Fréttablaðið - 11.04.2007, Blaðsíða 6
„Við höfum alla burði til að halda áfram
með íslenska efnahagsundrið,“ sagði Jón Sigurðsson,
formaður Framsóknarflokksins, við kynningu stefnu-
skrár hans í gær og marglýsti andúð sinni á því sem
hann kallaði „start/stopp eða stopp/stopp eða hand-
bremsustopp í atvinnumálum.“ Yfirskrift stefnu-
skrárinnar er enda „Árangur áfram – ekkert stopp.“
Stefnuskráin nær til sautján málaflokka og að sögn
Jóns kostar framkvæmd hennar, í áföngum á fjórum
árum, á annan tug milljarða króna.
Af einstökum liðum er hækkun skattleysismarka
kostnaðarsömust en útreikningar framsóknarmanna
sýna að hækkun þeirra í hundrað þúsund krónur kosti
10,4 milljarða króna.
Heilbrigðisráðherra, Siv Friðleifsdóttir, upplýsti að
kostnaður við breytingu fjölbýla á dvalar- og hjúkr-
unarheimilum í einbýli kostaði á bilinu tvo til þrjá
milljarða og að lækkun virðisaukaskatts á lyfjum
kostaði á milli fjögur og sex hundruð milljónir. Ekki
fékkst uppgefið hve mikið lækkun skatts á barnavör-
um kostar. Siv sagði einnig að hækkun frítekjumarks
atvinnutekna lífeyrisþega í 600 þúsund á ári kostaði
á þriðja hundrað milljónir og 300 þúsund króna frí-
tekjumark á greiðslur úr lífeyrissjóðum kostaði 3,4
milljarða.
Framsóknarmenn vilja afnema stimpilgjöld enda
„hamlandi og úrelt,“ að sögn Guðna Ágústssonar
varaformanns. Árið 2005 námu tekjur ríkissjóðs af
stimpilgjöldum níu milljörðum króna.
Annars sagði Guðni landbúnaðinn í gríðarlegri
sókn, ekki síst hrossabúskap. „Það má segja að ís-
lenski hesturinn sé stóriðja sveitanna,“ sagði land-
búnaðarráðherra og kvað byggðirnar almennt rísa til
mikillar sóknar þó á því væru undantekningar.
Valgerður Sverrisdóttir utanríkisráðherra sagði
samfélagið þurfa stórsókn á sviði menntunar, ný-
sköpunar og sprotastarfsemi og að slík sókn þyrfti að
ná til alls landsins.
Framsóknarmenn segjast vilja tryggja afkomu-
öryggi í öllum byggðum og sagði Jón Sigurðsson að-
spurður það merkja að þjóðin ætti öll að vera sam-
ferða; einstaka byggðir ættu ekki að verða útund-
an. Þó þyrftu menn sums staðar að leita sér vinnu í
næsta byggðalag.
Aðild að Evrópusambandinu er ekki á stefnuskrá
Framsóknar og sagði utanríkisráðherra að lækka
þyrfti vexti og verðbólgu áður en afstaða væri tekin
til hvort aðild þjónaði hagsmunum Íslendinga.
Skattleysismörkin
verði 100.000 krónur
Framsóknarmenn vilja hækka skattleysismörk, afnema stimpilgjöld og gera leik-
skólana gjaldfrjálsa. Miða á lán Íbúðalánasjóðs við markaðsverð og lækka skatt
á lyfjum. Formaður flokksins segir stefnumálin kosta á annan tug milljarða.
Fékkst þú páskaegg?
Líður þér betur í millilanda-
flugi eftir að öryggisreglur voru
hertar?
Líklegt er talið að fíkniefnasmyglarar
hafi klippt göt á girðinguna umhverfis fangelsið
Litla-Hraun en fangaverðir tóku eftir þeim á föstu-
daginn langa. Að sögn lögreglunnar á Selfossi, sem
rannsakar málið, hafði verið klippt bæði á ytri og
innri girðingar frá jörðu og hálfan metra upp. Telur
lögreglan að það sé nógu stórt gat fyrir fullvaxinn
mann.
Lögreglan telur ekki að um flóttatilraun hafi
verið að ræða en grunar að göt hafi verið klippt á
girðingarnar utan frá í því skyni að koma fíkniefn-
um inn í fangelsið. Sú smyglaðferð er nýstárleg
að sögn Selfosslögreglu og er ekki vitað til þess að
henni hafi verið beitt áður í fangelsinu.
Svæðið þar sem götin voru klippt er vaktað með
eftirlitsmyndavélum og var verið að fara yfir
myndbönd úr þeim í gær. Lögreglan sagðist hafa
fengið ákveðnar vísbendingar um hvað hefði átt
sér stað en varðist frétta að öðru leyti. Málið er
enn í rannsókn.
Tvær konur voru fluttar með
sjúkrabifreið á Sjúkrahús Akra-
ness í gærkvöld eftir að fólksbif-
reið sem þær voru í rakst á jeppa-
bifreið á Vesturlandsvegi við
Beitistaði í Leirár- og Melasveit.
Að sögn lögreglunnar í Borgar-
nesi þurfti að klippa ökumann
fólksbílsins, konu á þrítugsaldri,
úr flakinu en auk hennar slasaðist
kona á sjötugsaldri.
Áreksturinn varð þegar önnur
bifreiðin reyndi framúrakstur en
við það rákust bifreiðarnar saman
og fóru út af veginum. Að sögn
lögreglu voru þær þó ekki á mikl-
um hraða og því fór betur en á
horfðist.
Tvær konur flutt-
ar á sjúkrahús