Fréttablaðið - 30.07.2007, Blaðsíða 40
„Mér líður eiginlega alveg
ótrúlega vel,“ sagði alsæl Nína
Björk Geirsdóttir við Fréttablað-
ið eftir sigur sinn á Íslandsmótinu
í gær. Nína spilaði samtals á tólf
höggum yfir pari Hvaleyrarvall-
arins en næst á eftir henni kom
Tinna Jóhannsdóttir á fimmtán
höggum yfir pari. Ragnhildur Sig-
urðardóttir varð þriðja.
„Það gekk mjög vel fyrir utan
eina holu en annars var ég að spila
nokkuð vel og get ekki verið
annað en sátt. Ég fann alveg fyrir
pressu, Ragga missti reyndar
flugið þarna í byrjun og því var
þetta í raun bara einvígi okkar
Tinnu sem var að spila mjög vel
líka. Ég varð að gera mitt allra
besta, ég náði því og það var því
mjög gott,“ sagði Nína, sem lék á
74 höggum í gær, þremur yfir
pari.
„Fyrri hringinn var þetta allt í
lagi en rigningin gerði okkur erf-
itt fyrir. Ég sló ágætlega og setti
niður nokkur góð pútt, það skipti
mig miklu máli. Annars má segja
að lykillinn að þessu sé stöðug
spilamennska, ég slapp við flest
vandræðin,“ sagði Nína.
Nína var í forystu eftir annan
hringinn og sleppti aldrei tökum á
henni. „Þetta var erfitt mót, það
er ekki auðvelt að spila undir
svona pressu. Þetta er stærsta
mótið á árinu og vissulega er
þetta mjög sætt. Ég er búin að
vera nálægt þessu svo oft,“ sagði
Nína.
Ragnhildur lenti í miklum vand-
ræðum í upphafi á lokadeginum
og skilaði inn æði skrautlegu
skorkorti. „Pútterinn minn byrj-
aði á því að vera leiðinlegur við
mig, það er kannski ósanngjarnt
að kenna honum um,“ sagði Ragn-
hildur brosmild þrátt fyrir allt en
hún þrípúttaði á tveimur fyrstu
flötunum.
„Ég mátti í raun ekkert við því
og vissi það alveg og því varð
þetta mjög erfitt. Ég reyndi að
halda áfram eins og ég gat, fékk
fugl en sló svo ofan í gjótu í tvær
brautir í röð. Ég fékk svo fugl
aftur og þrípúttaði á næstu, þetta
var því orðið mjög skrautlegt. Ég
held að 80 högg sé bara fínt miðað
við það sem ég lenti í á hringn-
um,“ sagði Ragnhildur, sem hrós-
aði Nínu sérstaklega.
„Nína átti þetta skilið; hún hefur
oft verið ansi nálægt þessu og ég
tek hattinn ofan fyrir henni. Þetta
var gott mót, stelpurnar voru að
spila æðislega vel og það var frá-
bært að spila með þeim,“ sagði
Ragnhildur.
Nína Björk Geirsdóttir fór með sigur af hólmi á Íslandsmótinu í kvennaflokki. Hún varð þremur höggum á
undan næsta keppanda en þetta var fyrsti Íslandsmeistaratitill hennar. „Þetta var mjög sætt,“ sagði Nína.
ÍR hlaut flest stig í
stigakeppni félaganna á meistara-
móti Íslands í frjálsum íþróttum
um helgina. Mótið, sem var
númer 81 í röðinni frá upphafi,
fór fram á Sauðárkróki. Tvö
meistaramótsmet féllu á mótinu
og þrjú aldursflokkamet.
Í stigakeppni félaganna sigraði
lið ÍR með 238 stig, FH varð í
öðru sæti með 216 stig og
Breiðablik í því þriðja með 145
stig. ÍR sigraði einnig í stiga-
keppni kvenna og FH í stiga-
keppni karla.
ÍR sigraði
sveitakeppnina
Fanndís Friðriksdóttir
var ein þriggja stúlkna sem
skoruðu þrjú mörk á Evrópumóti
kvennalandsliða sem lauk hér á
landi í gær. Auk Fanndísar
skoruðu þær Mary-Laure Delie
frá Frakklandi og Englendingur-
inn Ellen White þrjú mörk og
deila þær því markakóngstitil-
inum á mótinu.
Fanndís varð
markakóngur
Aldrei að vita nema maður klobbi Maldini
Þýskaland Evrópumeistari
Þjóðverjar unnu Eng-
lendinga með tveimur mörkum
gegn engu í úrslitaleik U19
kvennalandsliða sem haldið var
á Íslandi. Að loknum venjulegum
leiktíma var staðan markalaus
og því þurfti að grípa til fram-
lengingar. Þar skoruðu þær
Nathalie Bock og Monique Kers-
chowsky í síðari hálfleik hennar
og tryggðu Þjóðverjum þar með
titilinn.