Fréttablaðið - 30.07.2007, Side 35
Þriðja hefti Ritsins, tímarits Hug-
vísindastofnunar, er komið út. Að
þessu sinni er þema greinanna í
Ritinu stríð og friður. Höfundar
fjalla um þau átök sem eiga sér
stað í frásögnum af stríðum, og
velta fyrir sér arfleifð stríða og
merkingu þeirra á friðartímum.
Myndir í heftinu eru eftir
Christian Boltanski, sem er
franskur listamaður af blönduð-
um bakgrunni, og hefur unnið
með arfleifð seinni heimsstyrj-
aldarinnar í verkum sínum. Liz
Stanley fjallar meðal annars um
ljósmyndir sem sagnfræðilegar
heimildir í grein sinni, „Svo sem í
skuggsjá, í óljósri mynd“, og
Gunnþóra Guðmundsdóttir skoð-
ar arfleifð helfararinnar og heim-
ildargildi vitnisburðarins. Rósa
Magnúsdóttir fjallar um hug-
myndir og ímyndir um óvininn í
köldu stríði í greininni Sovét-
menn og sambúðin við Bandarík-
in 1945-1959.
Í Ritinu eru að þessu sinni þrjár
aðsendar greinar. Dagný Kristj-
ánsdóttir skoðar höfundarverk
Kristínar Ómarsdóttur og Jón
Karl Helgason fjallar um skáld-
söguna Eftir örstuttan leik, eftir
Elías Mar. Magnús Fjalldal rann-
sakar þátt enskra heimilda í
Gerplu Halldórs Laxness.
Í Ritinu birtist einnig þýðing á
formála Edward W. Said að
afmælisútgáfu á bók hans,
Orientalism. Þar ræðir Said um
stríðið í Írak í samhengi þeirra
hugmynda sem hann fjallar um í
frægu verki sínu.
Síðasta Rit ársins komið út
11.00
Fyrsta sýning Rannveigar Ásbjörns-
dóttur á opinberum vettvangi
stendur nú yfir á Geysi bistro & bar á
Aðalstræti. Þar sýnir hún 33 vatns-
litamyndir undir heitinu Landslag og
blóm. Sýningin stendur yfir til 15.
ágúst.
Bjartar nætur í Iðnó
Hekla Dögg Jónsdóttir
opnaði einkasýningu sína
„Liminality“ í Nýlistasafn-
inu síðastliðinn laugardag.
Perlur, svanur og stjörnu-
haf eru á meðal þess sem
þar er að sjá.
Í sýningunni gerir Hekla Dögg
„liminality“, millibilssvæði, að
umfjöllunarefni sínu. „Ég hafði
hugsað mér að vinna einhvern
veginn með „threshold“, og var
búin að leita að útskýringu á því á
íslensku. Mér fannst ég aldrei
finna neitt hugtak sem nær yfir
það allt,“ segir Hekla. „Threshold“
er í hennar huga afar jákvætt.
„Það er svona jákvætt svæði, þar
sem maður er kannski í breytingu,
en ekki orðinn eitthvað,“ útskýrði
Hekla. „Þar kom ég niður á þetta
orð, sem sýningin heitir eftir, Lim-
inality. Það er jafnvel enn víð-
tækara en threshold, en þýðir það
sama,“ bætti hún við.
Í sýningunni gerir Hekla
umbreytinga- og millibilssvæðið
að bókstaflegu rými í salnum. „Ég
var að vinna með bæði eldri verk
og nýrri, og þá festist það ein-
hvern veginn í huga mér að ég
yrði að hafa eitthvað „threshold“.
Ég gerði það með perluvegg,“
útskýrði Hekla.
Sýningargestir koma fyrst inn í
ljóst og bjart rými, þar sem gefur
að líta eldra verk eftir Heklu,
Flying Lady 1. „Það er svolítið ein-
falt á ákveðinn hátt og mjög lítið í
björtu rýminu,“ sagði hún. Þá
ganga gestir í gegnum „thres-
hold“-svæðið. „Ég bjó til vegg úr
perlufestum, og þegar fólk er
komið þar í gegn eru þeir komnir
á þetta liminality-svæði. Þar synd-
ir svanur um í stjörnuhafi og
stjörnudropar minna á geiminn,“
sagði Hekla.
Í þriðja rýminu eru fleiri verk.
„Þar er miklu meiri þéttleiki og
hávaði, og hljóðin renna saman,“
útskýrði hún. „Sýningin minnir
líka svolítið á skemmtigarð. Þarna
er bleik golfkúla, perluveggur,
stjörnur, svanur, talandi gosbrunn-
ur og syngjandi varðeldar,“ sagði
Hekla.
Hekla Dögg býr og starfar í
Reykjavík og New York. „Ég er að
átta mig á því núna að flugvélin er
einmitt þetta threshold, þar sem
maður er á milli tveggja heima.
Svo það getur vel verið að það
skipti máli,“ sagði Hekla og hló
við.
Sýningin stendur yfir til 19.
ágúst.
10.000
AFSLÁTTUR
kr.
10.000
AFSLÁTTUR
kr.
6.000
AFSLÁTTUR
kr.
FYRS
TIR K
OMA
,
FYRS
TIR F
Á
ÁRMÚLA 11 | Sími 568-1500 | Lónsbakka | Sími 461-1070 | www.thor.is
Demants ...
... kjarnaborar: 42 - 400 mm
... slípibollar: 125 og 180 mm
... sagarblöð: 125 - 800 mm
Gæði og gott verð.