn, hann er léttur í
stýri, yndislega mjúkur undir boss-
ann og líður yfir hraðahindranir
líkt og þær væru varla til. Hann er
með gott veggrip og liggur því vel
á veginum. Hann er einstaklega
hljóðlátur svo maður verður varla
var við að það sé vél í bílnum.
Þrátt fyrir að innri útlitshönnun
Tribeca sé nær óaðfinnanleg má
finna nokkra hnökra á hagkvæmni
í hönnun aftursæta. Aukasætin aft-
ast falla niður í gólfið í skottinu en
uppsett henta þau aðeins fyrir
börn. Miðsætin eru einnig nokkuð
þröng, sérstaklega þegar þau hafa
verið færð fram um nokkra sentí-
metra til að rýma fyrir hjá þeim
sem aftast sitja. Tribeca er þó sann-
ur fjölskyldubíll þegar kemur að
örygginu enda búinn öllum nauð-
synlegum öryggistólum. Þriggja
punkta beltum, skriðvörn og loft-
púðum. Hægt er að hafa barnastól í
farþegasæti fremst þar sem loft-
púðinn þar slekkur sjálfkrafa á sér
þegar þyngslin í sætinu fara niður
fyrir ákveðin mörk.
Tribeca er greinilega hannaður
með fjölskyldur í huga. Þær þurfa
hins vegar að hafa nóg á milli hand-
anna enda er hann Tribeca lúxus-
bíll eins og verðið gefur til kynna,
tæpar fimm milljónir. Eins og slík-
um bíl sæmir er hann útbúinn
ýmsum búnaði líkt og sóllúgu,
tölvustýrðri loftkælingu, hraða-
stilli, leðursætum, lituðu gleri, hita
í sætum og fleira sem of langt mál
væri að telja upp.
Kraftur og hönnun
Smiðjuvegi 34 - gul gata Kópavogi • Sími 544 5151 • biljofur@biljofur.is
SÉRHÆFÐ ÞJÓNUSTA FYRIR
BIFREIÐAVERKSTÆÐI
Láttu okkur pólýhúða felgurnar í hvaða
lit sem er. Þær verða auðveldari í þrifum
og endast lengur.
Smiðjuvegi 1 • s. 544-5700 • www.polyhudun.is
Ökunám í fjarnámi !!!!
Ekill ökuskóli er eini ökuskólinn á landinu sem býður upp
á ökunám í fjarnámi. Þú getur unnið námskeiðin
í tölvunni heima þegar þér hentar.
Skoðaðu þennan frábæra kost á ekill.is
Námskeið sem hægt er að taka nú þegar eru fyrra námskeið
til almennra ökuréttinda (Ö1) og bifhjólanámskeið.
Fleiri námskeið eru væntanleg á næstu mánuðum
Ö2 námskeið / Aukin ökuréttindi / Fyrir lesblinda ofl.
Ekill ökuskóli. Sími 461-7800 www.ekill.is ekill@ekill.is