Fréttablaðið - 21.10.2007, Side 4

Sími 591 3100 - www.atlantsolia.is
5 kr. afsláttur
þegar þú átt afmæli!
Þeir sem eru með dælulykil
Atlantsolíu fá 5 krónu afslátt af
lítraverði þegar þeir kaupa
eldsneyti á afmælisdaginn
sinn.
Tólf eldri borgarar
gengu á fund Páls Magnússonar
útvarpsstjóra á fimmtudag með
yfir þúsund undirskriftir á lista
þar sem óskað var eftir því að
dagskrárliðurinn Orð kvöldsins
yrði aftur á dagskrá Rásar 1. Páll
tók vel í hugmyndina og sagðist
ætla að skoða málið.
Orð kvöldsins voru á dagskrá
fimm mínútum fyrir tíufréttir
Rásar 1 á kvöldin, þar sem farið
var með stuttar kvöldbænir. Hætt
var að útvarpa þættinum um miðj-
an síðasta mánuð.
„Það er okkur mikið hjartans
mál að fá þessar fáu mínútur á
kvöldin,“ segir Valgerður Gísla-
dóttir, sem situr í stjórn ellimála-
ráðs Reykjavíkurprófastsdæmis.
Hún stóð fyrir undirskriftasöfn-
uninni og kom á fundinum með
útvarpsstjóra fyrir hönd aðdá-
enda þáttarins. „Þessi þáttur er
eldra fólki óhemju mikils virði.
Það er oft einangrað og eitt, og
vill fá bænina sína meðan það
liggur í bólinu og bíður eftir að
sofna.“
Hún segist ekki vita hvers
vegna þátturinn var tekinn af dag-
skrá, en í kjölfarið hafi síminn
hringt látlaust hjá henni í elli-
málaráði. „Fólkið er í svo góðu
sambandi við mig að ef eitthvað
þarf að gera þá heldur það að ég
geti það bara. Ég berst fyrir minni
hjörð.“ Fundurinn með útvarps-
stjóra gekk mjög vel að sögn Val-
gerðar.
„Við hlustum á þá sem hlusta á
okkur og við ætlum að skoða þetta
mál,“ segir Páll Magnússon
útvarpsstjóri. Hann kveður við-
brögðin hafa komið sér á óvart.
„Ég hugsa að við förum yfir þetta
strax eftir helgi og tökum ákvörð-
un í kjölfarið.“
Hann segir mönnum hafa þótt
þátturinn afkáralega tímasettur,
nánast eins og kveðjuorð í dag-
skrá áður en kvöldfréttir byrjuðu.
Því hafi hann verið tekinn af dag-
skrá á þeim tíma sem hann var og
ekki settur inn aftur.
„Það voru vangaveltur um það
hvað þátturinn ætti að vera lang-
ur, hvar hann ætti að vera í dag-
skránni og hvernig flutningi hans
ætti að vera háttað. En við skoð-
um þetta núna í ljósi þess hversu
mikil viðbrögðin hafa verið.“
Orðið er eldra fólki
óhemju mikils virði
Eldra fólk vill fá Orð kvöldsins aftur á Rás 1. Fundað var með útvarpsstjóra sem
tók vel í hugmyndina. Okkur hjartans mál að fá þessar fáu mínútur, segir for-
svarsmaður aðdáenda. Hlustum á þá sem hlusta á okkur, segir útvarpsstjóri.
Átta manna áhöfn bátsins
Tjaldaness GK 525 slapp með
skrekkinn þegar báturinn missti
vélarafl á föstudagskvöld.
Orsökin var sprenging í smurolíu-
dælu.
Báturinn, sem er 240 tonn, var
staddur um þrjár sjómílur frá
landi út frá Þórsnesi skammt frá
Grindavík. Björgunarsveitir og
lögregla voru send á staðinn en
ekki reyndist þörf á aðstoð þeirra
því áhöfn bátsins tókst að
gangsetja vélina og sigla bátnum
til hafnar í Grindavík.
Að sögn lögreglu var engin
hætta á ferðum.
Áhöfnin slapp
með skrekkinn
Utanríkisráðuneytið
hefur sent frá sér fréttatilkynningu
þar sem fram kemur að Ólafur Örn
Haraldsson hafi látið af störfum
fyrir nokkrum dögum sem forstjóri
Ratsjárstofnunar í góðu samkomu-
lagi við ráðuneytið. Tilefni tilkynn-
ingarinnar er frétt á forsíðu Frétta-
blaðsins í gær um fráhvarf Ólafs
frá stofnuninni, undir fyrirsögn-
inni „Forstjóri gekk á dyr hjá Rat-
sjárstofnun“. Utanríkisráðuneytið
segir að fyrirsögn Fréttablaðsins
eigi ekki við rök að styðjast, en
gerir ekki athugasemdir við efnis-
tök fréttarinnar að öðru leyti.
Þetta eru mun fyllri upplýsingar
um fráhvarf Ólafs frá Ratsjárstofn-
un en Grétar Már Sigurðsson, ráðu-
neytisstjóri utanríkisráðuneytis-
ins, lét blaðamanni í té við vinnslu
fréttarinnar.
Í fréttatilkynningunni segir jafn-
framt að ráðuneytið og Ólafur Örn
séu sammála um að nú þegar ljóst
er að aftur verði ráðist í verulega
umbreytingu á rekstrinum sé heppi-
legast að gefa svigrúm fyrir að nýir
aðilar komi að málum. Því hafi orðið
samkomulag um að Ólafur vinni
ekki út uppsagnarfrest sinn. Sex
mánaða uppsagnarfrestur Ólafs tók
gildi 1. október síðastliðinn.
Ráðuneytið þakkar Ólafi Erni í
tilkynningunni fyrir vel unnin störf
og væntir góðs samstarfs við hann
og ráðgjafar um fyrirsjáanlega
endurskipulagningu.
Ekki náðist í Ólaf Örn við vinnslu
fréttarinnar.
Vinnur ekki út uppsagnarfrest
Karlmaður á
þrítugsaldri er í haldi lögreglunn-
ar í Reykjavík vegna umfangs-
mikillar kannabisræktunar.
Maðurinn var handtekinn á
heimili sínu í Reykjavík aðfara-
nótt laugardagsins eftir að húsleit
var gerð í iðnaðarhúsnæði í
Hafnarfirði. Þar fundust 160
kannabisplöntur á lokastigi
ræktunar. Húsleitin var fram-
kvæmd að undangengnum
dómsúrskurði.
Rannsókn málsins er á frum-
stigi.
Kannabisrækt-
un stöðvuð
Herstjórnin í Búrma
hefur aflétt útgöngubanni sem
tók gildi í síðasta mánuði vegna
mótmæla almennings gegn
verðhækkunum í landinu. Þetta
kemur fram á fréttavef breska
ríkisútvarpsins.
Hervagnar óku með hátalara
um götur borgarinnar og til-
kynntu um þessa ákvörðun. Ekki
er ljóst hvort útgöngubanni, sem
verið hefur í gildi í borginni
Mandalay, hefur einnig verið
aflétt.
Á fimmtudag leystu stjórnvöld
úr haldi hóp mótmælenda sem
handtekinn var þegar mótmælin
stóðu sem hæst.
Banni aflétt í
Rangún
Kvenfélag Kópavogs
hefur veitt fjölbýli geðfatlaðra í
Hörðukór 200 þúsund króna
peningagjöf. Gunnar I. Birgisson,
bæjarstjóri í Kópavogi, veitti
peningagjöfinni viðtöku.
Helga Skúladóttir, formaður
kvenfélagsins, segir að félagið
vilji styðja við bakið á þeim sem
minna mega sín og vonast til þess
að fleiri úrræði á borð við
fjölbýlið í Hörðukór verði til.
Íbúðakjarninn við Hörðukór
samanstendur af sjö tveggja
herbergja íbúðum sem eru til
útleigu og einni þjónustuíbúð.
Markmið úrræðisins er að hvetja
íbúana til sjálfshjálpar.
Styrkja fjölbýli
geðfatlaðra
Þingkosningar fara fram í
Póllandi í dag, en samkvæmt
fréttavef breska
ríkisútvarpsins
eru uppi áhyggj-
ur af áhugaleysi
kjósenda. Í
síðustu kosning-
um var aðeins
um 40 prósent
þátttaka og
stefnir í svipaða
þátttöku í ár.
Sitjandi stjórn
hefur einkennst af baráttu gegn
spillingu annars vegar og af
harðsvíraðri afstöðu gagnvart
Evrópusambandinu hins vegar.
Forsætisráðherra landsins,
Jaroslaw Kaczynski, hefur biðlað
til kjósenda að veita sér tækifæri
til að halda starfi sínu áfram.
Donald Tusk er helsti andstæð-
ingur forsætisráðherrans í
kosningunum. Hann segir
ríkisstjórnina einbeita sér of lítið
að uppbyggingu efnahags
landsins.
Áhyggjur af
áhugaleysi