Fréttablaðið - 12.07.2007, Blaðsíða 57

[Hlutabréf]
Fiskislóð 1 • Sími 580 8500 • www.ellingsen.is
Opið mánudaga–föstudaga 8–18,
laugardaga 10–16 og sunnudaga 12–16
Verðbólga er yfir spám
greiningardeilda bankanna sam-
kvæmt mælingu Hagstofunnar í
júlí. 12 mánaða verðbólga er þó
komin niður fyrir 4,0 prósenta efri
þolmörk Seðlabankans og stendur
nú í 3,8 prósentum. Tólf mánaða
verðbólga hefur ekki mælst lægri
síðan í ágúst 2005.
Spár greiningardeilda hlupu á
bilinu 0,1 prósents lækkun og yfir
í 0,1 prósents hækkun á vísitölunni
milli mánaða, en hún reyndist svo
0,22 prósent.
„Húsnæðisverð er áfram mikill
áhrifavaldur í verðlagsmælingum
og dregur vagninn í nýjustu
hækkunum á vísitölu neysluverðs
eins og svo oft áður undanfarin
misseri,“ segir Gunnar Árnason
sérfræðingur efnahagsmála hjá
Byri sparisjóði. Hann telur þó ekki
það eitt áhyggjuefni að umsvif á
fasteignamarkaði virðast vera að
aukast lítillega á nýjan leik eftir
sýnilegan samdrátt á síðari hluta
síðasta árs og byrjun þessa.
„Spár um áframhaldandi hratt
minnkandi hagvöxt á yfirstandandi
ári og því næsta eru líklegar til að
ganga eftir eins og mál standa. Í
ljósi þess er sérstakt að Seðlabanki
Íslands kjósi að halda stýrivöxtum
sínum svo háum og lýsi yfir
óbreyttum vöxtum fram á næsta
ár,“ segir hann og bendir á að tólf
mánaða verðbólga sé nú undir
þolmörkum bankans og telur ekki
líkur á miklum viðsnúningi á þeirri
þróun á næstunni, enda megi reikna
með að styrking á gengi krónunnar
komi fram í lægra innflutningsverði
á vörum og þjónustu.
Greiningardeild Landsbanka
Íslands rekur meiri verðbólgu en
gert var ráð fyrir til töluverðra
hækkana á heilsugæslu, tóm-
stundum og menningu og matvöru,
auk kostnaðar vegna eigin
húsnæðis. „Sumarútsölur eru víðast
hvar komnar á fullt skrið en þær
valda um 0,4 prósenta lækkun á
vísitölunni í júlí. Hefðu útsölur ekki
valdi fyrrnefndri lækkun á vísitölu
neysluverðs hefði verðlag hækkað
um hátt í 0,7 prósent í mánuðinum,“
segir í greiningu bankans og bent á
að útsöluáhrif séu tímabundin og
megið því búast við að verð hækki
aftur í sama horf. „Það er því enn
mikill verðbólguþrýstingur í
hagkerfinu.“
Greiningardeild Kaupþings
hefur eftir Hagstofunni að
fasteignaverð á landinu öllu hafi
hækkað að meðaltali um 1,6
prósent milli mánaða síðustu þrjá
mánuði. „Mikil þensla er á
fasteignamarkaði um þessar
mundir, umsvif hafa aukist
töluvert á síðustu mánuðum en
fjöldi þinglýstra kaupsamninga á
höfuðborgarsvæðinu í júní
síðastliðnum hefur ekki mælst
hærri frá því í lok árs 2004,“ segir
greiningardeildin, en gerir þó ráð
fyrir hægari umsvifum á
fasteignamarkaði þegar líða tekur
á árið. Er það sagt munu gerast
samhliða hækkandi vöxtum
íbúalána og erfiðara aðgengi að
lánsfé.
Fasteignirnar
draga vagninn
Vísitala neysluverðs hækkaði um 0,22 prósent í júlí
og mælist 3,8 prósent. Verðbólga væri meiri ef ekki
hefðu komið til útsölur.
Hinn færeyski Eik banki var í
gærmorgun frumskráður í kaup-
hallirnar á Íslandi og í Danmörku.
Skráningin fór fram í Þórshöfn
við hátíðlega athöfn.
Viðskipti í Eik banka fóru nokk-
uð fjörlega af stað. Útboðsgengi
bréfa í félaginu var 575 danskar
krónur, en við lok markaðar stóðu
bréfin í 735 dönskum krónum.
Veltan nam alls réttum 120 millj-
ónum íslenskra króna í 118 við-
skiptum.
Eik banki er annar færeyski
bankinn sem skráður er í Kaup-
höll Íslands á árinu, en Föroya
Bank var skráður á markað að
loknu almennu hlutafjárútboði
fyrir rúmum tveimur vikum. Alls
eru nú þrjú færeysk félög í kaup-
höllinni, en olíuleitarfélagið Atl-
antic Petroleum reið á vaðið í
fyrrasumar.
Marner Jacobsen, forstjóri Eik
banka, hefur sagt söguleg tengsl
þjóðanna tveggja auk mikilvægis
þess að bankinn sé sýnilegur fjöl-
mörgum íslenskum hluthöfum,
hafa ráðið mestu um að ákveðið
var að skrá Eik í Reykjavík.
Eik skráð á markað