Fréttablaðið - 30.07.2007, Síða 41

Tveir efstu kylfingar
Íslandsmótsins, Björgvin
Sigurbergsson og Örn Ævar
Hjartarson, náðu besta skorinu á
Íslandsmótinu um helgina. Báðir
spiluðu þeir á 68 höggum, þremur
höggum undir pari, fyrsta
keppnisdaginn. Vallarmetið á
Ólafur Már Sigurðsson, 64 högg,
sem hann setti í fyrra. Ólafur
varð þriðji á mótinu núna og hans
besti hringur var 71 högg, par
vallarins.
68 besta skorið
Feðgar spiluðu saman fyrstu
tvo keppnisdaga Íslandsmótsins.
Það voru þeir Sigurður Pétursson
og sonur hans Pétur Óskar.
Sigurður spilaði báða dagana á 75
höggum en Pétur á 79 og svo 74.
Sigurður endaði í 28. sæti á
mótinu á 20 höggum yfir pari en
Pétur varð númer 32, einu höggi
síðra.
Golffjölskyldan
spilar saman
Birgir Leifur Hafþórsson tók
sér krók út frá Evrópumótaröð-
inni til að spila á Íslandsmótinu
hér heima en gekk ekki sem skyldi.
Birgir endaði á níu höggum yfir
pari og endaði í sjöunda sæti á
mótinu. Fyrsta daginn lék Birgir á
69 höggum og var þá á meðal efstu
manna en tveir hringir þar sem
hann lék á 75 höggum settu leik
hans úr skorðum. Hann lék á 74
höggum á lokadeginum í gær.
„Þetta gekk ekki vel hjá mér í
dag. Ég spilaði á þremur yfir og
það gekk ekkert upp sem ég var að
reyna. Ég ætlaði að sækja og hitti
fín högg en endaði á vitlausum
stöðum. Þetta voru mjög erfiðar
aðstæður, sem eru auðvitað eins
fyrir alla. Púttin voru ekki að detta
og þetta var bara eitt af þessum
mótum. Þetta var bara ekki nægi-
lega gott hjá mér og ég er bara
ekki sáttur,“ sagði Birgir við
Fréttablaðið í gær.
Hann náði ekki að fylgja eftir
því góða golfi sem hann hefur sýnt
undanfarið í Evrópu. „Ég var ekki
að spila í þessu móti eins og ég hef
verið að spila. Ég þarf að slá mig í
gegnum þetta,“ sagði Birgir, sem
er á leið til Rússlands þar sem
hann keppir um næstu helgi. Hann
var þó ánægður með að koma heim
til Íslands til að spila.
„Það er mjög gaman og mótið
var skemmtilegt. Ég hefði viljað
spila betur en það eru ekki alltaf
jólin í þessu. Ég vil bara gleyma
þessu sem fyrst og halda áfram
úti því það hefur verið gott,“ sagði
Birgir. Margir bjuggust við miklu
af Birgi sem hefur staðið sig mjög
vel á Evrópumótaröðinni undan-
rið. Hvað sem líður segist atvinnu-
kylfingurinn ekki hafa fundið
fyrir pressu eða óvenju miklum
væntingum í kringum mótið.
„Nei, en það var gaman að sjá að
fólk var að koma og eflaust ein-
hverjir til að sjá mig. Ég hefði vilj-
að sýna það sem ég hef verið að
gera en svona er þetta,“ sagði
Birgir Leifur Hafþórsson.
Þetta var bara ekki nægilega gott hjá mér
Björgvin Sigurbergsson vann
glæsilegan sigur á Íslandsmótinu í
höggleik sem lauk á Hvaleyrar-
velli í gær. Björgvin er heima-
maður, sem hafði eflaust sitt að
segja, en þetta er þriðji Íslands-
meistaratitill hans. Hina vann
hann árin 1999 og 2000. Örn Ævar
Hjartarson varð annar og Ólafur
Már Sigurðsson þriðji. Íslands-
meistarinn frá því í fyrra, Sig-
mundur Einar Másson gerði ekki
atlögu að titlinum að þessu sinni
og hafnaði í 22. sæti.
Björgvin var með forystu fyrir
lokadaginn sem hann hélt allt til
enda. Hann byrjaði hringinn í gær
á því að fá skolla en eftir röð para
fékk hann tvo fugla og spilaði
fyrri níu holurnar á einu höggi
undir pari. Hann fékk svo tvo
skolla til viðbótar áður en hann
sýndi ein bestu tilþrif mótsins
þegar hann vippaði boltanum í á
sautjándu holu.
„Ég vippaði í á sautjándu og það
var lykillinn að þessu öllu,“ sagði
Björgvin við Fréttablaðið eftir
hringinn. Hann átti tvö högg á Örn
Ævar fyrir síðustu holuna og spil-
aði hana af öryggi. Eftir fínt upp-
hafshögg setti hann boltann utar-
lega í flatarkantinn til að sleppa
örugglega við vatnið, hann vippaði
svo um þrjá metra frá holu og tví-
púttaði örugglega og gulltryggði
sér sigurinn. Hann vann því með
einu höggi og spilaði samtals á
einu höggi yfir pari vallarins.
„Þetta var auðvitað bara meiri-
háttar, þetta datt með mér. Ég var
að spila skynsamlega og stöðugt
og ég vissi svona um það bil að
hverju ég gat gengið. Ég tók einni
kylfu of lítið á fjórtándu holu og
fékk skolla sem gerði þetta óþarf-
lega spennandi en þetta hafðist,“
sagði Björgvin.
Björgvin var í forystu allt mótið
og var fyrstur eftir alla keppnis-
dagana. „Ég var aldrei neitt í því
að verja forystuna mína. Ég hugs-
aði bara um að spila mitt golf,“
sagði Björgvin, sem þekkir völl-
inn mjög vel og hafði því ákveðið
forskot á marga sem hann nýtti
sér til hins ítrasta.
Veðrið í gær setti svip sinn
sterklega á mótið en það tók að
hellirigna eftir hádegið. Margir
kylfingar lentu í vandræðum
sökum þessa en völlurinn var
þungur og erfiður viðureignar.
Samt sem áður sáust glæsileg til-
þrif inni á milli og mótið var vel
heppnað.
Heiðar Davíð Bragason var
allan tímann meðal efstu manna
en honum fataðist flugið í gær.
Hann var í öðru sæti fyrir loka-
daginn. „Þetta gekk frekar illa,
sérstaklega á flötunum. Ég púttaði
mig eiginlega út úr þessu. Ég var
ekki að strjúka boltann illa en ég
virtist ekki geta lesið þetta rétt.
Þegar ég hélt að væri brot gerðist
ekki neitt og öfugt og ég held að ég
hafi verið með 35 pútt á hringnum.
Ég sló ágætlega en gerði svo bara
ekkert á flötunum,“ sagði Heiðar.
„Ég var ekki að koma mér nógu
nálægt pinnanum og átti því oft
erfið pútt eftir. Ég náði að halda
þessu í þrjá daga en þetta datt svo
aðeins í sundur núna. Ég hefði vilj-
að enda betur. „Sá sem púttar best
vinnur. Bjöggi púttaði mjög vel og
vippaði auk þess í þarna á sautj-
ándu holu, þetta var flott hjá
honum,“ sagði Heiðar Davíð.
Björgvin Sigurbergsson varð Íslandsmeistari karla í gær eftir skemmtilega keppni. Hann setti niður vipp á
sautjándu holu sem hann segir lykilinn að þessu öllu. Þetta er þriðji Íslandsmeistaratitill Björgvins.