Fréttablaðið - 31.01.2007, Qupperneq 57

[Hlutabréf]
Bankastjórn Glitnis leggur til við hluthafafund að
greiddur verði 66 prósenta arður að nafnvirði hluta-
fjár fyrir síðasta starfsár. Arðgreiðslan verður því 9,4
milljarðar króna gangi tillagan eftir sem svarar til
þess að 24,63 prósent af hagnaði síðasta árs renni til
hluthafa.
Hluthöfum Glitnis stendur til boða að fá helming
arðs greiddan í hlutabréfum bankans. Þetta er nokkur
aukning frá árinu 2005 þegar hluthafar fengu 38 pró-
senta arð.
Þá leggur stjórn Kaupþings til að hluthafar fái
10.366 milljónir króna í arð vegna ársins 2006 en það
eru fjórtán krónur á hlut sem er 140 prósenta arður.
Þetta svarar til að arður nemi 12,2 prósentum af hagn-
aði Kaupþings árið 2006.
Í fyrra fengu eigendur í Kaupþingi 10 krónur í arð
fyrir hvern hlut í eigu sinni.
Stjórn Straums-Burðaráss gerir það að tillögu sinni
að greiddur verði 75 prósenta arður sem svarar til
7.769 milljóna króna. Til samanburðar fengu hluthaf-
ar Straums 65 prósenta arð fyrir árið 2005.
Eins og komið hefur fram leggur bankastjórn
Landsbankans til við aðalfund að greiddur verði fjöru-
tíu prósenta arður fyrir árið 2006.
Bankar auka arðgreiðslur
Þórður Birgir Bogason hefur óskað
eftir því að láta af störfum sem for-
stjóri MEST ehf. og hefur stjórn
félagsins gengið frá starfsloka-
samningi við hann.
Bjarni Gunnarsson, stjórnarfor-
maður AGN Holding og MEST ehf.,
tekur við starfi
forstjóra og
gegnir því tíma-
bundið. Breyting-
arnar voru kynnt-
ar starfsmönnum
á fundi í gær-
morgun.
Þórður segir
starfslokin eiga
sér nokkurn að-
draganda en að
lokinni mikilli
stefnumótunarvinnu og endur-
skipulagningu hafi hann og eigend-
ur fyrirtækisins verið ósammála
um stefnu til framtíðar. Þórður var
ráðinn til að leiða samruna fyrir-
tækjanna Merkúr og Steypustöðv-
arinnar sem saman urðu MEST
haustið 2005. „En þetta eru engin
leiðindi samt,“ segir hann og kveðst
vinna að því að setja eftirmann sinn
inn í daglegan rekstur.
Ekki liggur fyrir hjá Þórði Birgi
hvað við tekur, en hann segist hafa
góðan tíma til að hugsa næstu skref.
„Stjórn MEST þakkar Þórði vel
unnin störf fyrir félagið og óskar
honum velfarnaðar á nýjum vett-
vangi,“ segir í tilkynningu.
Hættir vegna
ágreinings
Fjármálaeftirlitið veitti á föstu-
dag í síðustu viku fjárfestingafé-
laginu Milestone og Þætti eignar-
haldsfélagi ehf. heimild til að fara
sameiginlega með virka eignar-
hluti í Glitni og Sjóvá-Almennum.
Með heimildinni fá félögin
atkvæðarétt í stjórnum Glitnis og
Sjóvá-Almennra í samræmi við
eignarhlut félaganna í bankanum.
Fjármálaeftirlitið vísar annars
vegar til laga um fjármálafyrir-
tæki og um vátryggingastarfsemi
hins vegar en í heimildinni felst að
félögin geta farið sameiginlega
með virka eignarhluti í allt að
fjórðungi hlutabréfa í Glitni banka
hf. og yfir helmingi bréfa í Sjóvá-
Almennum tryggingum hf.
Heimildir í hús
Meðalverð á helstu fisktegundum
var hátt á fiskmörkuðum landsins
í síðustu viku þrátt fyrir verulega
aukið framboð á milli vikna. Afla-
verðmæti jókst talsvert á milli
vikna. Það nam 393 milljónum
króna í vikunni sem er 99 milljóna
króna hækkun frá vikunni á
undan.
2.277 tonn af fiski seldust á
mörkuðunum samanborið við
1.582 tonn í vikunni á undan. Með-
alverðið stóð í 172,78 krónum á
kíló sem er tæplega 13 króna
lækkun á milli vikna. Hafa ber í
huga að meðalverðið fyrir hálfum
mánuði var með því hæsta sem
sést hefur, að sögn Skip.is.
Hátt aflaverð-
mæti í vikunni