Fréttablaðið - 30.05.2007, Page 28

30. MAÍ 2007 MIÐVIKUDAGUR10 fréttablaðið bjartir dagar
Útitónleikarnir „Hafnarfjörður
rokkar“ verða haldnir á Thors-
plani í Hafnarfirði á fimmtu-
dagskvöld. Fjölmargir þekktir
flytjendur stíga á svið og verður
stemningin án efa prýðileg.
Magni úr hljómsveitinni Á móti
sól kemur fram einn með kassa-
gítarinn. „Ég er ekki búinn að
ákveða hvað ég ætla að spila. Ætli
ég ákveði það nokkuð fyrr en ég
er á leiðinni,“ segir Magni. „Ætli
ég endi ekki á því að taka eitthvað
sem allir þekkja. Ég tek bara trú-
badorinn á þetta, persónulega
trúbadorinn,“ segir hann og hlær.
Hlakkar hann til að spila á útitón-
leikunum og hefur engar áhyggj-
ur af því ef kalt verður í veðri.
„Við í Á móti sól spiluðum 10.
janúar á útitónleikum, þannig að
maður er vanur ýmsu.“
NÝTT FRÁ MÍNUS
Magni hefur leik um kl. átta en
hljómsveitin Mínus lýkur kvöld-
inu með rokki og róli af bestu
gerð. Mínus verður með ný lög í
farteskinu enda gaf hún nýlega
út sína fjórðu breiðskífu, The
Great Northern Whalekill, sem
hefur fengið góðar viðtökur.
EFNILEGT ÚR HAFNARFIRÐI
Aðrar hljómsveitir sem stíga á
svið verða Sign, sem kom nýverið
heim úr tónleikaferð um Bret-
land, Þrumukettir og hafnfirsku
sveitirnar Mystic Dragon, Gras-
rætur og Æsir.
„Þetta eru ungar og upprenn-
andi sveitir og þær byrja dag-
skrána,“ segir Páll Arnar Svein-
björnsson, sem hefur unnið að
skipulagningu tónleikanna. „Tón-
leikarnir hafa ekki verið með
þessu sniði síðan 2003, sem stórir
útitónleikar. Við vonumst til þess
að það mæti múgur og margmenni
á Thorsplanið,“ segir hann.
Kynnir tónleikanna, sem hefj-
ast klukkan 20, verður Ólafur
Páll Gunnarsson, útvarpsmaður
á Rás 2, sem er einmitt búsettur í
Hafnarfirði.
Rokk og ról á Thorsplani
Rokksveitin Mínus lýkur útitónleikunum Hafnarfjörður rokkar með þéttri spilamennsku.
Hafnfirska hljómsveitin Sign stígur á svið á fimmtudagskvöld
eftir vel heppnaða tónleikaferð um Bretland.
Magni ætlar að vera einn með kassagítarinn á útitónleik-
unum. Hefur hann leik um áttaleytið.
SKUNKFUNK - LEE- WRANGLER
SARA KEIR DESIGN- ZENTO SKART & TÖSKUR
REPEAT DK. - VIA-VAI SKÓR VÆNTANLEGIR
ALLT FYRIR LÍKAMANN OG ANDLIT ÚR
DAUÐAHAFINU
OROBLU - ERMAR- LEGGINGS - HAUSKÚPUKLÚTAR
- ARAFAT SLÆÐUR OG MARGT FLEIRA
BRAZILIAN TAN BRÚNKUKREM
Sumarvörurnar komnar!
LOVE LINE KREMIN
- MAXIM SVITASTOPPARINN SEM ER AÐ SLÁ Í GEGN Á ÍSLANDI
Firði, 2. hæð • Sími 533 3931