Fréttablaðið - 21.10.2007, Síða 104

78.900 kr.
Fer›askrifstofa í eigu Iceland Express
www.expressferdir.is
BOLTINN ER HJÁ OKKUR
CHELSEA – WESTHAM
30. nóv.–2. des.
Nánar á www.expressferdir.is
eða í síma 5 900 100
74.900 kr.
LIVERPOOL – BOLTON
30. nóv.–2. des.
Verð á mann í tvíbýli
Verð á mann í tvíbýli
39.900 kr.
DANMÖRK – ÍSLAND
Undankeppni EM, Parken
21.–22. nóvember
Verð á mann í tvíbýli
Einnig í boði að lengja
ferðina um einn dag,
20.–22. nóvember
Einar Hólmgeirsson er
enn og aftur kominn á meiðslalist-
ann en það á ekki af þessum 25 ára
Breiðhyltingi að ganga. Hann
hefur meiðst illa í þrígang síðan
um áramótin síðustu og verður
ekki með landsliðinu um næstu
helgi gegn Ungverjum. Hann ætti
þó að verða klár í slaginn fyrir EM
í janúar.
Nýjasta áfallið dundi yfir í
Meistaradeildarleik gegn Ciudad
Real í lok september en þá var
Einar borinn sákvalinn af velli
meiddur á læri. Það var grátleg
niðurstaða fyrir Einar sem fékk
langþráð tækifæri í leiknum eftir
að hafa setið á bekknum í nánast
öllum leikjum vetrarins fram að
því.
„Þetta er búið að vera gremju-
legt ár. Í lokaleiknum um síðustu
áramót sleit ég liðband í þumli
þannig að ég varð að fara í aðgerð
og missti þar með af HM. Ég var
frá í 11 vikur vegna þeirra meiðsla.
Eftir 25 mínútur í mínum fyrsta
leik eftir þau meiðsli fékk ég
brjósklos sem héldu mér frá út
tímabilið,“ sagði Einar svekktur,
en hann byrjaði fyrst að æfa aftur
í lok síðasta sumars. Einar missti
þar með af undirbúningstímabil-
inu og það var ein aðalástæðan
fyrir því að hann fékk ekkert að
spila framan af vetri. Hann neitar
því ekki að mótlætið hafi tekið
sinn toll á honum.
„Ég var orðinn mjög pirraður á
tímabili út í allt. Ég á blessunar-
lega góða að sem hafa staðið þétt
við bakið á mér og stappað í mig
stálinu. Það er nauðsynlegt að eiga
slíkt fólk að. Hugarfarið skiptir
gríðarlega miklu máli og eðlilega
dettur maður niður inn á milli og
verður létt þunglyndur í svona
mótlæti. Maður reynir samt að
vera jákvæður og horfa fram á
veginn,“ sagði Einar sem telur
mikilvægt að eiga góða að og hann
segist ekki geta verið án unnustu
sinnar, Elfu Bjarkar Hreggviðs-
dóttur.
„Ef ég væri einn hérna þá myndi
mér hundleiðast. Þá væri maður
bara í einhverju djammi og rugli.
Svo er gott að hafa einhvern til að
tala við þegar illa gengur og lífið
er mikið auðveldara með góðum
aðila sér við hlið.“
Eins og áður segir missti Einar
af stærsta HM frá upphafi í jan-
úar og hann er enn að glíma við
þau vonbrigði.
„Þetta voru mikil vonbrigði og
ég er enn að svekkja mig á því að
hafa spilað leikinn sem ég meidd-
ist í. Ég var búinn að vera meiddur
og átti ekkert að spila. Þjálfarinn
bað mig svo um að spila og ég tók
sénsinn. Að sjálfsögðu meiddist
ég síðan illa. Þetta var hrikalega
svekkjandi og símtalið við Alfreð
um kvöldið var erfitt. Þetta voru
ekki skemmtilegustu áramótin frá
upphafi.“
Einar uppfyllti langþráðan
draum þegar hann samdi við stór-
lið Flensburg eftir að hafa leikið
með Grosswallstadt í ein þrjú ár.
Hann segist hafa fengið gæsahúð
þegar Flensburg tók á móti Kiel
en stemningin á þeim leikjum er
mögnuð og umhverfið hjá Flens-
burg er að standast allar vænting-
ar skyttunnar.
„Þegar Flensburg reyndi fyrst
að fá mig fyrir tveimur árum gekk
það ekki upp þar sem ég var samn-
ingsbundinn Grosswallstadt. Að
fá samt þessa viðurkenningu að
Flensburg hefði áhuga á manni
var frábær. Ekki skemmdi fyrir
að þetta hefur alltaf verið minn
uppáhaldsklúbbur. Ég veit ekki af
hverju en félagið hefur alltaf heill-
að mig. Ég var fljótur að stökkva
til þegar ég gat loks samið við
félagið,“ sagði Einar sem var
löngu búinn að semja við félagið
áður en það var gefið opinberlega
út. Hann lék því heilt tímabil með
Grosswallstadt vitandi að hann
væri á förum til Flensburg.
„Það var mjög skrítið og erfitt
að halda kjafti fyrstu mánuðina
áður en málið spurðist út. Fjöl-
skyldan mín vissi af þessu en ég
gat ekki sagt vinum mínum frá
nýja samningnum. Ég þurfti því
að ljúga að fólki sem var ekki
skemmtilegt,“ sagði Einar en er
hann orðinn ríkur eftir að hafa
samið við eitt stærsta handbolta-
félag heims?
„Ég veit það ekki. Ég fæ betri
laun en í Grosswallstadt og menn
hafa þokkalegt upp úr þessu en
ekkert gríðarlega mikið. Lífið er
ágætt og maður getur lagt aðeins
fyrir. Ég er nú ekkert moldríkur
og keyri ekkert um á glæsikerr-
um. Ég er bara á Golf,“ sagði Einar
og glotti.
Síðasta árið hefur ekki verið neinn dans á rósum hjá handknattleikskappanum Einari Hólmgeirssyni.
Hann hefur meiðst illa þrisvar sinnum síðan um áramót og hefur þar af leiðandi lítið getað sýnt sig hjá
stórliði Flensburg. Fréttablaðið tók hús á Einari ytra á dögunum og spurði hann út í lífið og tilveruna.
Tobias Lineker, 11 ára
gamall sonur hins fræga marka-
skorara Gary Lineker, hefur
skrifað undir unglingasamning
við Chelsea.
„Tobias er mjög efnilegur
leikmaður og öll liðin í London
voru á eftir honum. Við bindum
miklar vonir við hann og ef til vill
verður hann framtíðar framherji
Englands,“ sagði ónafngreindur
innanbúðarmaður hjá Chelsea í
viðtali við The Sun. Gary Lineker
var að vonum ánægður fyrir hönd
sonar síns, sem hafði verið
orðaður við Arsenal og svo
Tottenham, þar sem pabbi hans
gerði áður garðinn frægan.
Chelsea semur
við Lineker
Jens Lehmann, hinn 37
ára gamli markvörður Arsenal,
var ekki valinn í hóp Arsenal
þegar liðið mætti Bolton í gær.
Búist var við því að Lehmann
myndi fá tækifæri á ný í byrjun-
arliði Arsenal eftir að hafa jafnað
sig á meiðslum, en Arsene
Wenger, stjóri liðsins, ákvað að
halda tryggð við Manuel Almunia.
„Ég hef ákveðið að spila áfram
með sama lið sem er búið að vera
spila vel upp á síðkastið. Við
eigum þrjá heimsklassa mark-
menn hjá Arsenal og Lehmann
verður að skilja það að hann
getur ekki gengið sjálfkrafa inn í
liðið eftir meiðslin,“ sagði
Wenger á blaðamannafundi fyrir
leikinn í gær.
Jens Lehmann
úti í kuldanum
Þróttarar, sem á dögun-
um unnu sér rétt til þess að spila
í efstu deild í fótbolta að ári, eru
byrjaðir að búa sig undir kom-
andi átök.
Liðið samdi við Sigmund
Kristjánsson til þriggja ára í
gær. Sigmundur er uppalinn hjá
félaginu og spilaði þar í yngri
flokkum áður en hann fór erlend-
is í atvinnumennsku árið 2002,
þar sem hann spilaði með ungl-
inga- og varaliðum Utrecht í Hol-
landi.
Þegar Sigmundur kom aftur
heim árið 2004 gekk hann til liðs
við KR og spilaði 57 leiki fyrir
félagið á þremur tímabilum, þar
á meðal 15 leiki í Landsbanka-
deildinni í sumar.
Sigmundur var samningslaus
eftir tímabilið og var meðal ann-
ars orðaður við FH og Fylki, þó
svo að flestir hafi reyndar reikn-
að með því að hann yrði áfram
hjá KR, en Þróttur varð aftur á
móti fyrir valinu á endanum.
„Ég er mjög sáttur með að hafa
valið Þrótt. Þetta hafði í sjálfu
sér fljótan aðdraganda því ég var
búinn að gefa það út að ég ætlaði
að taka mér góðan tíma eftir
tímabilið til þess að skoða mín
mál og ákveða mig, en reiknaði
alltaf með því að gera nýjan
samning við KR. Þegar Þróttarar
komu hins vegar inn í þetta þá
heillaði það mig strax mjög mikið
og það er gott að koma heim á
fornar slóðir,“ sagði Sigmundur
og kvaðst spenntur fyrir kom-
andi verkefni með Þrótti.
„Það er mikil ögrun fyrir mig
að fara til Þróttar á þessum tíma-
punkti og ég hef fullan metnað til
þess að hjálpa Þrótti til þess að
verða stöðugt úrvalsdeildarlið.
Það gengur ekki að vera í ein-
hverju ströggli og vera alltaf að
hoppa upp og niður á milli
deilda,“ sagði Sigmundur ákveð-
inn.
Það er gott að koma heim