Fréttablaðið - 16.02.2007, Page 55

Bréfið er ritað í tilefni af endurteknum ummælum oddvita Skeiða og Gnúp-
verjahrepps í fjölmiðlum síðustu daga. Odd-
vitinn heldur því fram að fundur virkjana-
andstæðinga í Árnesi segi ekkert um vilja
heimamanna, því þar hafi aðallega verið
aðkomufólk. Undirrituð benda honum á
nokkur atriði til umhugsunar.
Í fyrsta lagi: Ef Gunnar Örn Marteinsson
oddviti Skeiða- og Gnúpverjahrepps telur
það einkamál ábúenda á lögbýlum í Gnúp-
verjahreppi að taka ákvörðun um eyðilegg-
ingu Þjórsár allt til sjávar, skortir hann
þekkingu og skilning á almennri stjórn-
sýslu, náttúruvernd og borgaralegum rétt-
indum. Þá skortir hann líka virðingu fyrir
skoðunum annarra.
Í öðru lagi: Ef Gunnar Örn Marteinsson
þekkir ekki bæina í sveitinni né íbúa þeirra
er það afleitt mál fyrir oddvita í litlum
hreppi. Honum skal því bent á að á fundinn
mætti fólk frá Haga, Fossnesi, Hamars-
heiði, Hamarsholti, Stóru Mástungu, Minni-
Mástungu, Ásum, Stóra-Núpi, Þjórsárholti,
Skaftholti, Hlíð, Háholti, Eystra Geldinga-
holti og Vestra Geldingaholti, Stöðulfelli,
Sandlækjarkoti, Sandlæk, Skarði, Brautar-
holti, Vorsabæ, Skeiðháholti og Húsatóf-
tum, svo nokkuð sé nefnt. Margir þessara
bæja liggja að Þjórsá, en það gerir bær odd-
vitans ekki.
Í þriðja lagi: Ef Gunnar Örn Marteinsson
ætlar að afgreiða það fólk sem ver frístund-
um sínum í sveitinni, eins og eitthvert
aðskotafólk sem sé málið óviðkomandi,
skyldi hann staldra við. Margt af því á þar
hús og lóðir og lögbýli og leggur sitt af
mörkum til samfélagsins. Enn fleira af því
á rætur sínar í hreppnum í marga ættliði og
miklu lengur en oddvitinn sjálfur. Þetta fólk
vill sveitinni líka vel. Án þeirra væri sveitin
fátækari bæði af fjármunum og hugmynd-
um.
Í fjórða lagi: Ef Gunnar Örn Marteinsson
tekur ekki eftir áhyggjum þeirra sem eldri
eru skal honum bent á að margir eldri borg-
arar úr sveitinni, sumt af því fólk í hárri
elli, lögðu á sig að koma til fundarins í
Árnesi. Það fólk vildi sýna sveitinni sinni
stuðning. Honum væri sæmra að styðja við
það fólk og alla þá sem verða fyrir barðinu
á framkvæmdunum, hlusta á íbúana og
jafnvel aðkomufólkið líka.
Virkjanirnar við Þjórsá eru alvarlegt
mál fyrir marga. Þær geta kippt stoðum
undan búsetu, þær geta líka fækkað frí-
stundafólkinu.
Gunnar Örn Marteinsson oddviti mætti
hafa í huga að það er fólkið en ekki Lands-
virkjun sem skapar mannlífið í sveitinni.
Þótt Landsvirkjun hafi gegnum árin skapað
atvinnutækifæri er heildarmyndin önnur
nú. Þessi áform stuðla að fækkun fólks og
rýrnun lands.
Með vinsemd:
Egill Egilsson Hellholti,
Guðrún Haraldsdóttir og Jón Benjamín
Jónsson Haga,
Guðbjörg Friðriksdóttir og Sigurður L.
Einarsson í landi Haga,
Jón Helgi Guðmundsson og Guðrún
Ásbjörnsdóttir, Haga og Þjórsárholti,
Margrét Erlendsdóttir, Hamarsheiði,
Vigdís Erlendsdóttir, Hamarsheiði,
Kolbrún Haraldsdóttir Stóru-Mástungu,
Ragnheiður Haraldsdóttir og Haraldur
Bjarnason, Stóru Mástungu,
Svanborg R. Jónsdóttir Stóra-Núpi
Elín Erlingsdóttir, Sandlæk
Opið bréf til oddvita um Árnesfundinn
Fólk er kosið í sveitarstjórnir, kosið til að taka ákvarðanir og
axla ábyrgð á ákvarðanatöku sinni.
Nú hefur „óþægileg“ grein í kjara-
samningi sveitarfélaga og Félags
grunnskólakennara (FG) frá 2004
dúkkað upp.
Þessi grein segir:
...Að meta eigi
hvort almenn
verðlags- eða
kjaraþróun, á
tímabilinu nóv-
ember 2004 til
september 2006,
gefi tilefni til
einhverra
aðgerða.
Verðlagsþró-
unin (verðbólga) á tímabilinu hefur
verið um 9,0% eða 6,5% yfir mark-
miðum Seðlabankans. Launanefnd
sveitarfélaganna (LN) í umboði
sveitarstjórnarmanna hefur boðið
kennurum 0,75% hækkun um ára-
mótin 2006-2007 til að mæta
almennri verðlags- og kjaraþróun,
0,75%. Aðrir aðilar vinnumarkað-
arins hafa samið um bætur vegna
verðlags- og kjaraþróunar, bætur
sem námu 7,8% á 190.000 kr. með-
allaun. LN býður kennurum meira
en 10 sinnum lægri prósentur.
Nú hafa ýmsir sveitarstjórnar-
menn tjáð sig opinberlega um sam-
skipti sveitarfélaganna við kenn-
ara og bæði Halldór Halldórsson
(formaður Sambands íslenskra
sveitarfélaga) og Stefán Jón Haf-
stein hafa sagt að nú verði að nást
sátt við kennara. Í hverju er sú sátt
fólgin? Er hún fólgin í því að tala
ekki við kennara í 8 mánuði og svo
þegar þeim þóknast að láta heyra í
sér þá eru það 0,75% sem hin mikla
sátt á að nást um? Þegar aðrir hafa
samið um 10 sinnum hærri pró-
sentur.
Því miður virðast alltof fáir
sveitarstjórnarmenn ráða við að
axla þá ábyrgð sem þeir eru kosnir
til og í raun ráða þeir ekki við að
fara með jafn stóran og mikilvæg-
an málaflokk sem grunnskólinn er.
Þess vegna er sorglegt að hlusta á
þessa menn og konur tala um að
heilsugæslan eigi að fara yfir til
sveitarfélaganna þegar getuleysið
í málefnum grunnskólans er algert.
Nú þurfa sveitarstjórnarmenn að
hysja upp um sig buxurnar, hvar á
landinu sem er, og láta verkin tala
og hætta að etja Launanefndinni á
foraðið. Ábyrgðin er ykkar.
Höfundur er grunnskólakennari.
Getuleysi
sveitarstjórn-
armanna