Fréttablaðið - 21.06.2007, Page 63

Nýjasta mynd sænska leikstjór-
ans Lasses Hallström byggir á ævi
bandaríska rithöfundarins Cliffords
Irving sem vann sér það helst til
frægðar að rita ævisögu milljarða-
mæringsins og sérvitringsins How-
ards Hughes í óþökk viðfangsins.
Sagan sjálf er virkilega spenn-
andi og skemmtileg. Framadraum-
ar Irvings verða að engu þegar eng-
inn vill líta við skáldverkum hans en
fyrir óttalega tilviljun hnýtur hann
um þá hugmynd að skrifa ævisögu
manns sem ekki hefur komið fram
opinberlega í áratugi. Biturleiki
hans og frægðarfýsn drífur hann
áfram í blekkingarleiknum meðan
hann skáldar ævisögu Hughes og
hefur útgefendur sína að fíflum.
Hann nær jafnframt að draga konu
sína (Harden) og besta vin (Molina)
inn í hasarinn.
Grín og galsafullur háski snýst
fljótt upp í örvæntingu og geðveiki
þegar seðlabúntin hrannast upp og
blóðhundar Hughes komast á spor-
ið. Inn í þetta blandast síðan lagleg-
ur slatti af pólitík þar sem skúrkur-
inn Nixon kemur við sögu enda er
ýjað að spilltum tengslum hans við
Hughes. Peðið Irving spilar sig stórt
og fallið er hátt.
Hallström gerir afbragðs spennu-
mynd og karakterstúdíu úr þessum
efniviði sínum. Myndin er lúmskt
fyndin og afar vel leikin, ég tek
ofan hattinn og ét hann fyrir
Richard Gere sem hér sýnir loks-
ins af hverju hann er titlaður leik-
ari. Alfred Molina á stórleik í hlut-
verki taugastrekkta rannsakandans
Susskind sem Irving tælir til þátt-
töku í skrípaleiknum. Hann er kind-
arlegur maður sem varpar enn skýr-
ara ljósi á veilu Irvings sem er hætt-
ur að greina milli skáldskaparins og
veruleikans, milli sín og Hughes.
Afbragðsleikarar fara einnig með
smærri rullur í myndinni, til dæmis
Stanley Tucci og Julie Delphy.
Útlit myndarinnar er í alla staði
frábært, svalar sviðsetningar, tíma-
vísanir og músíkin eftirminnileg.
Hreint lygilegt
Kanadíska rafdúóið Chromeo,
bandaríska hljómsveitin Annu-
als, Bonde de Role frá Brasilíu og
færeyska sveitin Boys in a Band
hafa bæst í hóp þeirra hljómsveita
sem koma fram á tónlistarhátíð-
inni Iceland Airwaves sem verður
haldin 17. til 21. október.
Fyrsta plata Chromeo, She´s in
Control, hefur vakið mikla athygli.
Leikur sveitin dansvænt popp í
anda Hot Chip. Rokksveitin Annu-
als sló í gegn á South By South-
west-hátíðinni í Texas ásamt dans-
pönksveitinni Bonde do Role.
Þegar hafa um fimmtíu atriði
verið staðfest á Iceland Airwaves.
Umsóknarfrestur íslenskra lista-
manna og hljómsveita til að spila á
hátíðinni rennur út 15. júlí. Hægt
er að ná í eyðublað á www.ice-
landairwaves.com. Einnig er hægt
að sækja um í gegnum Sonicbids
á síðunni www.sonicbids.com/ice-
landairwaves.
Fleiri bætast við
Tískuhönnuðurinn Gianfranco
Ferre lést á San Raffaelle spítala
í Mílanó að kvöldi sunnudags eftir
að hafa fengið alvarlegt heilablóð-
fall. Ferre, sem var aðeins 62 ára
gamall, er einn þekktasti fata-
hönnuður Ítalíu og hefur fengið
fjölmörg verðlaun fyrir hönnun
sína. Hann var stundum kallaður
„arkitekt tískunnar“ enda var
hann menntaður sem slíkur og
snið sumra flíka hans minntu helst
á flókna skúlptúra.
„Hann var mjög heiðarleg per-
sóna. Myndin sem kemur upp í
hugann er virðingarfullur maður
sem var rólyndur og ábyrgðarfull-
ur,“ sagði Giorgio Armani þegar
hann heyrði af dauða Ferre. „Ég
fylgdist alltaf með því sem hann
gerði og dáðist að gáfum hans og
listhneigð sem einkenndi hönnun
hans í gegnum árin. Hann var
herramaður annars tíma og frá-
bær hátískuhönnuður.“
Gianfranco Ferre á að baki
glæstan feril. Hann opnaði sitt
eigið tískuhús árið 1974, aðeins
þrítugur og var yfirhönnuður
Christian Dior árin 1989-1997.
Gianfranco heitinn hefur þó ekki
ennþá sýnt sína síðustu tískusýn-
ingu enda verður herralína hans
fyrir sumarið 2008 sýnd í Mílanó
næsta sunnudag.
Arkitekt tískunnar látinn
Tónlistarkonan Lay Low mun
semja tónlistina fyrir leikritið
Ökutímar sem verður sett upp hjá
Leikfélagi Akureyrar í október.
Hún mun einnig flytja tónlistina
á sýningunni.
Ökutímar, eða How I Learned
to Drive, er bandarískt verð-
launaverk sem hefur farið sigur-
för um heiminn en hefur aldrei
verið sýnt hérlendis. Vann það
til Pulitzer-verðlaunanna á sínum
tíma. Lay Low er ekki eina þekkta
nafnið sem er að semja tónlist
fyrir Leikfélag Akureyrar því
Jón Ólafsson er einnig að því
fyrir Óvitana sem verður frum-
sýnt í september.
Semur fyrir Ökutíma
Fiskislóð 1 • Sími 580 8500 • www.ellingsen.is