Fréttablaðið - 11.04.2007, Blaðsíða 8

www.hi.is
ÍS
L
E
N
S
K
A
/S
IA
.I
S
/H
S
K
3
70
84
0
4/
07
Spennandi kostir í framhaldsnámi
Gott nám og rétt val þess er farsæl leið til lífsgæða og aukinna möguleika í starfi.
Við félagsvísindadeild Háskóla Íslands bjóðast margir spennandi kostir í námi hjá
hæfum og reyndum kennurum.
Góðar aðstæður til náms • Fjölbreytni og sveigjanleiki • Starfstengt rannsóknarnám
Nám með starfi • Nám stutt rannsóknum kennara
Félagsvísindadeild Háskóla Íslands
Odda v/Sturlugötu, 101 Reykjavík
Sími 525-4502, felvisd@hi.is
FÉLAGSVÍSINDI – Í ÞÁGU FRAMFARA
FÉLAGSVÍSINDADEILD
Doktorsnám í öllum greinum. Allar upplýsingar á www.felags.hi.is
Umsóknarfrestur um meistara- og doktorsnám er til 16. apríl
• MLIS-nám í bókasafns- og upplýsingafræði
• Cand. psych.-nám í sálfræði
• MA-nám og diplómanám í uppeldis-
og menntunarfræði
• MA-nám og diplómanám í kennslufræði til
kennsluréttinda
• MA-nám og diplómanám í fötlunarfræði
• MA-nám og diplómanám í félagsfræði
• MA-nám í blaða- og fréttamennsku
• MA-nám og diplómanám í náms- og starfsráðgjöf
• MA-nám og diplómanám í kynjafræði
• MSW-nám í félagsráðgjöf
• MA-nám og diplómanám í félagsráðgjöf
• MA-nám í öldrunarfræðum
• MA-nám í mannfræði
• MA-nám og diplómanám í þróunarfræðum
• MA-nám í þjóðfræði
• MA-nám í hagnýtri þjóðfræði
• MPA-nám og diplómanám í opinberri stjórnsýslu
• MA-nám og diplómanám í alþjóðasamskiptum
• MA-nám í stjórnmálafræði
Frá hvaða bæ í Færeyjum
er Jógvan Hansen sem vann
X-factor?
Hvað heitir forseti Írans?
Hver hyggst skrifa ævisögu
Maríu Magdalenu?
Línubáturinn Ísbjörg ÍS-69 var dreginn til hafnar á Ísafirði rétt
fyrir hádegi í gær eftir að hafa orðið vélarvana um hálfa sjómílu
norðaustur af Arnarnesi í Skutulsfirði. Ástæða vélarbilunarinnar er
talin vera sú að sjór komst í vélarrúm bátsins.
Björgunarsveitir og -skip voru kölluð út og báturinn Valur ÍS-20,
sem var í námunda við Ísbjörgu, var beðinn um að koma henni til
aðstoðar. Hann var þegar kominn með Ísbjörgu í tog þegar björgun-
arskipið Gunnar Friðriksson kom að og var þá einnig búið að koma
í veg fyrir lekann. Björgunarskipið tók þá við Ísbjörgu og dró að
landi. Tveggja manna áhöfn bátsins sakaði ekki.
Gjaldtaka í menntakerfinu og í heil-
brigðisþjónustu hefur verið aukin jafnt og þétt á
undanförnum árum. Það eykur misréttið í sam-
félaginu og býr til alls konar þröskulda sem við
viljum burt.
Þetta segir Ögmundur Jónasson hjá Vinstri-
hreyfingunni - grænu framboði sem í gær kynnti
aðgerðir flokks síns til að bæta kjör þeirra sem
minnstar hafa tekjurnar og búa við erfiðust kjör.
„Við ætlum að útrýma fátækt í landinu. Við erum
meðal ríkustu þjóða í heimi og höfum alla burði
til þess.“
Athuganir VG benda til að nú sé erfiðara að
vera tekjulítill og sjúkur en þegar ríkisstjórnar-
samstarf Sjálfstæðisflokks og Framsóknarflokks
hófst 1995. Sama máli gegni um að vera tekjulítill
og húsnæðislaus og tekjulítill og með börn á fram-
færi. „Það er falleinkunn fyrir þessa ríkisstjórn
og forgangsverkefni að snúa þessu við,“ segir Ög-
mundur sem telur að aðgerðaáætlun flokksins
kosti á bilinu 10 til 12 milljarða króna á ári.
Tugir jarðskjálfta að
styrkleika um þrír á Richters-
kvarða urðu í jarðskjálftahrinu
sem hófst á Reykjaneshrygg
klukkan 22.30 í fyrrakvöld. Sam-
kvæmt upplýsingum frá Veður-
stofu Íslands var skjálftahrin-
an um 30 kílómetra suðvestur af
Reykjanesi. Stærsti skjálftinn var
3,7 á Ricther. Hrinan stóð til um
klukkan tíu í gærmorgun. Slíkar
jarðskjálftahrinur eru algengar
á þessu svæði að því er segir í til-
kynningu Veðurstofunnar.
Snarpir kippir á
Reykaneshrygg
Sænska arkitektastofan Mon-
arken sigraði í fjölþjóðlegri samkeppni um
hönnun nýrra höfuðstöðva fyrir Glitni. Byggt
verður upp að núverandi höfuðstöðvum fyrir-
tækisins og á svokallaðri Strætólóð sem Glitn-
ir keypti af Reykjavíkurborg í fyrra.
„Fyrir okkur er þetta vitanlega mjög mikil-
vægur áfangi,“ sagði Bjarni Ármannsson, for-
stjóri Glitnis, þegar hann kynnti úrslit sam-
keppninnar í gær. Sagði Bjarni Glitni mundu
vinna áfram að verkefninu í samvinnu við ná-
granna sína í Laugarnesi og Reykjavíkurborg
með hagsmuni allra aðilanna í huga.
Forstjórinn sagði að meðal annars hefði
verið lögð áhersla á að ná samhljómi við nú-
verandi byggð í Laugarnesi. Einnig hefði verið
lögð áhersla á skjól fyrir veðri og vindum og
auðvelt aðgengi fyrir bæði íbúa í hverfinu og
viðskiptavini og starfsfólk. Sömuleiðis væri
ætlunin að nýju höfuðstöðvarnar settu sterk-
an svip á umhverfið. Dómnefndin hefði verið
einhuga í vali sínu á tillögunni sem reyndist
vera frá sænsku arkitektunum Andreas Her-
mansson, Andreas Hiller og Samuel Lundberg
á teiknistofunni Monarken. Lundberg tók við
verðlaununum fyrir þeirra hönd í gær.
Bjarni sagði frá því að þegar forveri Glitnis
hefði flutt í núverandi húsnæði á Kirkjusandi
árið 1995 hefðu starfsmenn fyrirtækisins verið
500 talsins. Allir hefðu þeir starfað á Íslandi. Í
dag væru starfsmenn Glitnis um 1.800 í ellefu
löndum. Hann sagði að þótt mesti vöxtur fyr-
irtækisins væri í útlöndum væri enn ekki séð
fyrir endann á vextinum hér heima. Í ljósi þess
væri ráðist í gerð nýrra höfuðstöðva. Af 42 til-
lögum sem bárust voru sex valdar til þátttöku
á síðara þrep samkeppninnar. Af þeim voru
þrjár íslenskar. Fyrir það hlutu hönnuðir til-
lagnanna sex 30 þúsund evrur hver.
Að auki fékk vinningstillagan 50 þúsund
evrur og tillögurnar í öðru til þriðja sæti 20
þúsund evrur. Samtals greiddi bankinn því í
gær 270 þúsund evrur í viðurkenningarskyni
til þeirra sex hönnuða sem náðu lengst. Upp-
hæðin svarar til ríflega 24 milljóna króna.
Svíar unnu samkeppni Glitnis
Bjarni Ármannsson forstjóri segir skipulagningu nýrra höfuðstöðva Glitnis á Kirkjusandi verða unna með
borgaryfirvöldum og í sátt við íbúa í Laugarnesi. Sænskir arkitektar unnu samkeppni um hönnunina.