Fréttablaðið - 12.07.2007, Page 72

Drukknaði ekki í djúpu lauginni
Valsmenn tryggðu sér
sæti í átta liða úrslitum VISA-bik-
ars karla með því að vinna
nágranna sína og erkifjendur í KR
í vítakeppni á KR-vellinum í fyrra-
kvöld. Valsmenn þurftu reyndar
aðeins þrjár umferðir til að gera
út um vítakeppnina því á meðan
Valsmenn nýttu allar sínar spyrnur
tókst KR-ingum ekki að nýta eina
einustu.
Valsmenn hafa nú unnið sex
vítakeppnir í röð, eða allar sem
þeir hafa lent í undanfarna tvo
áratugi. Flestar þeirra voru á
bikarmeistaraárunum 1990 og 1991
en liðið vann þá tvær vítakeppnir
hvort árið þar sem Bjarni
Sigurðsson varði alls fimm spyrnur.
Vítakeppnin á þriðjudagskvöldið
var fyrsta vítakeppnin sem
Valsmenn lenda í síðan árið 1991.
Valsmenn hafa nýtt 24 af 28
vítaspyrnum sínum í þessum sex
vítakeppnum (86%) en mótherjar
þeirra hafa aftur á móti klikkað á
13 af 28 vítaspyrnum (46%) sem
þeir hafa tekið.
Valsmenn töpuðu síðast víta-
spyrnukeppni fyrir KA í sextán
liða úrslitum árið 1984. Valsmenn
klikkuðu á tveimur vítaspyrnum í
leiknum, Þorvaldur Jónsson varði
frá þeim Þorgrími Þráinssyni og
Guðmundi Þorbjörnssyni.
KR-ingar hafa aðeins tvisvar
sinnum tapað vítakeppni í bikarn-
um og í bæði skiptin gegn Val.
Fyrra skiptið var í sjálfum bikar-
úrslitaleiknum árið 1990 sem hafði
verið leikinn að nýju eftir 1-1 jafn-
tefli í fyrri leiknum. KR hefur
unnið hinar fimm vítakeppnirnar
sem liðið hefur lent í þar á meðal
eina í bikarkeppnum tveggja síð-
ustu sumra.
Valsmenn urðu aðeins annað
liðið í sögu bikarkeppninnar til að
vinna vítakeppni á núllinu en sum-
arið 2004 vann KA ÍBV 3-0 í víta-
keppni í átta liða úrslitum.
Valsmenn hafa unnið
sex vítakeppnir í röð
Haukar urðu á þriðju-
dagskvöldið fyrsta C-deildarliðið
sem slær úrvalsdeildarlið út úr 16
liða úrslitum bikarkeppninnar.
Haukar unnu Framara í víta-
keppni eftir að liðin höfðu gert 2-
2 jafntefli.
Haukar urðu þar með sjöunda
C-deildarliðið sem kemst svo
langt í bikarnum og það fyrsta í
átta ár, síðan Sindramenn komust
í 8 liða úrslitin 1999.
Öll hin sex C-deildarliðin höfðu
hins vegar lagt að velli lið í sömu
deild eða í deildinni fyrir ofan til
þess að komast í gegnum 16 liða
úrslitin.
Sögulegt hjá
Haukum
Amir Mehica, mark-
vörður Hauka, varð á þriðjudags-
kvöldið þriðji markvörðurinn í
sögu aðalkeppni bikarsins sem
nær að verja þrjár vítaspyrnur í
einni og sömu vítakeppninni. Amir
varði víti frá Frömurunum Grími
Birni Grímssyni, Óðni Árnasyni og
Daða Guðmundssyni. og tryggði 2.
deildarliðunum sæti í átta liða
úrslitunum.
Hinir tveir markverðirnir sem
hafa náð að verja þrjú víti eru
Keflvíkingurinn Þorsteinn
Bjarnason í 16 liða úrslitum gegn
Selfossi 1988 og KA-maðurinn
Sandor Matus í átta liða úrslitun-
um gegn ÍBV 2004.
Sá þriðji sem
ver þrjú víti
„Ég var að taka á móti
boltanum og reyndi að skýla
boltanum fyrir andstæðingnum.
Síðan kom hann á ferðinni og fór
beint í löppina sem ég stóð í.
Sársaukinn var mikill og ég fann
það strax að eitthvað hefði slitn-
að eða brotnað,“ sagði Hafþór
Ægir í samtali við Fréttablaðið í
gær þar sem hann lá uppi í rúmi
með löppina upp í loft. Óhappið
átti sér stað á 7. mínútu leiksins í
gær og var leikmaðurinn fluttur
með sjúkrabíl frá Frostaskjól-
inu.
Ljóst er að Hafþór er ekki brot-
inn en hann er með slitið liðband
í ökkla og getur orðið frá keppni
í allt að tvo mánuði. Ef endur-
hæfing gengur vel gæti hann
verið byrjaður að spila á ný eftir
rúman mánuð.
Leikmenn KR mættu mjög
grimmir til leiks í fyrradag og
ætluðu greinilega að berjast
fyrir hverjum einasta bolta. Vals-
menn voru ekki sáttir með helst
til of mikla ákefð leikmanna KR
framan af leik, en margir leik-
menn Vals þurftu á aðhlynningu
að halda eftir leikinn. „Liðið
hefur aldrei verið eins laskað
eftir einn leik síðan ég byrjaði
með það fyrir sjö árum,“ segir
sjúkraþjálfarinn Friðrik Ellert
Jónsson.
Auk Hafþórs þurfti Baldur
Ingimar Aðalsteinsson að fara af
velli vegna meiðsla og Gunnar
Einarsson fékk heilahristing. Atli
Sveinn Þórarinsson handar-
brotnaði í upphafi leiks og þá
kláruðu Pálmi Rafn Pálmason og
Barry Smith leikinn þrátt fyrir
að hafa fengið þung högg.
Hvað varðar samstuðið við
hinn 19 ára gamla Ásgeir Örn
segir Hafþór að hann hafi farið
allt of geyst í tæklinguna. „Þetta
á ekki að sjást á vellinum. Þessi
leikmaður er eins og illa tamið
ljón og var með glórulausar
tæklingar úti um allan völl. Hann
er vissulega að reyna að sanna
sig fyrir þjálfaranum en fyrr má
nú vera,“ sagði Hafþór en tók
einnig skýrt fram að hann bæri
engan kala til Ásgeirs. „Ég efast
um að hann hafi gert þetta
viljandi og svona óhöpp eru
einfaldlega hluti af boltanum.“
Ásgeir Örn sagði við Frétta-
blaðið að um algjört óviljaverk
hefði verið að ræða. „Þetta var
50/50 bolti og ég reyndi að ná
honum en því miður fór þetta
svona. Þetta var einfaldlega leið-
indaatvik í miklum baráttuleik,“
útskýrði Ásgeir og bætti því við
að hann hygðist hafa samband
við Hafþór og biðja hann afsök-
unar.
Hafþór hafði verið að spila
mjög vel í undanförnum leikjum
Vals auk þess sem erlend félög
höfðu verið að fylgjast með
honum. Þá eru verkefni fram
undan með U-21 árs landsliðinu
þar sem Hafþór er lykilmaður.
„Vissulega koma þessi meiðsli
á slæmum tíma en ég stefni á að
ná einhverjum leikjum í lok sum-
ars. Meiðsli eru alltaf leiðinleg
en það má ekki svekkja sig um of.
Það er til margt verra en þetta.“
Slitið liðband, handarbrot og heilahristingur var á meðal þess sem beið sjúkraþjálfara Vals eftir leikinn
gegn KR í VISA-bikarnum í fyrradag. Hafþór Ægir Vilhjálmsson segist heppinn að hafa sloppið við fótbrot
eftir samstuð við Ásgeir Örn Ólafsson í upphafi leiks. Algjört óviljaverk, segir Ásgeir.