Fréttablaðið - 30.07.2007, Blaðsíða 8

Settir hafa verið upp
105 sendar fyrir Tetra-fjarskipta-
kerfið sem þjónar neyðarþjónustu
hvers konar. Ráðgert er að leggja
niður eldra fjarskiptakerfi sem
almannavarnir Ríkislögreglustjóra
hafa rekið, en þó ekki fyrr en
almannavarnanefndir hafa keypt
nýjan búnað.
Tetra er stafrænt talstöðva- og
farsímakerfi sem hannað er fyrir
neyðarþjónustu. Kerfið nær til
stórs hluta af þjóðvegum landsins,
ásamt miklum hluta hálendisins.
Meðal þeirra sem nýta kerfið eru
Neyðarlínan, lögregla og slökkvi-
lið, og nú bætast almannavarnir og
björgunarsveitir við. Almanna-
varnir hafa rekið eldra fjarskipta-
kerfi árum saman en það verður
lagt niður þegar Tetra-kerfið verð-
ur komið að fullu í gagnið.
„Sendarnir og annað sem þarf að
setja upp er að heita má komið, svo
fer það eftir almannavarnanefnd-
um á hverjum stað hvenær verður
klárað að skipta þessu út,“ segir
Víðir Reynisson, deildarstjóri
almannavarnadeildar Ríkislög-
reglustjóra. Hann segist reikna
með að það verði fljótlega, í öllu
falli fyrir næstu áramót.
Búið er að setja upp 105 senda,
og nær útbreiðsla Tetra-kerfisins
nú til mestalls landsins. Reiknað er
með að sendarnir verði að endingu
um 150 talsins, og segir Víðir að
þeir 45 sendar sem eftir sé að setja
upp muni stoppa upp í eitthvað af
þeim götum sem nú eru á kerfinu,
svo sem á hálendinu.
Fjarskiptaráð björgunarsveita
hefur ráðlagt björgunarsveitum
hvaða búnað þær þurfi. Víðir segir
að svo til daglega berist fréttir af
því að björgunarsveitir hafi tekið
tækin í notkun. Björgunarsveitirn-
ar ætla engu að síður að reka sitt
kerfi áfram um óákveðinn tíma.
„Þetta mun hafa í för með sér
algera byltingu fyrir stjórn
aðgerða, og hefur raunar haft þau
áhrif nú þegar,“ segir Víðir. Með
gamla kerfinu náði samband stjórn-
stöðvar almannavarna í Skógarhlíð
aðeins til suðvesturhorns landsins,
upp á Snæfellsnes og að Vest-
mannaeyjum. Í Tetra-kerfinu sé
hægt að tala beint við þá sem standi
í aðgerðum víðast hvar á landinu, í
stað þess að treysta á símasam-
band.
Tetra leysir eldra fjar-
skiptakerfi af hólmi
Búið er að setja upp 105 af 150 sendum sem ráðgert er að setja upp fyrir Tetra-
fjarskiptakerfið. Almannavarnanefndir munu skipta um kerfi fyrir áramót. Til
stendur að leggja eldra fjarskiptakerfi almannavarna Ríkislögreglustjóra niður.
„Við erum að tala við
drengi og karlmenn um alvarleika
nauðgana,“
segir Gísli
Hrafn Atla-
son, talsmað-
ur karlahóps
Femínistafé-
lagsins. Átak-
ið „Karlmenn
segja NEI við
nauðgunum“
hefst form-
lega á mið-
vikudag.
„Við erum að ræða svolítið um
goðsagnir um nauðganir og benda
á þá ábyrgð sem við getum borið á
umræðunni í samfélaginu,“ segir
Gísli. Hluti af hópnum fór á
Franska daga á Fáskrúðsfirði um
helgina, en átakið verður form-
lega opnað á miðvikudagskvöld
þegar haldnir verða stórtónleikar
með níu hljómsveitum.
Tónleikarnir eru í samstarfi við
V-dags samtökin og Jafningja-
fræðsluna og marka upphaf her-
ferðarinnar. Menn frá karlahópn-
um munu svo standa vaktina fyrir
utan vínbúðir og tala við vegfar-
endur. Jafnframt mun hópur fara
á þjóðhátíð í Eyjum og á Eina með
öllu á Akureyri.
„Á staðina fara tuttugu manns,
svo að allir sem hafa verið að
koma að þessu eru um fjörutíu. Og
þá er ég ekki að telja hljóm-
sveitirnar með,“ segir Gísli.
Fræða karlmenn um nauðganir
Síðustu umferð Norður-
landamótsins í skák lauk um
helgina og tryggði keppandi
Íslands, Lenka Ptácníková, sér
titilinn Norðurlandameistari
kvenna, eftir sigur á norsku
skákkonunni Torill Skytte.
Lenka var taplaus á mótinu og
hlaut samanlagt 9,5 vinning í
ellefu skákum. Hún heldur því
titlinum sem hún vann sér inn í
Finnlandi árið 2005.
Þess má geta að þetta er í
sjötta sinn sem íslensk kona
verður skákmeistari Norður-
landa. Áður hafði Guðlaug
Þorsteinsdóttir unnið titilinn
1975, 1977 og 1979 og Sigurlaug
R. Friðþjófsdóttir árið 1981.
Íslensk kona
skákmeistari
Einn maður liggur í
valnum og tveir aðrir eru særðir
eftir skotárásir í Manchester
síðasta föstudag. Í kjölfarið hefur
skelfing gripið um sig meðal
borgarbúa.
Lögreglu hefur ekki tekist að
finna tengsl milli árásanna, önnur
en að þær urðu um miðnætti
nálægt miðri Manchester-borg.
Borgarbúar er felmtri slegnir
yfir skotárásunum, sem eru að
verða daglegt brauð í borginni. Til
marks um það voru tveir menn
skotnir á undan í vikunni sem leið.
Sérstakan óhug vekur að
margir árásarmannanna hafa
verið á unglingsaldri. Krefjast því
margir að harðar verði tekið á
ungum afbrotamönnum.
Einn látinn og
tvær særðir
Lögreglan á Selfossi
stöðvaði í gær ungan ökumann
sem ók á 135 kílómetra hraða á
Hellisheiði. Þegar rætt var við
manninn kom í ljós að hann var
ökuréttindalaus í þokkabót, en
hann hafði verið sviptur réttindun-
um vegna umferðarlagabrota.
Maðurinn reyndist svo hafa enn
meira óhreint mjöl í pokahorninu,
því grunur vaknaði um að hann
hefði einnig verið undir áhrifum
fíkniefna við aksturinn.
Lögreglan á Selfossi stöðvaði
annan mann innanbæjar í fyrradag
sem reyndist undir áhrifum
fíkniefna.
Ók hratt, próf-
laus og á efnum
Hvers konar aðgerð undir-
gekkst Dick Cheney, varaforseti
Bandaríkjanna, nýlega?
Hversu hátt var hlutfall
útlendinga sem teknir voru fyrir
ölvunarakstur fyrri hluta 2007?
Hvernig fór leikur FH og
Keflavíkur um helgina?
Samtökin Saving Iceland
krefjast þess að fréttastofa RÚV
birti sannanir fyrir fullyrðingum
sínum um að meðlimir samtakanna
fái greitt fyrir að láta handtaka sig.
Þetta kemur fram í tilkynningu sem
samtökin sendu frá sér í gær.
RÚV sagði frá því á fimmtudag
að samkvæmt heimildum fréttastof-
unnar fengju mótmælendur greitt
fyrir að láta lögreglu handtaka sig.
Saving Iceland samtökin vísa þessu
algjörlega á bug og kalla frétta-
flutninginn rógburð. „Væri óskandi
að fréttastofa RÚV skoðaði sinn
gang betur áður en hún lætur nota
sig sem handbendi í jafn lágkúru-
legri rógsherferð,“ segir í tilkynn-
ingunni.
Segja frétt RÚV
vera rógburð