Fréttablaðið - 31.08.2007, Blaðsíða 68

Eitt af því sem mér
finnst skipta hvað
mestu máli í lífinu er að
bera virðingu fyrir
sjálfum sér og öðrum
og fátt fer meira í taug-
arar á mér en virðingarleysi.
Þegar ég var lítil var börnum
kennt að það ætti sérstaklega að
bera virðingu fyrir þeim sem eldri
voru og þeim mun eldri sem þeir
voru, þeim mun meiri virðingu bar
maður fyrir þeim. Þessa virðingu
fyrir eldra fólki finnst mér stundum
skorta í dag sem er alls ekki nógu
góð þróun. Kannski er það ekkert
skrýtið því ekki eiga öll nútímabörn
eins greiðan aðgang að sér mikið
eldra fólki og áður var. Margir for-
eldrar hafa alltof mikið að gera til
þess að tala við börnin að ráði og
margir afar og ömmur líka. Kleinu-
steikjandi og heimaprjónandi
ömmur og sögusegjandi og bíla-
smíðandi afar eru augljóslega á
útleið og í staðinn eru komin yfir-
vinnandi og utanlandsfarandi
nútímaafar og nútímaömmur. Líf-
tími Íslendinga er samt að lengjast
svo tölvert er orðið til af sæmilega
hressum langömmum og langöfum
en einhvern veginn virðist aldrei
neinn reikna neitt sérstaklega mikið
með þeim.
Vandamálin í samfélaginu eru
mörg en sem betur fer er hægt að
finna lausnir á þeim flestum. Á sama
tíma og á elliheimilum og í einhverj-
um heimahúsum er fjöldi eldra fólks
sem er ennþá í nokkuð miklu fjöri
eru grunnskólarnir nefnilega fullir
af börnum sem komast ekki að á frí-
stundaheimilum vegna skorts á
starfsfólki og foreldrarnir eru í
stökustu vandræðum með að koma
einhvers staðar fyrir. Ég held því að
málið sé algjörlega að leiða þessa
tvo hópa saman og skora á ráða-
menn að finna leið til þess. Börnin
geta þá hresst upp á gamla fólkið
með hlátri og smá látum og gamla
fólkið getur sagt börnunum sögur
frá þeim tíma þegar engir ipodar og
leikjatölvur voru til og hápunktur
ársins var að fá eitt epli fyrir jólin.
Persónulega trúi ég því að þessi
samskipti mundu kenna börnunum
sitthvað um virðingu og ekki bara
fyrir þeim sem eldri eru heldur
ýmsu öðru í leiðinni.
TRYGGÐU ÞÉR
ÁSKRIFT AÐ SÝN 2
Gakktu frá áskrift á Netinu og fáðu
30% afslátt af fyrsta mánuðinum.
ÓDÝRARA Á NETINU
512 5100 | SYN.IS | VERSLANIR VODAFONE